Rut 1
1
Kamkøl so dø ngekïþet lo Elimelek
1Kaglot lo ngégangtag ye, þo kïbobe so kam døning Israelt. De mad kï Betlehem kï Juda aw døning Moabt nat kï nën kï nganïn kïdïngãg joo. 2Tø de'n non i Elimelek, tø nëa i Naomi, na tø ngana kïjoo i Maklon kï Kiljon. În de kï Eprata kï þe Betlehemt kï Juda. Teen døning Moabt, høn londï tit nu. 3Elimelek kï ngaw Naomi oi, na nyàa kï ngana kïdïngãg joo. 4Ngan'g kïjoo'n non taan dekïdëg ku Moabiagt, tø kïkïða i Orpa, tø kïmad i Rut. Ndïn nõbe asï þal kïlah. 5Gog got Maklon kï Kïljon tujoo oin. Naomi ndï kanj nganïn kïdïngãg kïjoo kï ngawïn tu.
Naomi tel døning kï Israelt kï Rut
6Kamla ndø mad Naomi, oo dø hoita kïmaj kad Bïraþe gen girrdeg lon ad ad'd nyasa ðago ron, þai nat kï mumïng kïjoo døning Moabt. 7Þai lot'n hølondït nõ nat kï mumïn kïdëg kïjoo, so ðobo kïta tel kï døning Judat gog,
8Naomi elta kï mumïng kïjoo an: Tajigla nganïm kïdë, kï dekïðen tel kï þe lo kõn gog. Kï Bïraþe øjsï kamkë tit'n i ðan ne kï nganïmg'n oin kï mî ho. 9Kï Bïraþe ad dekïðen ngah ngaw taa ho kï ngah lo taakò kam kujïnt ho. Kamla Naomi hød kï ront, kamla dekïdëg kïjoo'n non unïn ndid kï dõ nõn ne. 10Na elïn Naomi anan: Be al, j'a j'aw nat sei ro girrdegt loi. 11Naomi turd an: Nganïmg kïdëg, i telïn kï þe kï ro ngesït. I ndig kawïn sem kïtøði a? Mî kï ngang kammt tø kad telïn ngawsïg gog þaitø ø? 12Nganïm kïdëg, i telïn, awïn lo losï kïta kagïm tøi dø taa ngaw ta. Ke neni m'an: Mî kï nyandahkamdøt, na m'asï ngah ngaw ndø ne, 13ke m'a m'ooj ngan kïdïngãg kaa ne, a i ngoond mbã kad tøgïn, na a i mbetïn ta ngaw kïðang a? Be al, nganïm kïdëg, kamkil lom i ngãibe tøi kïlosï kïta ji Bïraþe nda øjïm. 14Kamla unïn ndid kïdõ nõn ne þaitø, na Orpa hø mumïn kï ront kamla nyad ne tel aw ro noojïnt gog. Na Rut taa ne, tîyan na Kï Naomi.
15Ta ne Naomi el Rut an: Oo nii tel aw ro girrdegt lon, aw ro luwahgt lon tø, na î kaa ne, maj kad i ða tita, i tel aw þe. 16Na Rut tur an: Ot tuþam kø goit kad m'nyài, na m'tel m'aw þe gog. Lokïðah a awt a ne, m'a m'awt ho. Lokïðen kï a i ndït a ne, m'a m'ndït tø ho. Girrdeg loi a i girrdeg lom, Luwah loi a i Luwah lom tø, 17Lokïðah a oi tit a ne, m'a m'oi lot'n non kad dubmïnt ho. Kï Bïraþe nda øjïm îla m'ða titbe al a ne, koi kïðabe koon la a gangïm nat sei ye. 18Lon Naomi oo ad Rut ire kamïn ngang kï n'aw sen nat ye, nya takela kad tel aw þe ro noojïngt gog. 19Awïn tujoo mbã teen Betlehem. Lon teen Betlehemt ye, ad deg kïkam þebot kïtaagbe rod ndad yatata kï tatød. Dekïdëg elïn na anan: I Naomi ale? 20Eld an: Ot kunmïn Naomi, ad i dekïdë kï ngeronel. Na i kunmïn Mara, ad i ngerokat, kïta Ngetøgtube ða sem nya kï katbang. 21Lon'n þai døning koojïmt ye m'aw kï nyag ngãibe, na tajigla Bïraþe adïm m'tel jim kari. I kunmïn Naomi kïtøði a? Kïtø Bïraþe nda øjïm, Ngetøg tube ða sem nyakïto.
22I titbe la Naomi þain døningt Moabt telïn kï þe koojïnt nat kï mumïn Rut'n i dekïdë kï Moab. Aw teen Betlehemt kaglo ja nyako ørjt.
BIBLE MBAÏ © 1980 Alliance Biblique du Tchad.