Mat 21
21
Deg ðan ronel dø Jejut lon andïn Jerusalemt
(Oo Mrk 11:1 teen 10; Luk 19:28 teen 44; Jã 12:12 teen 19; Esa 12:6)
1Lon ðen nderrbe kï Jerusalem, na teen nderrbe kad Betpajet, dø mbalbo birgt ye, kamla Jeju la ngéndoog joo, 2eld an: Awïn þet'n ða nõsït non; a i ngahn ngon korro nat kï kõa kïdø; i tutïn na i ðen sed admïn. 3Na îla de mad elsï ta mad a ne, i turïn anan: Bïraþe a geed, na a nyasï kanangbe ad awïn.
4Nya'n non ða nya titbe kïtakad ta kï ta ngekelta kï ta Luwaht tølïn konïn:
5Elïn ngomand kï Siõt anan:
Oo, ngar loi ndï ðe roit,
i de kï søllom, i dø korrot,
ndï dø ngon korrot,
ngon kõkorro kï dã to nya.
6Ngéndoog awïn, a kï ðan tit'n Jeju eldïn, 7ðen kï kõkorro kï ngona; kamla ün kubg lod dødt, na Jeju ndïdøt. 8Bakad koosïdeg najïn kubg lod dø ðobt; kïmadg gangïn dø ji kagg un dø ðobt. 9Bakad koosïg'n awïn kete nõat kï îgïn a ndulon goa ye, a koon anan: Hosana kï dø Ngon Dabidt. Njangdø kï dø Bïraþet'n hã ndï ðe. Hosana kam lot kï tøi tøi kï dørãgt.
10Lon Jeju ud Jerusalemt ye, ta ya de kamþeg tube ad þai ðan kokïkï kï þool, ða anan: I nõ a?
11Na bakad koosïg turïn anan: I ngekelta kï ta Luwaht, Jeju kï Najaret't kam døning Galilet.
Jeju tuþa ngéðagat kam kuj dub Luwaht
(Oo Mrk 11:15 teen 19; Luk 9:45 teen 48; Jã 2:13 teen 22)
12Jeju ud kam kuj ndub Luwaht, na tuþa deg tube'n ndï ðawïn nya kï îgïn ða ndugon nya kam kuj ndub Luwaht, tøsï tableg lo ngémbel nar tila, kï nya ndï ngéðagat derrg. 13Na eld an: Ndangïn kam maktubt anan: Kuj lom a i kuj kelta kï Luwah, na în, i telïna bulo to ngékumðobgt.
14Mundog kï mootg ðen kï roat kam kuj ndub Luwaht, ad yootd. 15Lon ngénjanyamosïkadkari kïbog, kï ngéndang maktubg oon nyag kï yaya'n Jeju ða, kï ngan'gn ða koon kam kuj ndub Luwaht anan: Hosana kï dø Ngon Dabidt ye, wong tøld søkïrr. 16Ad elïna anan: Oo dø ta'n ða elïn yo? Na Jeju eld an: Ãã, i dan ta 'nten kam maktubt ale? În el an: Ta ngan kïkasïg kï ngan kïdug ndï elta dø køsïgont loi tit'n i ndigïn.
17Jeju nyad na tee kam þebot kïtïga aw þi Betanit nu.
Jeju nda ndøl dø kag mbaiþoodt
(Oo Mrk 11:12 teen 14,19 teen 26; Luk 13:6 teen 9)
18Jeju ndï tel kïgog kam þet kïsî ritït na þo õa. 19Kag mbaiþood mad ða nderrbe bøg ðobt, Jeju aw girrt na ngah nya mad tit al, na mbiag tã koon. Ela an: A and al par kï nõit.
Dø kaglot'n nõkag mbaiþood tut kurum. 20Lon ngéndoog oon nya 'nten ye, ta yad kï dumbit ad anan: Titbãi hã kag mbaiþood'n ðan tut kurum tajigt a?
21Jeju turd an: Rota la m'ndï m'elsï kï ndim dõ, îla ndø mad adïn kamsï na i þadn al a ne, a i ðan nya'n m'ða kï kag mbaiþood ten hã koon al, na mbã îla elïn mbalbo'n ðan anan: I ndøt kø labe, na i kïla i so kam bahbo kat't a ne, nya nõ a ða nya. 22Nya kï ði'n a i ndïjen kï kadkam, kïtakul kelta kï Luwah a ne, a i ngahn.
Juipg ndïjen Jeju ta dø tøgat
(Oo Mrk 11:27 teen 33; Luk 20:1 teen 8)
23Lon Jeju ud kam kuj ndub Luwaht, ngéjanyamosïkadkari kïbog, kï kïbog lo girrdeg kï Israel ðen roat lon ða ndoon deg, na elïna anan: I kï tøg kï ði i ða i ðan nya 'nten a? Na nõ adi tøg'n non a?
