Oroma 16
16
Ɔpɔlu A Gbɛlɛ Ɛmɛza Wu Ɛnyi
1Imi mi yi iso iyeshi iyi mi so meka iyi umanyi nzu okokpayi Ofibi, u wo ɛduma mu ɔshɔshi mu Osekiriya. 2Mi kpa yi ɛshɛku te la lu na wu kwuwongu ɛnyi iyi Ɔkwu mate ifate bɔkɔ enzu umba Ukpo lo wo, la lu mbwa wu ma mu imbwama iyi bɔkɔ aa gagyi munyi yi, moo a mbwa la enzu ma gyɔ ikyo mi tete.
3La lu gbɛlɛ Opirisila mbala Akwila ɛnyi, enzu umba bɔkɔ ki wo ɛduma kyaa iyi Okrasi Ɔzhizɔsi; 4o ra lakwunyɔ mba o shi kwuwo mi. Mi gbɛlɛ mba ɛnyi, akwu Imi kɛɛkyi mo ikyo wa mbwalu lɛɛbi umba bɔkɔ akwu Azhu mo tete. 5La lu gbɛlɛ wa mbwalu umba bɔkɔ o kpala ɛlu mu kwogba mba ɛnyi tete.
La lu gbɛlɛ umɛza mi Epenetu ɛnyi, uwu bɔkɔ akwu onzu uwu kwonze bɔkɔ e kwu idu lu fulo mu Okrasi mu ɛzhi iyi Eshiya. 6La lu gbɛlɛ Omeri ɛnyi, uwu e wo ɛduma iyɛkɔkɔ kwuwo yi. 7La lu gbɛlɛ Adirɔnikɔ mbala Ozhuniyasi ɛnyi, onzu uwu kwomba mi uwu bɔkɔ o ta mba mu ugu ugyi mbala mi awu; o yitu mbo marimari meka iyi wazilɔ, akwɛyi umba o mbwalu Okrasi keyi la mi.
8La lu gbɛlɛ Opalati ɛnyi, uwu bɔkɔ mi pwu idɛnyi wu mu Ɔkwu. 9La lu gbɛlɛ Ubanusu ɛnyi, onzu uwu ɛduma nzu iyi Okrasi, mbala umɛza mi kasɛkɛ Isitaki. 10La lu gbɛlɛ Apɛlɛ ɛnyi, uwu bɔkɔ imbwalu Okrasi wu o nyama la yi. La lu gbɛlɛ enzu umba kwogba ungwu Arisitobulu ɛnyi. 11La lu gbɛlɛ Ɛrɔdiyɔ, umɛnɛ mi Ozhu ɛnyi, mbala wa mbwalu umba bɔkɔ o yi mu Onasisu ɛnyi.
12La lu gbɛlɛ Turufena mbala Turufosa, umba bɔkɔ oo wo ɛduma iyi Ɔkwu ɛnyi, mbala umɛza mi kasɛkɛ Opasisi ɛnyi, uwu bɔkɔ e wo ɛduma iyi Ɔkwu iyɛkɔkɔ. 13Gbɛlɛ Orufu ɛnyi, uwu bɔkɔ Ɔkwu a ŋa wu mbala anyi wu, uwu bɔkɔ e to mi mate umɛ wu tayi awu. 14Gbɛlɛ Asukiritu, Ɔfɛligɔ, Ɛmɛsi, Opatiroba, Ɛmasi mbala ɛmɛnɛ wa mbwalu umba bɔkɔ e yi mbala mba awu. 15Gbɛlɛ Ofilologu, Ozhuliya, Ɔnɛru mbala umanyi wu okokpayi, mbala Olipasi mbala enzu umba Ukpo lɛɛbi umba bɔkɔ o yi mbala mba awu ɛnyi. 16La lu gbɛlɛ esu ɛnyi la egbo ikpɛnyi, la lu kpa esu idu. Wambwalu Okrasi lɛɛbi o ye yi mu ɛnyi igbɛlɛma.
Okpa Umbwambwa Uwu Ɔpɔlu
17Mi so yi ɛmɛmbɛnɛ, la lu ngbɛndu mbaa enzu umba bɔkɔ o bo la ikama akwɛyi o wo kiya ingyi bɔkɔ ki shi enzu kaa lo ngbomo akwɛyi o zɔ ɛzu iyi bɔkɔ i yi ikikɔ mbala iyi Okrasi bɔkɔ enzu o yitu yi awu. Lunyi la lu zɛ gboo la lu shi mbo. 18Uzhi uwu enzu mbamba tayi o yi mu Okrasi Ɔkwu nzu ɔya igbomo mo, o yi mu kwɔsubu mba ɔya igbomo byi. Mu iso iyi inyima isomo mbala iso iyi kwukyoro ba o kyoro enzu umba bɔkɔ akwu ogbuduru uwu kiya awu ma. 19Onzu uwunawuna ba e yitu te uŋɔ ŋɔ yi ilomo, ɛlɛ i shi mi ɔnyɛ gyɔɔ. Mi gyi te kaa yi amasa mu kiya ingyi bɔkɔ akwu ingyeshi ba lakwu ogbuduru uwu kiya ingyira.
20Ukpo uwu idigbomo e shɛkɛ onzu uwoyi awu ma kekelele akwɛyi ee shi yi ekpasu mu reshi wu.
Esheshi iyi Ɔkwu nzu Ɔzhizɔsi li yi mbala yi.
21Otimoti, onzu uwopo mi uwu bɔkɔ kii wo ɛduma kyaa awu, e ye yi mu ɛnyi igbɛlɛma; mbala Ɔlushiyɔ, Ɔzhasɔ, mbala Ososipata Ozhu umɛnɛ mi.
22Imi Ɔtatiyɔ uwu bɔkɔ mi ka kwupwu kwɔlɛ le, mi ye yi mu ɛnyi igbɛlɛma mu ɛnyi iyi Ɔkwu.
23Ɔgayɔ uwu bɔkɔ Imi mi kwu ugboga wu ba ɔshɔshi o kpala ɛlu mu kwogba wu awu, e ye yi mu ɛnyi igbɛlɛma.
Erasitu, u ra la kɛnɛ unga eduwo iyi kwuse, mbala Kaatu o ye yi mu ɛnyi igbɛlɛma.
24Esheshi iyi Ɔkwu nzu Ɔzhiisɔs Okrasi li yi mbala yi. Li yi tayi.
Ukpo Ilɛma Uwu Ɔpɔlu Uwu Iduma Iyi Ukpo
25Ukpo e domo te e shi ŋɔ ɛnwɛkɔ, kyamate bɔkɔ ilɔ iyesheshi i so awu te, akwu iso iyi Ɔzhizɔsi mbala amasa iyi enzu umba bɔkɔ akwu Azhu mo, Amasa iyi bɔkɔ akwu invyemo i wɔ mi yo mɛzhi, 26kekelele ba kyamate bɔkɔ anukenzu o so ba Ukpo uwɔkpɔɔ a manda-a, iso ɛnyi o ta ya nduu la enzu umba bɔkɔ o kwu Azhu mo munamuna-a, kaa lo kwu idu lu fulo akwɛyi o lomo laa Okrasi 27so mɔgɔ uwu Ukpo, uwu bɔkɔ uwu kɛɛkyi gba e yitu le, kaa le yi inzumbɛku iyɔkpɔɔ i zɛ meka iyi Ɔzhiisɔs Okrasi! Li yi tayi.
Currently Selected:
Oroma 16: ETP
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Nigeria
