Esa 24
24
Bïraþe gangta dø døningt
1Oon. Bïraþe a tuj døning,
a tela gootþet.
A teltakum døning,
a tïnda ngéndï kamt tî kø.
2Ngejanyamosï ke de kï kari,
ngeþer kï þer lon,
dekïdë kï þer lon.
A ða nya kï ngeðaw nya,
a ða nya kï ngendugo nya.
A ða nya kï ngetïna nya de,
a ða nya kï ngekad nya tïna
kï mana døt ho.
A ða nya kï de'n gïrra i døat,
a ða kï de'n girra goto døat.
3Døning kïtaagbe nujkø,
lan horr þeg kï ndøøg,
Bïraþe elta 'nten.
4Døning hø ndo, tøg deg goto,
ngéndï døningt tube
rod oi siw ad nyemïn,
na ro deg oi yelel.
5Deg telïn døning kïyerrt,
tøin dø tag kïkam tat lo Luwah,
mbelïn mberkïndag,
gangïn kunkø'n lad nat kï Luwah.
6Kïtø 'nten ndøl ndï tuj'n døning,
ngéndï kamt ndï dain ne
yod kïtø majal lod.
Kïtø 'nten horr õ ngéndï døningt
oin ad kørd nãi tëbe.
7Bïra nduu tut,
dînduu kaa ndulo,
deg tube'n
kamd i kï ronel ye,
tajigla tõn ðusïðusï.
8Ronel lo ngénda kød ngo tïga,
ronel lo ngéndom goto,
ronel lo ngékug kïndeh tïga tø.
9A ãin kasïnduu
kï pa kï køsï gog al,
kasï kïngang a atbang
ta ngékãiat.
10Þebo'n de gotot tel gootþe,
kujg tube tad i kï kut
De asï kand kamt al.
11Deg kon kïdø ðobgt paa
kïta ngah kasï nduu,
na ronel goto par kïnõt,
ronel goto kamþet.
12Nujkø koon la nãi þebot ye.
Tøsïn tabitg kï kand kam þet
tetïn kïber, þebo tel du mbal.
13Kïtø a i titbe døningt
kï girrdegt kïdangdang:
Nya a nãi ngãi al
tit kag bïrg lon jan ne bïrg,
tit'n a þurïn ne goot
kand nduu lon jan ne woi.
14Na îgïn nãin kï død dõ
a unïn ndid kï dõ
kon ne kï ronel.
Ko kad bahbot ndubïn
maj kïtaitøi lo Bïraþe.
15Øsïgon Bïraþe,
in ngé kï loþakàdt.
Adïn tø Bïraþe Luwah lo Israel
ko kï logt kïkad bahbokatgt.
16Ko døngoi døningt
j'oo dø ndi pa ndub 'nten:
Køsïgon kï dø Luwaht kï densew.
Na mî m'el m'an:
M'tuj, mî de kï m'tuj
Ngékundødeg ndï unïn dø deg
Kun dø deg ndï aw kïkete kete.
17Nya kïtootþool, mbë kï gum
ton nõsït in ngéndï døningt.
18De'n ãi kah nya
kïtootþool a ne, a so mbët,
na de'n tee kam mbët
kïtïga a ne, gum a høa.
Kïtø burrolog kï dørãt teen,
na girr døning yee yïkïtyïkït.
19Døning kai, døning tet so,
døning yee yïkïtyïkït.
20Døning yee tit de kï kasï ðaa be,
døning yee tit kujkám be.
Tøidøta loa øi ngãi døat,
a so, na a þai gog al.
21Ndøt'n non Bïraþe a nda øj koosïg
kï dørãt, kam dørãt dõ,
kï ngarg kï døningt ne.
22A kawïnd kïnat lo kïðabe,
tit'n a kawïn ne de dangãig
kam hoolþet. A utïnd dangãit,
na go ndøgt kï ngãi a nda øjïnd.
23Ndøt'n non nah a høndo,
na ro kàd a søla,
kïta Bïraþe Ngetøg kï tøitøi a õþe
dø mbalbo Siõt kam Jerusalem,
kunja a ða ngereng nõ kïbogt loa.
BIBLE MBAÏ © 1980 Alliance Biblique du Tchad.