Esa 7
7
Bïraþe la Esai ngekelta kï ta Luwaht ro ngar Akajt
1Kaglot lo Akaj ngon Jotam, ngon Ojias, ngar kï Juda, Resin ngar kï Siri, kï Pekah ngon Remalia ngar kï Israel aw ðøøn kï Jerusalem, na asï teta al. 2Ørrïn hoia ngékïþe lo Dabid anan: Siriag lan kød nat kï Epraimag. Kamla kam Akaj kï kam deg loa dad ta pa tit'n nel a yeen kagg kïkam kút be. 3Bïraþe el Esai an: Aw i ndød Akaj, î kï ngoni Sear Yajub ko døboi ðob mankart kïdõ, ta ðob kaw lo tugo nyat. 4A ela an: Oo go roi maj, i ndï lom, ot þool. Ot kad kami gang man kïta gind ta kïr horr kï su sa kïjoo nõ, ad i wong kïtïngabil lo Resin kï Siri, kï ngon Remalia.
5Kïtø Siri kï Epraim
kï ngon Remalia
øjïn na ta
kad kï n'ðan sei majal anan:
6J'aw, kï nda Juda,
kï ndaa þoolt,
a tetïna ðøø,
na kï nda ngon Tabeel ngart.
7Titbe kel Bïraþe Luwah:
Ta'n non a to kari,
a ða nya al tø.
8Kïtø þebo lo Siriag
tøa i Damasï,
na Resin i ngar
kïdø þebo Damasït.
Nãi þal døkïbojidet
gidaimi a ne,
a tetïn ðøø Epraimag
kad in girrdeg gog al ta.
9Na þebo lo Epraimag
tøa i Samari,
ngar kï þebo Samarit
i ngon Remalia.
Îla i ðan bijir dø kadkamt
losï al a ne,
a i ndïn londïsït al ho.
Hoita lo Emanuel
10Bïraþe tel el Akaj gog tø an: 11I ndïje nyakøj mad Bïraþe Luwah loi, i ndjïja ke kam nya kïwo kïþing, ke tasom logt kïðõ. 12Akaj tur an: M'a m'ndïje al, m'ndig nã Bïraþe al tø.
13Kamla Esai el an:
Oon dø,
in ngékïþe lo Dabid.
I nya kï tëbe rosït
kad i ndan deg kørt,
i ndï ndan Luwah lom
kørt tø a?
14Kïtø 'nten Bïraþe kïdøn
a adsï nyakøj oon.
Ngomand a ndan ngon,
a ooj ngon kïdïngã,
na i ndah tøa Emanuel.
15Mba mang kï yib tej,
a in nyasaa,
mbã a ger mbet majal,
na køt maj.
16Kete lon ngon
ger mbet majal,
na køt maj al þaitø ye,
døning lo ngarg kïjoo'n
ndï i þoold, a tel gootþe.
17Bïraþe a ad ndøg
kïmajal ðen døit,
kï dø degt loi,
kï dø ngékïþet lo bøwi.
Maði nu lon Epraimag
gangïn na kï Judag,
ngar kï Asiri.
18Ndøt'n non Bïraþe
a kørr ngol ad kongg
þain lo lagirr bahbog kï Ejipt,
kï tejg kï døning Asiri.
19A ðen tube
kad høn londï
kam hool mbalgt kï to kari,
kï kam mbalgt kï riya,
kï dø kon'gt tube,
kï kam lokulnyagt tube tø.
20Ndøt'n non Bïraþe a ngisa
kï yinga kï ndima ko gid baht,
kï ngar kï Asiri,
kad ngise bisï døa kï bî nja;
a ngïse mbaita kø tø.
21Ndøt'n non dekïðen a ul
kõ mang kïða kï kõ batg joo,
22Na kïta mba kï a i ngãi,
deg a ãin yiba.
Kïtø ndeg deg tube'n nãin døningt'n nõn
a ãin yib mang ho, a ningïn tej ho.
23Nya'n a ða nya ndødïn non la ten,
lo kïðen kï dînduu kï
asï dub i tit maði
kï gata i nar
l'arjã dub a ne,
a tel lo þa køn'g kï ngarrg.
24A awïnt kï kïrãg kï gã
kïta døning tube
a i kõn'g kï ngarrg koon.
25Na mbalg tube'n maði
ndøøn kï køsï,
a teen tit al,
kïta þoolïn
kõn'g kï ngarrg.
A i lo kul mangg,
batg tø a ndiant.
BIBLE MBAÏ © 1980 Alliance Biblique du Tchad.