Iwomo 1
1
1Ɔtiyɔfilɔ, mu kwokpo mi ungwu kwonze, mi ka apula lɛɛbi iyi Ɔzhizɔsi e ye la iwomo mbala iyi a zɔ 2nzhii ba kwɔfyi ungwu Ukpo e towu a kawa moshi. Ɛlɛ i wo mizhikembo iyi Kwundu uwu Ukpo e shi wa zɛ ilɔ wu ekpasu kaa lo yi iyitu iyi apula iyi wa gyite lo yi yi. 3Mizhikembo iyi lukwu wu a zɔ ɛnwu ma mbaa enzu mbɔlɛ la apula iwomo gyɔɔ iyi i zɔ te e yela kwunyɔ. E to afyi uwekpendo a zɔ ɛnwu munyi mbo la iso isomo mekeka iyi ɛsu irimo iyi Ukpo. 4Ɔnu uwufo e yi mu kiya irimo mbala Wavɔngɔkiya wu, akwɛyi e shi mbo ɛrama te: << La lu lafya la Ɔzhɛrusalɛ mo, la lu rigbo la rɛshi ingyi Ada e so awu, iyi lu pwa munyi mi awu. 5Ɔzhɔnu e wo obatisima mu embyi, afyi bwɛɛ iyi i yi mu inyɔma le o wo yi obatisima mu Kwundu uwu Ukpo.>>
Kwundu Uwu Ukpo E To Ɔzhizɔsi A kawa Moshi
6Akwɛyi kwuyengwu wa zɛ ilɔ o kpala ɛlu, o yo wu kwuyo te, <<Adakwogba, kwuye ngwɔlɛ ŋɔ ŋi gbala ɛsu iyi ɛzhi, ŋɔ shi Izirɛ re?>>
7Akwɛyi Ɔzhizɔsi a za mba te: << Iyitu iyi kwuye mbala afyi iyi Ada Ɔsu Ukpo a zɔ mu idomo wu akwu iyayi mo. 8Lunyi ba lu fya ekpasu kwuyengwu Kwundu uwu Ukpo e fye ma yi; Akwɛyi lu kwu azɔgɔ mi mu Ɔzhɛrusalɛ, mbala munamuna mu Ozhudiya la Osamariya, nzhii ba mu imbwama iyi kwudu kwɔlɛ.>>
9Tabɔkɔ Ɔzhizɔsi a mbwa iso ɛlɛ isomo, akwɛyi Ukpo e to wu mo leyi mbo a kawa moshi, akwɛyi kwɔmu kwu nvye wu mo nzhii ba o ma wu fo.
10Tabɔkɔ o bɔ eyi moshi akwɛyi enzu wepo o wɔ kporo mu ɛriga iruwu o ri mbala mba. 11O za mba te, <<Enzu umba Ogalili, kwuwongu kwuwongumbe lu ri munɛ lu yese moshi te? Ɔzhizɔsi ele, uwu o to wu yi mo o ka moshi ele, mate bɔkɔ lu ma wu a ka moshi awu, tatayi gba a gbama le.>>
O Ŋa Omatayasi Kaa La Ri Kunzu Ungwu Ozhuda
12Akwɛyi o yi mu lowa undu uwɛyi uwu Olivu o gba o kama mu Ɔzhɛrusalɛ, luzɛ undu lu ndama mo kyamate kwurizhi ungwu kwomelu kwukpɛnyi tayi. 13Kwuye ungwu o kama, o ya mu ugu uwoshi mbaa bɔkɔ o kpo awu. Enzu umba bɔkɔ o yi mɔmɔ gba akwu Opita mbala Ɔzhɔnu mbala Ozhemisi mbala Anduru mbala Ofilipu mbala Otoma mbala Obatalomiwu mbala Omatiyu mbala Ozhemisi umɛ uwu Alufiyɔ mbala Ɔsamɔnu Ɔzilɔtu mbala Ozhuda umɛ uwu Ozhemisi 14Enzu lɛɛbi o koko o kpala ɛlu iyɔkpɔ o lɛ Ukpo, ikyo eko mbamba mbala Omeri anyi wu Ɔzhizɔsi mbala ɛmanyi wu.
15Mu afyi ɛnyi Opita e yimo a rima meka iyi wa mbwalu oderi la uwo ekpepo a zɔ te, 16<<Ɛmɛnɛ mi, mɛga iso iyi Ukpo e so Odevidi mu Kwundu uwu Ukpo e nyɔlɔma mu reshi ingyi Ozhuda uwu bɔkɔ a zɔ ɔgwuzɛ uwu o yi Ɔzhizɔsi mo. 17Ozhuda uwu bɔkɔ o kyo wu o wama, moo o kyo o ŋa wu te le kyo nzu mu ɛduma ɛlɛ.>>
18(Eduwo iyi Ozhuda a fya mu ira iyi e wo awu, a ra yi o ya ɛzhi; mu riyi ngyɛngyi gba e ngye la reshi a kpa mɛzhi, ɛnwu wu i kpokpaa akwɛyi akɔ wu i fu kwudu le. 19Onzu uwunawuna uwu e yi mu Ɔzhɛrusalɛ o pwa kiya ingyi bɔkɔ ki du Ozhuda le, inyi gba i shi o kpo kizɛ ngyɛngyi ɛnyi mu kenzu mbo te Akelidama, iluma yi akwu Ɛzhi iyi Ɛnzhii.)
20Akwɛyi Opita a zɔ tee, <<Mo o ka yi ma mu Kwokpo ungwu Amwu te,
<< <Kizɛ wu lakwu ɛrizhi; Onzu uwunawuna a ŋɔ mangyi mo,> Onzu uwufo le to riyi wu ma.
21Kwuwongwu ɔlɛ i shoshi te lɔ ŋa onzu uwu e yi mbala nzu ngbaa kwuyengwu Ɔkwu Ɔzhizɔsi e yi mbala nzu, 22ngba mu iyemo iyi obatisima uwu Ɔzhɔnu nzhii ba kwuyengwu o to Ɔzhizɔsi mo o kawa moshi. Mega onzu ele e kyo akwu u uzɔgɔ uwu iyimo iyi Ɔzhizɔsi mbala nzu.>>
23Akwɛyi o wala ɛnyi iyi enzu wepo: Ɔzhɔsɛfu uwu o ya wu te Obasaba (o kyo o yi wu la ɛnyi iyi Ɔzhɔsitu) mbala Omatayasi. 24Mizhikembo iyi o wala ɛnyi iyi enzu wepo mbamba akwɛyi wa zɛ ilɔ o lɛ Ukpo te, <<Ada, uŋɔ ŋɔ yi egbo iyi uwewe, zɔ nzu meka iyi enzu wepo mbɔlɛ onzu uwu ŋɔ ŋa 25kaa le to ɛduma iyi wazilɔ ɛlɛ, iyi Ozhuda a lunyi afyima dɛ gba e kpomo le.>> 26Akwɛyi o fu mbo okuriya, akwɛyi Omatayasi e rimo akwɛyi o kyo wu mbala wa zɛ ilɔ wewo la ukpɛnyi mbamba.
Currently Selected:
Iwomo 1: ETP
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Nigeria
