Dakør 11
11
Bïraþe ad Israelag mane
1Deg nyurïn ta kï mbi Bïraþet, na lon Bïraþe oo dø ye, þawong sed, na horr lo Bïraþe õ kudt ad tuj nusï ta lon hølondïnt 2Kamla deg kon kïdø Moijt, na Moij kø Bïraþe ad horr oi. 3Ndan tø lo'n non Tabeera kïta horr lo Bïraþe õn kudt.
4Ndø madt deg kïpapag'n dan ngan Israelagt ye, nyur õd kad san dã, ad ngan Israelg kï død kaa ne mbã girr nõ tø, anan: Nõ a adj dã kad kï sa a? 5Kamj gah dø kanjgt'n kï san kam Ejipt't kari kïnõbe kï kosï, kï wasï, kï ruwag kïbo kï basal kïbo kï basal kïdu. 6Tajigla roj lo haw, kumj oo nya mad al, na mane 'nten kïðabe koon. 7Mane taana kï kum kor na kooa i tit lab kï tee kag þitat be tit nõkag bdelion be. 8Deg tîn na awïn kïta køi mane, usïna kï mbal kusï nya ke urïna kam bit, ndirrïn kam jot na ðana tit oina. Nel tit kï oina kï ða kï yib be. 9Lon tàl hø dø londït kondø ye, mane tuso tø ho.
Bïraþe ad Moij ngeðasia
10Moij oo dø nõ lo deg, girrnooj kïðen ndï nõ kï tabit kujkubt lon, na Bïraþe þa sed wong kïtïngabil. 11Kam Moij tuj ad el Bïraþe an: Kïtøði i ða nya kïngang titbe kï þer loi a? Kïtøði m'ngah maj takumit al, na i nda køi dømt kad m'ørr nõ deg'n tube'n ðan a? 12Mî la m'nden deg'tube'n ðan yo? Ke i mî tø la m'oojd kad i elïm an: I tod kadt tit'n bøw ngon a ton ngon kï ta mbet mbã kï døningt'n i un køi kï ad bøwdg e? 13Ko ðah m'a m'ngah dãt kï m'ad deg'n ðan tube ðan ðan a? Kïtø ndï nõn kïdømt anan: Adj dã kad kï sa. 14Mî kïkïðambe m'asï to deg'n ðan tube al kïta øin ngãi tøi tøgïm. 15Lon i ða sem titbe ye, i soot kad i tølïm kø. Îla m'ngah maj takumit a ne, ot kad m'oo kamkøl 'nten. 16Bïraþe el Moij an: I kaw kïbog lo Israel døtanãimïta kïnomt ku degt. Deg kï i gerd în kïbog kï mbaiþeg lo deg. I ðe sed ad ðan nat sei tabit kujkub ndødnat. 17Nu la m'a m'ðisït, m'a m'eli ta. M'a m'un Ndil m'ad i døit nõ, na m'a m'kegd dødt kïtakad unïn køi deg nat sei kad i to kïkïðaibe al. 18A i el deg an: I Arïn rosï kïta loti, a i san dã kïta i nõn kï mbi Bïraþet anan: Nõ a adj dã kad kï san a? Kïtø kï ndï kï maja kam Ejipt't. Bïraþe a adsï dã kad i san. 19A i san ndø kïðabe al, ke ndø joo, ke ndø mi, ke ndø kïlah, a ke ndø døjoo, 20na a i san asï nah kïða kïtaagbe mbã kad tee konsït mbã, ndasï þø kïta i mbetïn Bïraþe'n ndï kusït, na i nõn kïnõat anan: Kïtøði kï teen kam Ejipt't kïtïga a?
21Na Moij el an: Deg'n mî kudt, ngendïa kï nja, kørd i 600000 na i el an: M'a m'ad'd dã kad san nah kïða kïtaagbe. 22A jan kø batg kï mangg kad asïd e? Îla kawïn kanjg kï bahbot tube kïnat kaa ne, a asïd e? 23Bïraþe tur Moij an: Ji Bïraþe goj a? A i oo tajigla, ta'n m'el nõ, a ða nya ke a ða nya al a?
24Moij tee el deg tag lo Bïraþe kamla kaw kïbog lo deg asïn dø tanãimïta na ndad gug dø kujkub. 25Bïraþe ðisï kam kilndiit, elta kï Moij, na keg Ndil kïdøat ad kïbog kïdøtanãimïta. Lon Ndil ndï dødt ye, elïn ta kïta Luwaht, na ðan titbe gog al ta, 26Deg joo nãin kam londït, kï tøa i Eldad kïmad tøa i Medad, na Ndil ðe dødt tø ho kïta în ku îgtïn køtd, na awïn ta kujkubt al, na elïn ta kï ta Luwah kam londït. 27Basa mad ãi ngød el Moij an: Eldad kï Medad ndï elïn ta kïta Luwaht kam londït. 28Kamla Jojue ngon Nun madkïlla lo Moij kï Basan nu el an: Ngeem Moij øgd dø. 29Na Moij tura an: Jang ðai kïtam a? M'oo maj tøi kad deg lo Bïraþe tube elïn ta kïtaat, kad Bïraþe ad'd Ndilïn, 30Kamla Moij kï kïbog oo Israelag telïn kïgog kï londït.
Bïraþe ad Israelag kerreg
31Bïraþe ad nél þai ko bahbot ðe kï kerreg, tïnda tîd kam londït kï asï ndia køtko kïða ndø kïða kï asï ndia køtko mad ndø kïða gug dø londï. Ðen nderrbe kï døning asï ndia kï ndø kïða, 32Ndøt'n non deg tølïnd ndø ho kàda ho, kï ndø kïkõjoo tø. De'n tøl ngãi al ne øi homer mbøj nya kïlah. Gog got najïn gug dø londï, 33Lon dã nãin kï ngangdt þaitø ye Bïraþe þawong kïtïngabil kï deg na nda deg kï yokoosï kïbobe. 34Ndan tø lo'n non Kïbrot Hataba kïta loat'n non la duwïn degt'n nyur õd ye.
35Ko Kïbrot Hataba deg awïn Haserot na høn londï Haserot,
Currently Selected:
Dakør 11: MB80
Highlight
Copy
Compare
Share
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
