Esa 32
32
Ngar kï ngekõþe denesew
1Oon ngar a õþe kïgo ðob kïdenesew,
na mbaiþeg loa a õnþe goðobat.
2Mbaiþe kïðen a i tit loyaro kïta nel,
tit longomro kïta nélbarwãi,
a tit man bahg kï nün lot kïtut kurum
tit ndil mbalbo kam døningt kï de
ør røkï kamt.
3Kum ngékolo a tel mundo al,
na mbi ngékoodøta a oo dø.
4Ngékurdøkoi a in kï goosï tørr
go nya nat,
na ndõ ngéþad ta
a elta kï kør njereng kanangbe.
5A kunïn þood de, de kïjaraw gog al,
a kunïn ngetar nya ngekadnya gog al tø.
6Kïtø þood ndï elta kï lo þoodt,
kama gé ða majal,
kad hø ða nya kïgo lo Luwaht al,
na elta kïgootal dø Bïraþet,
kïtakad de kï þo ðaa
nga nya sa alm
kï øg man kãi de'n kïnda õa.
7Nyakatg lo de kï ngendokum deg
in majal kï ða.
Ndï øj ta ða nyag kïmajal kamïnt,
kad n'nujïn ngendo kïgo ðob takïbal,
ke neni ta lo de kïdangt i kïgoðobat.
8Na de kïjaraw ndï tee
kï køjtaðag kïjaraw,
ndï hø tøgïn ba kam køjtaðag lon kïmaj.
Bïraþe ndang dekïdëg kï Jerusalem
9In dekïdëg kï ngéngata al,
i þain dõ, oon dø ndim.
In ngan kïdëg kï ngéngë,
i nelïn mbisï, oon dø ta lom.
10Kam þalt kïða kï ndøg døt,
a i ndadïn in ngengë,
kïta a jan kand nduu woi,
kaglo ja kand kag a ðe al ta.
11I ndadïn in dekïdëg kï ngégata al,
i ndadïn in ngengë.
I tørrïn kubg losï, i ðan rosï kari,
i døn þosï kï kub høndo.
12A i gan gusi kï nõ
kïta ndøøg kïmaj kïgoto,
kïta dînduu kï and ngãi kïgoto,
13kïta døning lo deg lom
þa kõn'g kï ngarrg,
ke kam kuj ða ronelt kïðen,
kam þebo ronelt tø.
14Kïtø a nyan kuj kõþe kø,
þebo kï deg ngãi in kamt
a tel gootþe.
Doorlo kï kuj ngomlo
a telïn bulombalg kïnõt,
a i nyaronel lo korrog kï mut,
a i lo sanya þut nyakulg,
15mbã ndøt'n Bïraþe a ü
Ndil ko dõ døjt,
na dïlalo a tel ndøø
kï tee kï kandnya ngãi.
Ndøø kï tee kï kandnya ngãi tø
a nder tit kù be.
16Ndøt'n non nyaða kïgoðobat
a ndï kam dïlalot,
na ða denesew a ndï kam ndøø kagt
kï tee kï kand nya ngãi.
17Nyaða kïdenesew a tee kï lapia
na kand denesew a i taakò
kï ndï lom mbãkïnõt.
18Deg lom a ndïn londïdt kï lapia,
kam kujgt kï ðan bijïr,
kam lotaakògt kï søl lom.
19Na køsïndii a tet kagg kïkam kùt,
þebo a tet so kïber.
20Ngéronelg la i îgïn ndï duwïn nya
nderrbe kad mant kïðen,
îgïn i nyan mangg kï korrog dõ
ad ndian kïgo kamndigt lod.
BIBLE MBAÏ © 1980 Alliance Biblique du Tchad.