Job 2
2
Su ngah ðob na Job nja kïkõmïta
1Ndø mad ngan Luwah ðen ðàn nõ Bïraþet na Su ðe dandt kïta ðà nõ Bïraþet tø. 2Bïraþe el Su an: I þai ko ðah a? Su tur el Bïraþe an: M'þai ko lago døning kï log în m'a m'ndiat. 3Bïraþe el Su an: I oo þer lom Job a? De mad kï tit sia goto døningt ne. I de kïkasïnatap, i de kïdenesew þool Luwah, mbet nyaða kïmajal. Hø ron bá kam nyaðat kï ro, ke neni i søkïm kad m'ndoora kï m'tuja kanj ta. 4Su tur Bïraþe an: Ndar kïta ndar nya kïðen'n de ndïn a ad kïtakad ndïn kï dø dõ. 5Na i la jii ødïn kïngaa kï dãa, m'ger þet a ndoli takumit. 6Bïraþe el Su an: Oo, m'laa jiit, na i nyàa kï døa dõ.
7Kamla Su tee ko nõ Bïraþet na nda Job kï ngawg kï teen kï dobaig, mba girr danjaat mbã tee dandøat. 8Job un gajo, ruyïn ron, na ndï kam buhorrt.
Ta lo Job kï nëa
9Kamla nëa ela an: I ndï ho roi bá kam nyaðait kïro þaitø oo? I ndøl Luwah kad i oi. 10Job tura an: I el ta tit þood dekïdë be. Titbãi kï ngah maj kokïro Luwaht na kï ngah majal tø ho al a? Kam nyagt'n non tube Job ða majal kï ta kïtant al.
Ta lo nam Jobg kïmïta
11Lon nam Jobg kïmïta, Elipaj de kï Teman, Bildad de kï Sua kï Jopar de kï Naama, oon hoi kamkølg tube kï teen dø Jobt ye ndan rod nat ðen kad kï n'sølïn kama. 12Lon oona kïsãi þaitø gerïna al, kamla nõn kï ndid kïbo. Dekïðen kudt til kub lon na øi bu kïdønt, 13na ndïn ber nat sia ndø tanãimïta, ndø ho kada ho. De mad kï kela ta goto kïta oon daiyog loa în ngãibe.
BIBLE MBAÏ © 1980 Alliance Biblique du Tchad.