Teekïtïga 19

Bïraþe elta kï Israelag dø mbalbo Sinait

1Ndø kïdasa lo nah kïkõmïta go tee Israelagt kam døning Ejipt't kïtïga ye, ndø'n non Israelag andïn kam dïlalot kï Sinai. 2Þai nyan Repidim na andïn kam dïlalot kï Sinai. Israelag høn londï kam dïlalot nõ mbalbot.

3Moij al aw ro Luwaht, na Bïraþe kun Moij ko mbalbot, ela an: A el ngékïþe lo Jakob, a el Israelag ta 'nten: 4oon nya'n m'ða kï Ejiptiag, kï tit'n m'øisï'n tit'n kuro a øin nganïn dø bøgïnt be ho. 5Tajigla îla oon dø ndim, îla i ngomïn go kunkø lom tø a ne, a în deg lom mî kïbe ku degt tube kïta døning kïtaagbe i lom. 6Na a în kõþe lo ngéjamosï kadkarig kïtam, a în girrdeg kïjaþat 'Nten la în tagïn a i el Israelag ye.

7Moij ðe kun kïbog lo deg, nda tag'n non tube nõdt în Bïraþe ndad mbera. 8Deg tube turïn kød kïða anan: J'a kï ða nyag tube'n Bïraþe el. Moij tel kï tag'n deg elïn kï ro Bïraþet. 9Bïraþe el Moij an: Oo m'a m'ðe roit kam kilndiit kïkil kïrïr kïtakad deg a oon ne kaglon m'a m'elïn ta sei, kad taan ta loi mbãkïnõt. Kamla Moij el Bïraþe tagïn deg elïn.

Luwah ndød Moij dø mbalt kï Sinait

10Bïraþe el Moij an: Aw ro degt, i ad jan rod þat kad majalt þone kï loti, na ad'd tugon kubg lod 11Kï în kï ro kï ða oi kete nõ ndøt kïkõmïta, kïta dø ndøt kïkõmïta a ne, Bïraþe a ðisï dø mbalbo Sinait takum degt tube. 12A i nda ðobnin gug dø mbalbo. A eld an: Oon go rosï maj kad alïn dø mbalbot ke ødïn kada. Dekïðen'n a ød mbal'n non a ne, rota a tølïna kø. 13Ji de mad a øda al, na þeta tïlana kï mbal, ke a urrïna kï kïrã, ke dã ke de. De'n non a ndï kï døn dõ al. Lon brunj a koo goa ngal a ne, deg a ðen nderrbe kï nja mbalbot.

14Moij ðisï dø mbalbot kï oo degt, ad deg jan rod þat kad majalt, în tø tugon kubg lod. 15Moij el deg an: I ðan rosï kete nõ ndøt kïkõmïta, ot teen kad dekïdët.

16Ndøt kïkõmïta kïsî ndii ndang ngãi, nat kï telndii kï kilndii kïkil kïrïr dõ dø mbalbot, kï ndï ko brunj kïtag ngãi, ad deg tube'n ndïn kam londïdt ye, rod ndad yatat. 17Moij tee kï deg kokam londïdt kïtakad ndødïn Luwah, ad ðan dõ nja mbalbot. 18Mbaibo Sinai i sahorr kïtaagbe kïta Bïraþe ðisï døt kam horrt. Sa'n non su luyluy kïdõ tit sahorr purr tïnga brik be, ad mbalbo yee yïkïtyïkït. 19Ndiko brunj'n non ko kïtag kïdøtdøt. Moij elta, na Luwah tura ta kï ndin kïbo. 20Bïraþe ðisï dø mbalbo Sinait ad i dø tasom mbalbot'n non. Bïraþe kun Moij kad al dõ tasom mbalbot, na Moij alt.

21Bïraþe el Moij an: I ðisï, ug el deg, na þeta a ndan ðobnin gangïn kïtakad nølïn Bïraþe. Îla ðan titbe a ne, deg ngãibe kudt a nujïn kø. 22Kï ad ngéjamosïkadkari îgïn ndï ndøtïn kï ro Bïraþet ye, jan rod þat kad majalt tø, na þeta a ne, Bïraþe a so kødt. 23Moij el Bïraþe an: Deg asïn kal dø mbalbo Sinait al, kïta ug elj an: Nda ðobnin gug dø mbalbo, na i tela nya kïjaþat't 24Bïraþe eld an: Aw, i ðisï kamla i tel al gog nat kï Aarõ Ot kad ngéjamosïkadkari ndan ðobnin gangïn nat kï deg kad alïn kï ro Bïraþet, na þeta Bïraþe a so kødt 25Moij ðisï kï ro degt eld tag'n non.

Currently Selected:

Teekïtïga 19: MB80

Highlight

Copy

Compare