Joj 6
6
Israelag tetïn ðøø þebo kï Jeriko
1Utïn tabit kï Jeriko tube nõ Israelagt, de mad kï tee tïga ke and kamt goto. 2Bïraþe el Jojue an: Oo, m'la þebo Jeriko kï ngar loa kï kïrãðøøg loa tu jiit. 3Na î kï ngéðøøg tube a i ndian gugïn dø þebo Jeriko gej, ngéðøøg tube a gugïn dø þebo nja kïða kam ndøt kïkïða. A i ðan titbe asï ndø kïbojidet. 4Ngéjanyamosï tanãimïta a ton towgaj balbatg tanãimïta nõ sund kunkøt. Ndø kïkõtanãimïta a i ndian gugïn dø þebo asï nja tanãimïta, na ngéjanyamosï a kunïn towgajg. 5Lon a kunïn towgaj balbatg, na oon dø kah ko lo towgaj a ne, deg tube a kon kï ndid kïbobe. Kamla ndogbørr kï þebot a teet so ningt, na dekïðen a aw kïkete sumba nõn sew. 6Jojue ngon Nun kun ngéjanyamosï eld an: Unïn sund kunkø, na ad ngéjanyamosï tanãimïta ton towgaj balbatg kïtanãimïta nõ sundt lo Bïraþe. 7Na el deg an: Awïn, i ndian i gugïn dø þebo, na ad deg kï nyakat i jidt tøin kete nõ sundt lo Bïraþe. 8Nyang toin kï go ðobat tit'n Jojue el'n ta deg, ngéjanyamosï kïtanãimïta'n ton towg bal batg kïtanãimïta nõ Bïraþet, mbã girr kun towg, na sund kunkø lo Bïraþe i godt. 9Deg'n nyakat i jidt ndian nõ ngéjanyamosït'n kunïn towg na ndeg ngéðøøg ndian go sundt lon ðà kunïn ne towgajg kïkanj nya ta. 10Na Jojue ndamber deg an: Ot kon, ot kadïn de mad oo dø ndisï ke kad ta mad tee tasït mbã ndø'n m'a m'elsï m'an: I kon. Kamla a i kon ye. 11Titbe ndian kï sund lo Bïraþe gugïn ne dø þebo nja kïða, kamla tel awïn lo hølondït lod tont. 12Jojue þai kïsî ritit ad ngéjanyamosï unïn sund lo Bïraþe. 13Ngéjanyamosï kïtanãimïta ton towgaj balbatg kïtanãimïta nõ sundt lo Bïraþe, mbã girr ndia na kunïn towgajg. Deg kï nyakat i jidt ndian nõdt na ndeg ngéðøøg ndian go sundt lo Bïraþe lon ðà kunïn ne towg ajg kïkanj nya ta. 14Ndø kïkõjoo ndia gugïn dø þebo nja kïða kamla telïn kïkam lo hølondït gog. Ðan titbe asï ndø kïbojidet. 15Ndøt kïkõtanãmïta þain dõ kïsî ritit lon lo ndï ar, ndia gugïn dø þebo tit kïkete nja tanãimïta. Ndøt'n non gugïn dø þebo nja tanãimïta. 16Nja kïkõtanãimïta lon ngéjanyamosï kunïn towgajg ye, Jojue el deg an: I kon kïta Bïraþe adsï þebo'n ðan. 17Þebo kï nyag kïkamt tube a i kï nuj kø kïta Bïraþe, na Rahab kï kaya dekïdë kïðabe koon la, j'a kï nya kï døa dõ kï deg tube'n în nat sia kam kujt loa, kïta þø ngombangkïlag'n kï lad. 18Na oon go rosï maj dø nyagt kï ndøl i døt, kïta lon a ødïn nya mad kï ndøl i døt a ne, ndøl a i dø hølondït ad kamkil so døt. 19Nar arjã kï ør tube kï nyag tube'n ðan kï ningakasï kï hand a i kï nda køtko kïða kad Bïraþe. A ðen ne kam longom nya majgt lo Bïraþe. 20Titbe deg kon na ngéjanyamosï kunïn towgajg. Lon deg oon dø ndï towgajg ye, kon kï ndid kïbobe ad ndogbørr teet dud kïþer, na deg andïn kam þebot, dekïðen aw sumba non ad taan'n þebo. 21Nujïn nyag tube kïkam þebot, ad i dekïdïngãg kï kïdëg, ngan'g kï bïgag, mangg kï batg kï korrog tølïnd kï kasgar.
Jojue nya Rahab kï døa dõ
22Kamla Jojue el deg kïjoo ngéndalog'n non an: Andïn kam kujt lo kaya dekïdë, i teen sia nat kï deg loa tube tit'n i ndan ne yo adïna. 23Basa ngéndalog andïn, teen kï Rahab kïtïga, bøwa kï kõa kï ngankõa kïdïngãg kï deg loa tube. Awïn kï noojag tube tïga gid lo hølondït lo Israel. 24Lan horr þebo'n non kï nyag kïkamt tube, na nar ør kï arjã kï ningakasï kï hand koon la ndan kam longom nyamajgt kam kujt lo Bïraþe ye. 25Jojue nya Rahab kaya dekïdë kï døa dõ kï ngékïþe lo bøwa kï deg loa tube, na ndï dan Israelagt mbã þone kïta ya dø ngombangkïlag'n Jojue lad kï ndan mãi Jeriko. 26Kaglot'n non Jojue un køn kï yokïnda an: Ndøl i dø det'n nõ Bïraþet a þai ða þebo Jeriko gog. A ndah girra dø ngonderïnt, a nda tabitg dø ngongont. 27Bïraþe i nat kï Jojue ad tøa ko kam døningt kïtaagbe.
BIBLE MBAÏ © 1980 Alliance Biblique du Tchad.