Teekïtïga 34

Moij tøsï bar mbal tit kïkete

1Bïraþe el Moij an: Tøsï bar mbal joo tit kïkete nõ, tag kï i dø bar mbalgt kïkete'n i tød kø nõ, m'a m'ndangd døt. 2I ða roi kete kïsî, na al dø mbalbo Sinait kïsî kad i ða nomt dø tasom mbalbot. 3Ot kad de mad al nat sei. Ot kad m'oo de mad tee dø mbalbot'n non. Kï ad þut batg kï þut mangg san nya kad mbalbot'n non al tø.

4Moij tøsï bar mbalg jo tit kïkete, þai kïsî ritit, al dø mbalbo Sinait tit'n Bïraþe ndan mber, øi bar mbal kïjoo'n non jint.

5Bïraþe ðisï kam kilndiit ða kadat, na Moij la mber tø Bïraþe. 6Bïraþe tøi nõat, la mber titbe: Bïraþe, Bïraþe Luwah ngekõkam kï ngekookumtondo, ngendï bá dø wongt, kamkë loa kï nyaðaa kïro în ngãibe, 7ndï øj kamkë lon ngaka kïdub, ndï nyàgo ðagootal kï tøidøta kï majal kï ða kø, de kï ta høa a ørr ta døat al, na ad køjkum kïta nyaða kïgootal lo bøwg so dø ngan'gt mbã kïdø ngakat kïkõmïta kï kïkõsøø.

8Tentenbe Moij ned kï ber øsï døn ningt, 9el an: Bïraþe, îla m'ngah maj takumit a ne, m'køi kï Bïraþe aw sej nat kïta in deg kï ngéngïra kï god. I nyàgo ðagootal kï majal loj kø, na telj nyakagþet loi.

Bïraþe tel un køn ad'd tit kïkete nõ

10Bïraþe el an: Oo M'un køm, m'a m'ða nyag kïyaya nõ degt loi tube tit'n ðan ne døningt kïtaagbe kete al ke dan girrdegt mad, na deg tube. Kï i ndï dandt ye, a oon kïlaða Bïraþe kïta nya kï m'a rm'ða sei ye, i nya kïtootþool kï tøi.

11Î ngomgo nya'n m'ndai mbera þone Oo m'a m'tuþa Amoriag kï Kanaag kï Hetiag kï Perejiag kï Hebiag kï Jebusiag nõit kø. 12Oo go roi maj, na þeta a un køi sed ngéndï døningt kï a andt. Maj a ne a tel gum dansït. 13A i tetïn dïngïr kadkarig lod, a i tøn yo mbalg lod køsïkøsï, a i gan kag yo Akerag lod gangïn kø.

14A i øsï døi ber nõ yot mad al, kïta Bïraþe'n tøa i Jàng i Luwah kï ngejàng.

15A un køi sed ngéndï døningt'n non al, kïta a øsïn død ber nõ yogt lod, a jan mosï kadkarig adïn yog lod, na þeta de mad a kuni ad i sa sia dã kadkari loa. 16Na þeta a i ta ku ngan kïdët lod kïta ngani kïdïngãg, kï kïdëg a øsïn død ber nõ yogt lod, na a adïn ngani kïdïngãg øsïn død ber nõ yogt lod.

17A i nyë nya mad ða'n yog al.

18A i ngomgo nah bïnã Kïkanj Berrkasï A i sa bïnã kï løi kïkanj berrkasï ndø tanãimïta tit'n m'ndai'n mbera kaglot kï m'øji kam naht kï tøa i Abib kïta kam nah Abibt la i teen kam døning Ejipt't kïtïga ye.

19Tubeg'n teen kamkõt dasa in lom ad i nganderg kïdïngã lo nyakulg kïdïngã tube, ke mang, ke bat. 20A i hø kõ bat i ban dø ngon korro, na îla i ndig badøa al a ne, a i tet køa. Ngander ku nganit kïdïngã a i badød tube. De a ðe nomt jin kïkari al.

21A ða kïla ndø kïbojidet, na ndøt kïkõtanãimïta a ne, a i taakò, ke kaglo ndøøt, ke kaglo ja nyakot a i taakò.

22A i ngomgo ða nah ad i nah ja kand nyako kïdasa kï nah ða Nyako døboi þalt. 23Nja mïta þal kïða, dekïdïngãg loi tube a awïn nõ Bïraþe Luwaht, Luwah lo Israel. 24Kïtø m'a m'tuþa girrdeg kïdangdang kø nõit, m'a m'ndøt kï ðobning loi kï ketekete, na nyur a õ de mad kïta taa døning loi al, lon a awïn nõ Bïraþe Luwaht loi nja mïta kam þalt kï kïða.

25Ot kad i la mosï kadkari kïjakø kadïm nat kï bïnã kï løi kï ða kï berrkasï. Ot nyan ndeg dã nah Pakï kad loti døt.

26A i ðe kï kand nyako kïdasa kï døningt loi kam kujt lo Bïraþe Luwah loi. A i ndirr ngon bîya kï mba kõat al.

27Bïraþe el Moij an: Î kïþe i ndang tag 'nten kïta m'un køm m'adi, na m'ad Israelag tø kïgo tagt 'nten. 28Moij ndï nu nat kï Bïraþe kàd døsøø kï ndø døsøø. Sa nya al ho, ãi man al ho. Bïraþe ndang ta kunkø 'nten dø bar mbalgt, ad i mberkïndag kïkïlah.

Moij ðisï dø mbalbo Sinait kïber

29Lon Moij ðisï dø mbalbo Sinait kïber ye, bar mbal kïjoo lo najkïma i ji Moijt lon ðisïn dø mbalbot kïber. Moij ger al kad ndar takumïn ndulo ngeîngeî kïta kel'n elta kï Luwah. 30Lon Aarõ kï Israel'ng tube oon Moij, oon ndar takuma kï ndulo ngëingëi, þoolïn ndøt kï roat. 31Kamla Moij kund, na Aarõ kï mbaiþeg lo ngékawnatube tel ðen roat, ad Moij eld ta. 32Got gog Israelag tube ndøtïn kï roat, na Moij la mberkïndag tube'n Bïraþe ada dø mbalbo Sinait jidt. 33Lon Moij tïga kelta sed ye, un kub kutdø utïn takumïn. 34Na lon Moij and kïnõ Bïraþet kïta kel sia ta ye, un kub kutdø'n non kø mbã kad teen tïga. Tee tïga, el Israelag ta nya'n ndana mbera. 35Israelag oon takum Moij, oon ndar takum Moij ndulo ngëingëi, na Moij tel la kub kutdø'n non gog takumïnt mbã kad tel andïn kïta kelta kï Bïraþe.

Currently Selected:

Teekïtïga 34: MB80

Highlight

Copy

Compare