1 YÁ̰A̰ GƏ̄ 4

Rī de kə́ rang gə̄ kə́ gír kaa yā Juda tə́

1Rī ngán Juda gə̄ na i Peres ō, Hesəron ō, Karmi ō, Hur ō, Sobal ō. 2Reaya ngōn̄ Sobal ojə Yahat. Yahat ojə Ahumai ō, Lahad ō. I nin̄ n i kaa de kə́ gír kojə yā Sora tə́ gə̄ ní.

3-4Hur ń i hágə Epərata ō, i ni n əndā gír ɓē kə́ Betlehem ō ní, ojə Etam ō, Jisreel ō, Isama ō, Idəbak ō. Ni-ojə ngōn̄ kə́ dəyá̰ kógə̄ḿ ō, rīn na i Hasəlelponi. Gō tə́ anī ojə Penuel nge kəndā gír ɓē kə́ Gedor ō, Ejer nge kəndā gír ɓē kə́ Husa ō. 5Asehur nge kəndā gír ɓē kə́ Tekoa taā dəyá̰ gə̄ i jōó, kógə̄ḿ rīn na i Hela ō, kə́rēý rīn na i Naara ō. 6Naara ojə Ahujam ō, Heper ō, Temni ō, Ahasetari ō. Rī ngán Naara gə̄ n noó. 7Rī ngán Hela gə̄ na i Seret ō, Sohar ō, Etənan ō. 8Kos ojə Anub ō, Sobeba ō, de kə́ gír kaa yā Aharel ngōn̄ Harum tə́ gə̄ ō. 9De gə̄ tə́dan̄ Yabes tɔȳ gotə ngákó̰o̰n gə̄. Kó̰o̰n əndā rīn na i Yabes, tɔdɔ̄ əda na dan ń n-ojən ní na tōr rɔ̄n ngá̰ý. 10Yabes ndɔ̄ȳ Nə́ɓā əda na: Nə́ɓā yā Israel, ī-rāā majə seḿ, ī-teē kem dɔ nang yāḿ kə̄ gogə́ adə̄m̄ ō, ə̄ndā jīí dɔḿ tə́ ī-ngɔ̄m̄ə̄m̄neé ō, ādə̄ yá̰á̰ kə́ to kum kaȳ aĺ teē dɔḿ tə́ aĺ ō, ādə̄ m-á̰á̰ tápə̄ aĺ ō. Anī Nə́ɓā rāā yá̰á̰ ń ni dəjen ní.

11Kelub ngōkó̰o̰ Suha ojə Mehir kə́ bɔbə̄ Esəton. 12Esəton ojə Bet Rapa ō, Pasea ō, Tehina kə́ bɔbə̄ Ir Nahas ō. I nin̄ n i de kə́ Reka gə̄ ní.

13Rī ngán Kenas gə̄ na i Otəniel ō, Seraya ō. Rī ngán Otəniel gə̄ na i Hatat ō, Menotai ō. 14Menotai ojə Opəra ō, Seraya ojə Yoab kaa kɔdə̄ gə̄ ń ndin̄ wól loo yā kɔdə̄ gə̄ tə́ ní ō.

15Rī ngán Kaleb kə́ ngōn̄ Yepune na i Iru ō, Ela ō, Naam ō. Ngōn̄ Ela i Kenas.

16Rī ngán Yehalelel gə̄ na i Jip ō, Jipa ō, Tiria ō, Asarel ō.

17-18Rī ngán Esdras gə̄ na i Yeter ō, Mered ō, Eper ō, Yalon ō. Mered taā Bitia ngōn̄ mban̄g kə́ Ejiptə ojəń Miriam ō, Samai ō, Isəba nge kəndā gír ɓē kə́ Esətemoa ō. Mered taā dəyá̰ kə́ Juda ojəń Yered nge kəndā gír ɓē kə́ Gedor ō, Heber nge kəndā gír ɓē kə́ Soko ō, Yekutiel nge kəndā gír ɓē kə́ Janoa ō.

19Hodia taā ngōkó̰o̰ Naham kə́ dəyá̰. Rī de kə́ gír kojə yādə́ tə́ gə̄ i Garmi gə̄ ń ndin̄ Keila ní ō, Maaka gə̄ ń ndin̄ Esətemoa ní ō.

20Rī ngán Simon gə̄ na i Amnon ō, Rina ō, Ben Hanan ō, Tilon ō. Kojə yā Isei i Johet nin̄ kə ngōnəneé.

21Rī de kə́ gír kojə yā Sela ngōn̄ Juda tə́ gə̄ n toó: Er nge kəndā ɓē kə́ Leka ō, Lada nge kəndā gír ɓē kə́ Masera ō, i gír kaa gə̄ kə́ ngé rāā kəla kūbə̄ lḛ́ḛ́ kə́ kəlā kəjōn kídə̄ yululu gə̄ ń ndin̄ Bet Asəbea ní. 22Sela i kaa Yokim ō, de gə̄ ń ndin̄ Kojəba ní ō, Yoas ō, Sarap ō, i nin̄ n táān̄ dəyá̰ Moab gə̄ pá tá tél reē ndin̄ Lehem ní. Yá̰a̰ gə̄ ń noō i yá̰á̰ kə́ jóó ngá̰ý gə̄. 23I de kə́ gír kojə yādə́ tə́ gə̄ ń i kɔdə̄ gə̄ jóo ní. Ndin̄ i Netaim ō, Gedera ō. Ndin̄ i loo gə̄ ń noō tə́ n a rāān̄neé kəla yā mban̄g ní.

