Joj 8
8
Israelag taan Ai
1Bïraþe el Jojue an: Ot þool, ot kad kami gang man. Øi ngéðøøg tube nat sei, i þai aw Ai. Oo, m'la ngar kï Ai kï deg loa kï þebo loa kï døning loa jiit. 2A i ða nya kï Ai kï ngar loa tit'n i ðan kï Jeriko kï ngar loa, na a i ngomïn nyatetðøø kï nyakulg kïta rosï. I ndan ngékumlog gid þet. 3Jojue þai nat kï ngéðøøg tube kïta ðøø kï deg kï Ai. Køt kïrãðøøg dub dømïta lad ndø nõ. 4Ndad mber an: Oon maj, umïn lo gid þet, ot kawïn sãi kï þebo na kï în tube kï ro kï ða woi. 5Mî kï deg tube'n în nat sem, j'a kï ndøt kï þebot. Na lon deg a teen kad'n ndødjïn tit kïkete a ne, j'a j'ãi nõdt. 6A tuþan goj mbã j'ørd sãi kï þebo kïta a elïn anan: Ndï ãin na nõjt tit kïkete be. Titbe j'a j'ãin nõdt. 7În tø, a i teen lo kumlot, a i taan þebo kïta Bïraþe Luwah losï a laa jisït. 8Lon i taan þebo woi ye, i lan horr dø þebot tit'n Bïraþe elsïn. Oon, m'ndasï mber woi. 9Jojue ad'd awïn, na umïn lo mbïna Betelt kï Ai ko lokudkàdt lo þebo Ai. Jojue aw ndø nõ, to ku degt. 10Jojue þai kïsî ritit kaw deg kï nat, aw kï Ai, ndia nõ degt nat kï kïbog lo Israel 11Deg ngéðøøg tube'n in nat sia awïn, na ndøtïn nderrbe. Teen nõ þebot kï Ai, na høn londï ko þodo lo þebo, na hoollo i mbïnadt kï Ai. 12Jojue øi deg dub mi, na ndad ngékumlo mbïna Betel kï Ai ko lokudkàd lo þebo. 13Lon ngéðøøg tube høn londï ko jigelt lo þebo, na ngékumlog ndïn ko lokudkádt lo þebo ye Jojue aw ndø nõ kam hoollot. 14Lon ngar kï Ai oo nya 'nten ad deg kï Ai þain kanangbe kïsî ritit, teen kad kï ndødïn Israel kï n'ðøøn sia nderbe kï Araba. Ngar aw nat kï deg lon tube kï lot kï køt, kïta ðøø kam dïlambot, na ger ta kad ngékumlog ton gid þebot al. 15Jojue kï Israelag tube ðan rod tit deg kï ðøø tuþad be, ãin na nõdt kï ðob kïkam dïlalot. 16Deg tube kïkam þet kawïn na kïnat, tuþan god. Tuþan go Jojue na ørrïnd, awïn sed sãi kï þebo. 17Dekïdïngã kïða kam þet kï Ai ke Betel kï tee tuþa go Israel al goto. Nyan kam þebo adïn to kari na tuþan go Israel. 18Kamla Bïraþe el Jojue an: I la ninga kï jiit kïdø Ait kïta m'laa jiit. Jojue la ninga kï jint kïdø þebot. 19Tentenbe lon la jin ye, ngékumlog þain kanangbe kam lot'n yan rodt, andïn kam þet, taan þe na lan horr døt. 20Lon deg kï Ai mbelïn oon lo kï gid'dt ye, oon sahorr þa dø þebot kïdõ, na asïn kãi kaj rod al kïta Israelag'n ãin na kïkam dïlalot tel ðøøn kï ngetuþa god. 21Lon Jojue kï Israelag tube oon ngékumlog taan þebo ad sahorr su luyluy kï dõ ye, tel tølïn deg kï Ai. 22Israela madg teen þebot, ðøøn sed ho ko nu kï ko ne tu, ad deg kï Ai în dandt. Israelag tølïnd kïkanj nya de kïða kï dø dõ ke kïkaj. 23Na høn ngar kï Ai kumkajir, awïn sia ro Jojuet. 24Lon Israelag tølïn deg kï Ai tube kïkam dïlambot ke kïkam dïlalot, lo kïðen kï tuþandt, na tølïnd tube kï kiyaðøø mbã ad goton, Israelag tube telïn awïn Ai na tølïn ndeg deg kï kiyaðøø. 25Kør deg'n tølïnd ndøt'n non, dekïdïngãg kï dekïdëg i dub kïlah gidaijoo, deg kï Ai tube. 26Jojue tel kï jin kï la kï ninga dø þebot kï Ai al mbã tølïn ngendït tube kø. 27Israelag høn nyakulg kï nyatetðøø kï þebot'n non kïgo tat'n Bïraþe nda mbera Jojue. 28Titbe Jojue la horr þebo kï Ai ad tel bu mbã þone. 29Þa kïlla kø ngar kï Ait kagt ad oi, na nyà kï tit mbã losøl. Lon kad ud woi ye, Jojue ndamber kad ørrïn nina dø kagt, lana tabit þebot, udïn dubmbal døat, ðà nõ mbã þone.
Njandø kï ndøl
30Kamla Jojue ða dïngïr ad Bïraþe Luwah lo Israel dø mbalbot kï Ebal, 31tit'n Moij þer lo Bïraþe ndan mbera Israelag, tit'n ndangïn ne kam maktub mberkïndat lo Moij, i dïngïr kï ðan kï mbalg kï de tøsï al, kï nyaðakïla kïhand ød al. Lan kadkarig kï lahorr døt kï kadkarig kï kad kamsøllom adïn Bïraþe. 32Nu la Jojue ndang mberkïnda lo Moij dø mbalt nõ Israelagt, ad i mberkïnda'n Moij ndang. 33Israelag tube, mbahg kï ngan ngéþeg kï kïbog kï bïradøg kï ngégangtag lod, ða sumban'na kad sundt køtko joo nõ Lebiagt ngéjanyamosï'n ton sund kunkø lo Bïraþe. Nusïd ðàn nõ mbalbo Garijimt, nusïd tø ðàn nõ mbalbo Ebalt tit'n Moij þerkïla lo Bïraþe ndan mbera kete kad njangïn dø deg kï Israel. 34Gog got Jojue da tag tube lo mberkïnda, njangdøg kï ndølg, tit'n ndangïn ne kam maktub mberkïndat. 35Ta mad kïða kïnãi kam tagt tube'n Moij ndad mbera kï Jojue da al nõ ngékawnat lo Israel, kïdëg kï ngan'g kï mbahg'n ndïn kudt, goto.
BIBLE MBAÏ © 1980 Alliance Biblique du Tchad.