Oje 8
8
Bïraþe ndang Israelag kïta yo kï ða
1I kunïn tow, na i kørïn nya
elïn ne deg,
tit'n yel kuro ndï ðisïn ye
titbe la tuj ndï son dø girrdegt lo Bïraþe.
2Ndï kon kïdømt, anan:
Î Luwah loj, jî Israelag kï geri.
3Israelag mbetïn nya kïmaj ye,
madngetadg tuþan god.
4Ndan ngarg dødt kïkanj mberkïnda lom,
køtïn kïbog kïkanj kad m'gerd.
Ðan yog kï l'arjã kï l'ørr lod,
kïta 'nten a nujïn kø.
5În deg kï Samari, m'mbet yo ngon mang l'ør losï;
m'þa sesï wong kïtïngabil; a i teen kïkar nyangt ndø ðit a?
6Yo ngon mang l'ør lo Samaðig ye,
i luwah al, na i kød mad ku Israelagt la ðaa ye,
Kïtø 'nten þet a tøøna køsïkøsï.
7Kïtø Israelag duwïn nél,
a tetïn nélbarwãi.
A ngahn dø nyako al,
nduj a goto, na îla and a ne,
mbahg la a san mugj ye
8Tajigla girrdeg kïdangdang
lan Israelag yalïm,
i tit joo kï ndaa goto be.
9Lon Epraim aw Asirit tit koro kï mut,
kï aw kïkïðanbe,
ad kadkari ndugon ngéðan ngaw.
10Ke neni adïn kadkarig girrdeg madg
kad ðan ne sed kaa ne,
m'a m'kawd kïnat tajigla,
kamla a nyan ta nda ngarg kï mbaiþeg
tit'n ndan ne kaglot 'nten.
11Kïtø Epraim ða dïngïr kadkarig kïjakø
ad bïlan kïdøtdøt kïta ða majal,
na dïngïrg'n non telïn lo ða majal loa.
12Ke neni m'ndang mberkïndag lom asï dub kïlah kaa ne,
Epraim a ood tit ta kïmbah be.
13Neld ngãi kad lan horr kadkarig kïjakø admïn,
kïta a san dã,
na Bïraþe ngah ronel kam nyagt'n non al.
Tajigla Bïraþe a gah dø majalt lod,
a nda øjd kïta ðagootalg lod,
a telïn kï døning Ejipt't gog.
14Kam Israel oi dø Ngeða'n, na ða kuj kõþeg kïtan.
Juda kaa ne, ða þebog kïngang kïdøtdøt,
na m'a m'lahorr dø þebogt loa,
a õ kuj kõþeg loa mugj.
BIBLE MBAÏ © 1980 Alliance Biblique du Tchad.