Dakør 12
12
Aarõ kï Maði ndoorïn Moij
1Lon Mari kï Aarõ elïn ta ndoorïn ne Moij kïta ta lo dekïdë kï Nubiat, kïta taa dekïdë, kï Nubiat nënt. Elïn anan: 2Moij kïkïðabe la Bïraþe a elta kïtakula a? A elta kï takulj tø ho ale? Na Bïraþe oo dø. 3Taa ne, Moij i de kïsayelel tøi ndeg deg tube kï døningt. 4Tentenbe Bïraþe el Moij kï Aarõ kï Mari an: În tumïta awïn ta kujkub ndødnat na în tumïta awïn. 5Bïraþe ðisï kam pilie kilndiit duba ta kujkub ndødnat, kun Aarõ kï Mari, tujoo ndøtïn nderrbe, 6Bïraþe el an: Oon dø tag lom maj. Îla ngekelta kï tamt i kusït a ne, m'tee dø m'ada gerïm mî Bïraþe kïtakul nyakookamndilt na m'ela to kam niit. 7I titbe hã m'ðan kï þer lom Moij al, I ngeða nyakïro ku ngékïþet lom tube. 8M'ela ta kum kï kum tïga wang kanj ya dø na oo þakumta Bïraþe, Kïtøði i þoolïn al na elïn ta kïmajai dø þert lom Moij a?
9Bïraþe þa sed wong kïtïngabil, nyad na aw. 10Kilndii þai kø dø kujkubt na oo banj tee ro Marit ad roa ndà ngung tit bul be, Aarõ mbel kï ro Marit na banj ta roa pelpel. 11Kamla Aarõ el Moij an: A ngeem, m'kø'i, ot nya majal'n kï ða kïlo þoodt kïdøjt kïta jin, kï ða majal. 12A, ot kad Mari i tit ngon kïkør in nusï dãroa oi njør lon teen kamkõnt. 13Moij ko kïdø Bïraþet an: A Luwah, m'køi kad i yoota. 14Bïraþe el Moij an: Îla bøwa tiw horr takumat a ne, a i kï rosøl ndø tanãimïta ale? Ad utïna gid londït asï ndø tanãimïta gog got a telïn sia kï rodt. 15Titbe utïn Mari gid londït ndø tanãimïta, na deg awïn kete al mbã telïn kï Mari kï kam londït gog, 16kamla deg þai Haserot awïn, høn londï kam dïlalot kï Parã.
Currently Selected:
Dakør 12: MB80
Highlight
Copy
Compare
Share
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
