Iwomo Kambu iyemo
Kambu iyemo
Oluku gba a ka kwokpo ungwu Iwomo iyi Wazilɔ le. Kwokpo kwɔlɛ kwu mbwalu kwokpo ungwu Oluku. A ka ngwu te kaa le so ewo iyi bɔkɔ wambwalu Ɔzhizɔsi umba kwonze umba bɔkɔ Kwundu uwu Ukpo e to mbo keyi, o ta anu iyi Iso Iyesheshi iyawu <<mu Ɔzhɛrusalɛ, mu ɛzhi iyi Ozhudiya lɛɛbi mbala Osamariya nzhii ba ilama iyi kwudu kwɔlɛ>> (1.8). Akwu ɛza iyi luzɛ undu Ɔkrasi imbwaluma undu lu lu gwu mbala enzu umba Azhu nzhii ba lu vyindɔ ɔgwuzɛ uwu Ukpo imbwaluma mu kwudu kwɔlɛ lɛɛbi. Ukama uwu kwokpo kwɔlɛ a kaa enzu umba o bo wa kwokpo kwɔlɛ lɛ ɛnwu ma tee Wambwalu Okrasi akwu agɛwa umba ɛzhi iyi Oromu mo, tee uzhi uwu Wambwalu Okrasi akwu inyɔlɔma iyi ɔgwuzɛ uwu Ukpo imbwaluma uwu Azhu.
Kwokpo ungwu Iwomo iyi wazilɔ kwɔlɛ o kangwuma izhi ɛla: (1) Iyemo iyi luzɛ undu Wambwalu Okrasi mu Ɔzhɛrusalɛ mizhikembo iyi Ɔzhizɔsi e yimo mu kwuvɔ; (2) ibulɔma iyi luzɛ ndɔlɛ nzhii ba mu Opaletanyi; mbala (3) ikyomo iyi ibulɔma iyi luzɛ ndɔlɛ nzhii ba mu ɛnzhi iyi Omediteraniya nzhii ba mu Oromu.
Kwokpo kwɔlɛ ku siso meka iyi ɛduma Kwundu uwu Ukpo uwu bɔkɔ e fye mu wambwalu mu Ɔzhɛrusalɛ ɔnuwu Ɔpɛtakɔ la ekpasu akwɛyi e le mu ɔshɔshi mbala watokeyi wu imbwama mbala ɛnwu ikama mu apula iyi bɔkɔ o ka lɛɛbi mu kwokpo kwɔlɛ.
Ilɔ iyi Wambwalu Okrasi umba kwonze mbala apula iyi i wo iyi bɔkɔ o ka mu kwokpo kwɔlɛ lɛɛbi i zɔ ekpasu yi pepee mu luzɛ undu wambwalu mbamba mbala igyirima iyi ɔshɔshi.
Iso Iyi I Yi Mɛmi
Ɛnwu iyimo iyi anu itama (1.1-26)
a. Ɔkpa umbwambwa uwu Ɔzhizɔsi mbala iso ishimɛzhi (1.1-14)
b. Urikwunzu uwu Ozhudasi (1.15-26)
Anu itama mu Ɔzhɛrusalɛ (2.1—8.3)
Anu itama mu Ozhudiya mbala Osamariya (8.4—12.25)
Ɛduma iyi Ɔpɔlu (13.1—28.31)
a. Luzɛ undu anu itama undu kwonze (13.1—14.28)
b. Igyirima mu Ɔzhɛrusalɛ. (15.1-35)
c. Luzɛ undopo undu anu itama (15.36—18.22)
d. Luzɛ undɔla undu anu itama (18.23—21.16)
e. O ta Ɔpɔlu mu ugu mu Ɔzhɛrusalɛ, Osiseriya mbala Oromu (21.17—28.31)
Currently Selected:
Iwomo Kambu iyemo: ETP
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Nigeria