Jer Takïdøt
Takïdøt
Jeremi tel ngekelta kï ta Luwaht kam þet kï Jerusalem þalt kï 626 kete nõ kooj Jeju Krist't. Kaglot'n Josia i ngar kï Juda, Jeremi elta kï ta Luwaht asï þal 40.
Go koi ngar Josia þalt kï 609, kõþe kï Judat i kam kaglot kï ngang ngãi. Ngarg kï kïbog kï Judat gerin titbãi kad ørrïn nõ deg al. Deg madg gaan kad n'awïn kï ro Ejipt't kad Ejipt la ðe ða sed ye. Deg'n non în ngãi, kïmadg gaan kad i soot kad'n lan død girr kõþet kï Babilont. Jeremi i ku degt'n non.
Kïtø Jeremi ørr girr tuj kïbo'n ndï ðe dø ngan kï Judat kïta nya ðad kïro'n goto nõ Luwaht. Luwah eld kad kõ tee dødt, nya kï to a ðad na maj kad ndigïn kõþe lo deg kï Babilont'n þet a õnþe dødt ho, kaw'n þet a awïn þer Babilont ho. Na deg kï Juda ndigïn døt kad nyag lod tube tujïn, a ngahn ðob kad høn nooj kï kij kï Luwah.
Maktub'n Jeremi lan ad deg'n awïn þer Babilon (ðob nina 29) eld kad lan nooj nat kï Luwah kam kunkøt kï kij'n Luwah ndï un sed, (ðob nina 31 njørra 31 teen 34; ðob nina 32 njørra 40 teen 41) elj tit bãi kun køn non a ton mbïna deg kï Judat kï Luwah.
Kad deg gerïn girr ta'n eld ye, Jeremi øjd nyakøjg: Jeremi ad ngaland ndaþon ndum mbukï, na un ad oon, øjïnd kad gerïn kad girrdeg kï Juda a ndumïn lut (ðob nina 13). Jeremi ndah kú tøø køsï køsï. Da nya 'nten kad deg kï Judat gerïn ne kad ndø madt Luwah a ðøø madngetadg tetd ðelðel (ðob nina 19). Jeremi aw ndugo ndøø, ða titbe kad n'øjïn deg kï Juda kad gerïn ndø mad Bïraþe a badød a ug ørrd kam þert kad telïn ðen døningt lod gog (ðob nina 32).
Nyag kï ngang ngang'n tee dø Jeremit kï ngekelta kï ta Luwaht, Jeremi hø tøgïn ba kam kïlat'n Luwah la kam jiat. Nyag'n j'a kï ngah kam maktubt lo ngekelta kï ta Luwaht Jeremi laten: Ðob nina kïdasa, maktub elta dø kunt'n Luwah kun Jeremi kad ða kïlaþer. Þai dø ðob ninat 2 teen 24, tag kï kamt sumba dø degt kï Israelt kï deg kï Juda. Na elta dø kot'n Jeremi ko kï nõ Luwaht (oo ðob nina 11, njørra 18 teen ðob nina 12 njørra 6; 15: 10 teen 18, 17, 14 teen 18; 18. 18 teen 23; 20. 7 teen 18). Kam nyag in ðan nya ye, Jeremi kï kïðan be, ngah kõ ngãi kïta nya'n ða girrdeg loa.
Þai dø ðob nint 25 i tag tube'n ngekelta kï ta Luwaht el nõ la ndan døat nat ye. Þai dø ðob nina 26 teen 45 elta dø nyagt kï ndaa tot kam ndït kï dø dõ lo Jeremi. De'n ndang tag 'nten, maj a ne i Baruk ngedang maktub lo Jeremi. Ðob nina 36 teen 45 ye ørr hoitag kï øj dø mbïna Jeremi kï ngar Joakim kï Sedekias'n majal, kïta pa ndia lod i kïgo ndigt lo Luwah al. I titbe la ngarg kïjoo nõ ndan rod nat kï deg'n ndigïn tel kï ro Ejipt't kad'n ða nyan kï kõkõ kï Jeremi ngekelta kï ta Luwaht. Be kaa ne, Jeremi nya ða kïro nõ Luwaht al.
Þai dø ðob ninat kï 46 teen 51 elta dø tat kï gang lo Luwah dø girrdegt kïdangdang. Þai dø ðob ninat kï 52, Jeremi ørr girr nyag'n ða nya lon mbahg ðe taan þebo kï Jerusalem.
Tit maktubg lo Ngarg, maktub lo Jeremi tøltan kï ta'n a ad kamkïsokïber ho, nyandah kamdøt lo deg kï Judat ho. Kïtø ngar kï Babilont ørr Joakim kø kam dangait, Joakin kete i ngar dø Judat, na lon ngar kï Babilont ørra dangait ye, ða sia maj ngãi (oo Ngar kïkõjoo ðob nina 25 njørra 27 teen 30).
Currently Selected:
Jer Takïdøt: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.