De kə́ gír kojə yā Simeo̰ tə́ gə̄

24Rī ngán Simeo̰ gə̄ na i Nemuel ō, Yamin ō, Yarib ō, Jera ō, Saul ō. 25De kə́ gír kojə yā Saul tə́ gə̄ kə gō naá n toó: Salum ō, Mibəsam ō, Misəma ō. 26Yā Misəma gə̄ i Hamuel ō, Jakur ō, Simei ō. 27Ngán Simei kə́ dəngam gə̄ i kutə gidə i mehḛ́ ō, ngánən kə́ dəyá̰ gə̄ i mehḛ́ ō, banī ngán ngákó̰o̰n gə̄ i ngá̰ý alé. I tām̄ najə̄ ń noō tə́ n gír kaa gə̄ kə́ gír ɓē yā Simeo̰ tə́ i ngá̰ý tītə̄ yā Juda aĺ ní.

28Nin̄ ndin̄ i Beer Seba ō, Molada ō, Hasar Sual ō. 29Bila ō, Esem ō, Tolad ō, 30Betuel ō, Horma ō, Sikəlag ō, 31Bet Markabot ō, Hasar Susim ō, Bet Biri ō, Saraim ō. Nin̄ ndin̄ i kem ɓē gə̄ ń noō tə́ ō, kem ngán ɓē yādə́ gə̄ tə́ ō, bátə́ ugə̄ń ɓāl̄ ko̰o̰ ɓē yā Dabid tə́. 32Nin̄ ndin̄ kem ɓē kə́ mí gə̄ ń toō tə́ ō, adə̄ i ɓē kə́ Etam ō, Ain ō, Rimon ō, Token ō, Asan ō. 33Ndin̄ ngán ɓē gə̄ kə́ gidə ɓē gə̄ ní tə́ bátə́ ta kaw̄ Baalat ō. Rī loo gə̄ ń nin̄ ndin̄ tū tə́ ní n noó ō, rī de kə́ gír kojə yādə́ gə̄ tə́ n noó ō. 34Mesobab ō, Yamlek ō, Yosa kə́ ngōn̄ Amasia ō, 35Yoel ō, Yehu kə́ ngōn̄ Yosibia ō, ngōn̄ Seraya ō, ngōn̄ Asiel ō, 36Eliohenai ō, Yakoba ō, Yesohaya ō, Asaya ō, Adiel ō, Yesimiel ō, Benaya ō, 37Jija kə́ ngōn̄ Sipei ō, ngōn̄ Alon ō, ngōn̄ Yedaya ō, ngōn̄ Simri ō, ngōn̄ Semaya ō. 38De gə̄ ń tə́dan̄ rīdə́ noō, nin̄ i ngār gə̄ kə́ dɔ de gə̄ kə́ gír kaa yādə́ gə̄ tə́ ō, kojə yādə́ gə̄ ojən̄ naā ngá̰ý adə̄ kutədə́ i ngá̰ý ō. 39Nin̄ tə̄ndān̄ naā tḭ̄ḭ̄n̄ kə̄ loo gə̄ tə́ yā sāań mu kə́ mbōl̄ gə̄ tə́ tām̄ yā yá̰a̰ kul̄ yādə́ gə̄ tə́. Aw̄n̄ bátə́ ugə̄n̄ kadə ɓē kə́ Gedor tə́ ngɔr. Ré deē ra wól loo tə́ anī, nin̄ i kə̄ dām̄ kə́ gír ɓē tə́. 40Nin̄ əngen̄ loo kə́ mu kə́ mbōl̄ majə i tū tə́ gə̄ ō, dɔ nang ní laa majə ō, ndi lɔm ō. De kə́ gír kojə yā Kam tə́ gə̄ ndin̄ dɔ nang ní tə́ kété. 41De gə̄ ń tə́dan̄ rīdə́ kété laā ní, ɓāl̄ yā Ejekias mban̄g kə́ Juda tə́ ní, reē nujən̄ kújə tandā gə̄ yā de kə́ gír kojə yā Kam tə́ gə̄ ní kɔ̄ɔ́ ō, nujən̄ loo ɓɔ̄ɔ̄ rɔ̄ yādə́ gə̄ kɔ̄ɔ́ ō, tɔ̄lə̄n̄ de kə́ kem ɓēé gə̄ malang kɔ̄ɔ́ ō. Ɓōólaā gə̄gē deē a̰a̰ gōtóo de kə́ gír kojə yā Kam tə́ gə̄ ní alé. De gə̄ ń tə́dan̄ rīdə́ kété laā ní ndin̄ gotədə́ tə́, tɔdɔ̄ loo gə̄ kə́ mu kə́ majə i tū tə́ gə̄ ton̄ loo ní tə́ tām̄ yā batə̄ yādə́ gə̄ tə́ ō, bə̄yā̰ yādə́ gə̄ tə́ ō.

42Ngán Simeo̰ kə́rēý gə̄ aw̄ ndin̄ dɔ mbal̄ kə́ Seir tə́. De kə́ sedə́ gə̄ i ɓú mí. Jamā dɔdə́ gə̄ i ngán Isei gə̄ ń i Pelatia ō, Nearia ō Repaya ō, Ujiel ō ní. 43Nin̄ tɔ̄lə̄n̄ Amalek kə́ ngé teē ta yo tə́ gə̄ ń a̰ȳ aw̄ ndin̄ noó ní kɔ̄ɔ́ ba ndin̄ gotədə́ tə́. Ɓōólaā gə̄gē nin̄ ndin̄ noó ɓáý.

Currently Selected:

1 YÁ̰A̰ GƏ̄ 4: SARDC

Highlight

Copy

Compare