24Jeju turd an: Mî kaa ne, m'a m'ndïjesï ta mad kïða kad m'oo îla i turmïn a ne, mî kaa m'a m'elsï ta dø tøgt'n m'ndï m'ðan nyag nõ ho. 25Baptem lo Jã ye ðe ko ðah a? Ðe ko dørãt e ke kokïro degt?
În kïþeg øjïn na bee na anan: Îla j'el j'an: ðe ko dørãt a ne, a elj an: Ye kïtøði adïna ne kamsï al?
26Na îla j'el j'an: Ðe ko ro degt a ne, ad kï þoolïn bakad koosïg, kïta în tube oon Jã i ngekelta kï ta Luwaht.
27Ta la turïn ne ta Jeju anan: Jî kï ger al.
Na Jeju eld an: Mî kaa m'a m'elsï tøg'n m'ndï m'ðan nya 'nten al ho.
Terrta dø ngan'gt kï bøwd
28Tagahsï i ði? De mad a kï ngan kïdïngãg joo. Aw ro kï dasat ela an: Ngonïm, aw þola i ða kïla kam ndøø nduut lom. 29Tura an: M'gee al; na gog got ngon sî a ne, tørr ndïn na aw. 30Aw ro kï ngekõjoot ela ta kïkïða'n el ngonïn kïdasa nõ. Ngona tura an: Ãã Bøwm m'a m'aw; na aw al. 31Ku ngan'gt kïjoo'n non ye, kïðen ða ndig lo bøw'n a?
Turïn Jeju anan: kïdasa. Jeju eld an: rota la m'ndï m'elsï ye, ngétirr lambo kï kaya dekïdëg a awïn kete nõsït kam kõþet lo Luwah. 32Kïtø Jã ðe rosït kam ðob nyaðat kïdenesew, na i taan ta loa al; na ngétirr lambog kï kaya dekïdëg taan ta loa. Na în, oon nya'n non þet, na gog got i tørrïn ndisï al be gasï, i taan ta loa al ho.
Terrta dø ngéðakïla ndøø nduut
(Oo Mrk 12:1 teen 12; Luk 20:9 teen 19; Esa 5:1 teen 7)
33Oon dø terrta mad kïðang. De mad kï ngeþe hø ndøø, na hø nduu kamt, nda kïnga gugïn døa, urr þe þa kand nduu kamt, ða kuj ngom lo kïngal tit, la ji ngéndøøgt madg kad ndøøn, na aw mbah dø þet mad kïðang. 34Lon dønah ja kand nduu ðe nderrbe ye, la þerg lon kï ro ngéðakïla ndøøt kad taan kand nduu lon. 35Na ngéðakïla ndøøt høn þerg'n non ndan kïkïða mbukï mbukï, tølïn kïmad, kïmad tø tilana kï mbal. 36La kï þer madg kï bãi tøin kï dasag, na ngéðakïla ndøøt'n non ðan sed nya'n ðan kï þerg kïdasa nõ ho. 37Na døboit, la ngonïn ta la kï rodt ye, gaa an: Þet a þoolïn ndil ngonïm. 38Na lon ngéðakïla ndøøt oon ngona ye, elïn na kudt anan: Ngekõnduba la ðan, i ðen. Ad kï tølïna, na kï j'øi nyanduba loa. 39Høna, lana tïga gid ndøø nduut, na tølïna.
40Lon kïþe ngendøø nduu ðe ye, a ða ði kï ngéðakïla ndøøg'n non a? 41Turïna anan: A tuj deg kïmajalg'n non kï koi dang, na a la ndøø nduu lon kï lo ndïmat ji ngéðakïla ndøøgt kïðang. Îgïn a adïna kand nduu kï kagloa.
42Jeju eld an: I dan ta 'nten kam maktubt al bat a?
Gaj mbal'n hã ngéðakujg mbetïna ye, ro mbal'n non
la tel gaj mbal kï ndana døkum kujt ye,
nya 'nten i kïla ða Bïraþe;
i nya kï ya takumjt.
43Kïtø 'nten la m'ndï m'elsïn kï ndïm dõ m'an: Luwah a taasï kõþe lon, na ad girrdeg madg kï ngétee kï kanda. 44De'n a so dø mbalt'n non a tet ðelðel, na în mbal'n non so døat a ne, a rigja.
45Lon ngéjamosïkadkari kïbog, kï Parisïg oon dø terrtag lo Jeju ye, gerïn ta kad ndï elta dan død. 46Sahn høa, na þoolïn bakad koosïg, kïta în tube gerïn ta kîa ngekelta kï ta Luwaht.
BIBLE MBAÏ © 1980 Alliance Biblique du Tchad.