Pnl 4
4
1A Ði ke be.
Kunj nar ør goto,
nar ør kïjanjoi ndulo al.
Mbalg kïkam kujt kïjaþat
în kïtin ko dø ðobgt tube.
2Ngan kïdïngã
kï Siõ kï majïn
ngãi îgïn în
tit nar ør kïjanjoi,
õd tit'n jo hanjg be,
kïlaða ji ngebajo.
3Ke talg kaa adïn
mba ngandg ilïn,
na þebo lo deg lom
tel ngeða ta
kõ tit bug kïmut be.
4Ndõ ngon
kï ndi il mbà tin,
ya'na kï ngãngãa,
tut kïta kïnda man,
ngan'g kon nyasa
na ngekad'd goto.
5Deg în maði
san nya kïmajmaj
ndï nujdïn ko dø ðobgt,
deg'n kete
lan kub kïkïre
worwor ton do þirþit't.
6Ndakoj lo þebo
lo deg lom majal
toi kïlo Sodom
in nujïna ko tentenbe
kanj kad de nda jin døat.
7Mbaiþeg loa
in kïjanjoi toi nëj,
nda ngü toi mba,
Rod kïre tøi mbal kørail,
majïn takumt
tit køsï sapir.
8Tajigla takumd il tøi kul,
deg gerïnd dø ðobt al.
Ndar rod tîya'na
kï kïngad,
tel tit kag kïtut be.
9Deg în tølïnd
kï nyakat în kï
ronel tøin deg'n þo tøld,
rod ngïra jakt kïtd nalïn
kand nyako kïdømngt.
10Dekïdëg kaa
ndirrin ngandg kï
køsïdød san
kaglot'n tuj tee
dø þebot lo deg lom.
Majal lo ngekelta kïta Luwaht
kï ngéjanyamosï
11Bïraþe tølkon
wong lon kïtalsøkïr.
Ü wong lon kïtïngabil døt,
ad horr õ þebo Siõ,
oon mbã girat ber.
12Kete ngarg kïdøningt
kï ngendï duniat tube
oon kad ngendoor
kï madngeta
a asïn kand
kam ndogbørrt
kï Jerusalem al.
13Nyag'n non ðan nya
kïtø majal lo ngekelta
kïta Luwaht loa kï nyaða
kïgootal lo ngejanya mosï
îgïn ün mosï deg
kïdenesew ko kamat.
14Ndian tit mundog be
dø ðobgt kï kam þet,
yerrïn rod kï mosï deg
mbã de ða tøg
kød kub lod al.
15Deg kon dødt anan:
Awïn ko, in kïyerr,
awïn ko, awïn kø.
Ot kodjin.
Ãin na ko kï log papa.
Elïn ku girrdegt anan:
a ndin danjt gog al ta.
16Bïraþe kïdøn a tïnda tîd
kïgo log, a ood gog al.
Øsïn gon ngejanyamosï al,
oon kumtondo
lo ngatøgg al tø.
17Kumji meh kïta
kï ngon ngeðasej
na kari kïndang.
J'urïn kumji
kï kamkïndahdøt kïro
girrdegt in asï kaji al.
18Deg nølïn go njaji,
øgjin dø tee dø ðobgt loj
døboiji ðe nderrbe,
tïdan ndog loj
kïta døngoiji ðe woi.
19Ro ngeda kumji
ndo hølo pelpel
toi malg kïdõ,
tuþan goj dø mbalbogt
umïn lo kam dïlalot kïtaj.
20Kï wur lo Bïraþe
in adj kad kï tan ko ye
høna kam gumt lod,
Inhan j'elta døat j'an:
j'a kï ndin ndilat ku girrdegt.
21I ða ronel, i ða kamnda,
ngon kïdë kï Edom
in ndï døning Uts.
În to, kop a toi kïroit,
a ðai tit kasï be,
a i tor kub roit kø.
22Takïgang
dø majalt loi asï woi,
ngon kïdë kï Siõ,
a awïn sei þert
gog al ta.
Na in,
ngon kïdë kï Edom,
a gangta do ðagootalt loi
a ad majal loi
to kïtïga wang.
Deg kon Luwah
kad øjd kamkë.
BIBLE MBAÏ © 1980 Alliance Biblique du Tchad.