Esa 38
38
Mõi ða Ejekias
1Kaglot'n non mõi ða Ejekias ad to ta koit. Ngekelta kï ta Luwaht Esai ngon Amots aw roat, ela an: Titbe kel Bïraþe, øj go nyag ngékïþe loi kïta a oi, a i yoot al. 2Ejekias tel kumïn kïkad børrt kø Bïraþe an: 3A a, Bïraþe, m'køi kï i gah dømt kïta rota m'ndia nõit kam nyaðat kïro kï kam kïdenesew. M'ða nya kïmaj takumit. Ejekias nõ wukwuk.
4Ta, ta lo Bïraþe ðe ro Esait an: 5Aw el Ejekias, titbe kel Bïraþe Luwah lo bøwi Dabid; m'oo dø kø loi, m'oo man nõ loi. Oo, m'a m'la ndøi dø madt þal kïlah gidaimi. 6M'a m'aji kï þebo'n ðan tu ji ngar kï Asirit, m'a m'ngom dø þebo'n ðan. 7'Nten a i nyakøj kïtai kokïro Bïraþet, kïta Bïraþe a tøl ta ta'n el nõ kï nyakøj 'nten: 8M'a m'ad ndil nyambøj kàd lo Akaj'n kàd kï aw kïkete øsï døt, tel kïgog asï nda danja kïlah. Titbe kàd tel kïgog dø nyambøj kàd asï nda danja kïlah.
9Ejekias ngar kï Juda ndang pa 'nten lon yoot'n dø rotot lon: 10M'el m'an:
M'tee nusï ndï kï dø dõ lom,
m'ndï m'aw tabit lo kï Koot.
Ndeg ndømg kï nãin a goton.
11M'el m'an:
M'a m'oo Bïraþe døningt
kï deg ndïnt kï død dõ al.
M'a m'oo de kïða ku
ngéndï døningt gog al tø.
12Unïn kuj ndïm ad i dãrom awïn ne sãi,
romt i tit kujkub lo ngengom nyakulg be.
Ndø ndim kï dø dõ tïga,
tit'n ngejo kub a þirïn kub kï jo ye be.
A gangïm kø tit'n a gangïn ne kïllakub,
kàda mbã ndø'n Bïraþe a adïm m'goto.
13M'ød rom al mbã loti kï sî.
Bïraþe tet kïngam tube tit'n tubo
a tet'n kïnga dã be,
kàda mbã ndø, a adïm m'goto.
14M'ko tit yel kaikai be,
m'tõ ðusïðusï tit derr be.
M'ur kumm kï døit, na ða nya mad al.
Bïraþe, mî kï rigïgj, i ða sem.
15Ka m'an ði kad Bïraþe turïm ta,
na î kïdøn ða ho.
M'a m'ndia kï dø kïsøl ndeg þalïmgt tube,
kïta mî kï rokat kãrïr.
16Bïraþe, kïtakul nyag 'nten la
deg ndïn ne kï død dõ,
na nyag 'nten tube la
in kumkajir lo ndilïm ye.
A adïm lapia, a adïm m'ndï kï døm dõ tø.
17Oon, daiyog lom telïn kaj lom,
na kïta tar kï i tarïm ørrïm hoolþe nujkøt.
I la majalg lom tube gidit,
18kïta lo kï koo a ndubi al,
koi a øsïgoni al tø.
Îgïn ndï awïn kïkam hoolþet ye,
asï ndan kamd dø nyaðait kïro gog al.
19Ngekumkajïr, Ngekumkajïr la a ndubi tit'n kï m'ndubïn þone.
Bøw a ad nganïn gerïn nyaðai kïro.
20Bïraþe a ajïm.
J'a j'ug kïndeg loj ndø ndïj kï dø dõ tube
kam kujt lo Bïraþe.
21Esai el kad unïn kand mbaiþood
kï þa kïnat, lan ta dòt lo ngar,
na ngar a yoot.
22Ejekias tø ndïje kete an:
Nyakøj kï ði oo ojïn kad n'gerïn
n'a n'aw kuju lo Bïraþe a?
BIBLE MBAÏ © 1980 Alliance Biblique du Tchad.