Teekïtïga 33
33
Bïraþe mbet kaw sed
1Bïraþe el Moij an: Aw, i þai në be în kï deg'n i tee sed kam døning Ejipt't kïtïga, aw sed kam døningt'n m'unïn køm kï yokïnda m'ad Abraham kï Isaak kï Jakob m'an: M'a m'ad kohsï døning'n non. 2M'a m'la malaika nõit, rn'a m'tuþa Kanaag kï Amoriag kï Hetiag kï Perejiag kï Hebiag kï Jebusiag. 3I þai aw kam døningt'n mba kï tej ãint tit bah be M'a m'aw sesï al, na þeta m'a nujsï kø dø ðobt kïta în deg kï ngéngïra kï gosï. 4Lon deg oon hoita kïmajal'n non ye, høn ndo, de mad kï la nyaparero ront goto. 5Kïtø Bïraþe el Moij kete an: El Israelag titbe, în deg kï ngégïra kï gosï. Îla m'a m'aw sesï dansït kaglo tëbe a ne, m'a m'nujsï kø. Kïtø teen tajigla, ørrïn nyaparero rosït kø na m'a m'oo nya'n m'a m'ða sesï. 6Nõbe kad mbalbo Horebt Israelag ngîn nyaparero rodt.
Kujkub ndødna kï Luwah
7Moij a un kujkub, na tïlaa ta nat tïga gid lo hølondït kïðen kï a teent, sãi kï lo hølondï, na ndah tøa hujkub ndødna kï Luwah. Kamla îgïn a sahn Bïraþe a ne, a tee awïn ta kujkub ndødnat kï Luwah tïga gid lo hølondï. 8Lon Moij a tee kad kï n'aw kam kujkubt ye, deg tube a þain, na dekïðen a ða ta kujkubt lon, a oo go Moij mbã kad andïn kam kujkubt. 9Lon Moij a and kam kujkubt ye, pilie kilndii a ðisï, a ða ta kujkubt, na Bïraþe a elta kï Moij. 10Deg tube a oon pilie kilndii kï ða ta kujkubt, na deg tube a þain dõ, a øsïn død ber, dekïðen ta kujkubt lon. 11Bïraþe a elta Moij takumat, tit'n de a elïn ta kï namïn be. Kamla Moij a tel kïkam lo hølondït gog, na þer loa kïbasa Jojue ngon Nun a tee kam kujkubt kïtïga al.
Moij kø Bïraþe kamla Bïraþe ndia sed tit kïkete be
12Moij el Bïraþe an: Oo elïm an: Ørr deg'n ðan ta ðob aw sed, na adïm m'ger în a i laa nat sem al, na î el an: I gerïm kï tøm, m'ngah maj takumit tø. 13Kïtø 'nten tajigla, m'køi, îla m'ngah maj takumit a ne, kï adïm m'ger goðobg loi kïtakad m'geri, na kï m'ngah maj takumit. Oo kad deg'n ðan în deg loi.
14Bïraþe el an: Mî kïdøm, m'a m'aw nat sei, na m'a m'ad i taakò. 15Moij ela an: Îla î kïdøi a aw sem al a ne, ot kad kï þai në be 16Titbãi a gerïn ne kad m'ngah maj takumit, mî kï deg loi a? A i kïtakul kawi nat sed. Kïtø 'nten la mî kï deg loi, jîn tadang kï ndeg deg tube kï døningt.
17Bïraþe el Moij an: M'a m'ða nyan el nõ tø, kïta i ngah majkurr takummt, na m'geri kï tøi.
18Moij el an: M'køi kï øjïm kunji kïðangereng.
19Bïraþe tur an: M'a m'ad maj lom tube tøi nõit, m'a m'la mber tø Bïraþe nõit, m'a m'ookumtondo lo de'n m'ndig kookumtondo loa, na m'a m'øj kõkam de'n m'ndig koja kõkam. 20Bïraþe el an: Asï koo takumm al kïta de asï koom, na ndï kï døn dõ al.
21Bïraþe el an: Oo lo mad i kadïmt, a i ða dø mbalt, 22na lon kunjïm kïðangereng a tøi a ne, m'a m'ndai kam bulombalt mad, m'a m'ut døi kï jim mbã kad m'tøi'n. 23Kamla m'a m'ørr jim kø, a oo gidm, na a asï koo takumm al. Moij tøsï bar mbal joo tit kïkete nõ kamla Bïraþe ndang tag lon døt gog.
Currently Selected:
Teekïtïga 33: MB80
Highlight
Copy
Compare
Share
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
