JOEL 3
3
Kɔ́ɔ̄ɓē adə̄ de gə̄ malang Ndílən
1Gō tə́ anī, m-ā m-ādə̄ Ndílə́ḿ risə dɔ de gə̄ tə́ malang.
Ngáńsí kə́ dəngam gə̄ ō, ngáńsí kə́ dəyá̰ gə̄ ō, a ədan̄ najə̄ kə́ Nə́ɓā əndā tadə́ tə́ ō,
nī a rāā de kə́ tɔgə ɓə́ga yāsí gə̄, ngósaa yāsí gə̄ a a̰a̰n̄ yá̰a̰.
2Kem ndɔ̄ gə̄ ngeé ń noō tə́ ní,
m-ā m̄-rāā kadə̄ Ndílə́ḿ risə
dɔ ngé kəla kə́ dəngam gə̄ tə́ ō,
dɔ ngé kəla kə́ dəyá̰ gə̄ tə́ ō.
3M-ā m̄-rāā kadə̄ yá̰á̰ kə́ to kɔr kum gə̄ ton̄ dɔ rā̰ tə́ ō, dɔ nang tə́ ō,
Mósə a to ō, hor a to ō, sa hor kə́ ra kə ngālāá ɓururu gə̄ a ton̄ ō.
4Mbang a tél loo kə́ risə til nding ō, nāā a tél mósə ō,
pá tá kadə̄ ndɔ̄ yā Kɔ́ɔ̄ɓē ń i ndɔ̄ kə́ bo ngá̰ý ō,
to ɓōĺ ngá̰ý ō ní ugə̄ ɓáý.
5Loo ń noō tə́, de gə̄ malang ń a ɓārə́n̄ rī Kɔ́ɔ̄ɓē ní, a ajən̄.
Tɔdɔ̄ tītə̄ ń Kɔ́ɔ̄ɓē ədań ní,
de gə̄ a teēn̄ Jerusalem ō, dɔ mbal̄ kə́ Siyo̰ tə́ ō,
nin̄ a ajən̄. Nin̄ i dɔ dán ngé gə̄ ń teēn̄ ta yo tə́ ní, dɔ dáń ngé gə̄ ń Kɔ́ɔ̄ɓē ɓāŕdə́ tə́ ní.
Currently Selected:
JOEL 3: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.