Esa 17
17
Ta lo Bïraþe dø þebot kï Damasï
1Ta lo Bïraþe dø þebot kï Damasï laten:
Damasï a i þebo gog al,
a i nya kï tet kï dønat.
2Þebog kï tit, a nyand kø,
a i lo ngom nyakulg,
a i lo tod, na de mad
kï a ndad þoolt goto.
3Kuj ngomdøþe
a goto døning Epraimt,
kõþe a goto Damasï,
ndeg deg kï døning Siri kï nãin,
tød a ko tit Israel be al,
kel Bïraþe Ngetøg tube.
Takïgang lo Bïraþe dø Israelagt
4Ndøt'n non
tø Jakob a ko ngãi al,
dãroa kï to mbulmbul
nõ a nyem.
5I tit'n ngetet nyako
a kawïn dø nyako kïnat,
na dø sïngaa,
tit'n de a kawïn dø nyako
kam hoollot lo Ripaiag.
6Ndeg nya kï þur a nãit þaitø,
tit'n a yee ne kag bir,
na kanda joo ke mïta
nãi tasom kagt,
kand søø ke mi nãin
døji kagt kï and ngãi,
kel Bïraþe Luwah lo Israel.
7Ndøt'n non
deg a nølïn lo kï ro Ngendahdt,
na a telïn kumd kïdø
Ngekunjðangt kïnge Israel.
8A nølïn lo kï ro dïngïrt
kï ðan kï jid,
ke telïn kumd kïdø
nyagt kï ngan jid ða al,
ad i yo Astarte
kï nya kï tøsï þakumta kàd.
9Ndøt'n non þebo loyaro kïngang lo Israel a i nyad kø, tit'n ðan ne kï kagg kï ta som kagg non Israel, na a i kamkøl kïngãi.
10Kïtø kami oi dø Luwah Ngekaj,
i gah dø Mbal yarot loi al,
i duw nya kï kad ronel,
na i duw kumnya kï mbah.
11Ndø'n i hø nya ye,
i nda kïnga i gugïn dø,
I nda kamit kad tøgïn,
na kïsî þa tøg,
na kaglo tet nya a ne,
kanda goto,
i ndø kamkil kï roto
kï dum yoot.
12Beto, kïse lo girrdeg kïdangdang,
ndï kïsen tit bahbo kï ko huhu.
Kah girrdeg kïdangdang ndï kon
tit mang kïtagd i ngãi.
13Girr deg kïdangdang ndï kon
tit kah man kï ko ngãibe.
Luwah ndangd, na ãin kø sãi.
Tîn na tit'n nel a øin tisa dø mbalhogt,
tit'n nélbarwãi
a øin buning.
14Døji losølt,
Kïngasa gad.
Kete nõ lo tit goto tube.
'Nten i nyabaji lo deg'n tirjïn pur,
'nten i tuj'n a tee dø degt'n øin nya loj.
BIBLE MBAÏ © 1980 Alliance Biblique du Tchad.