Teekïtïga 18
18
Jetro ðe oo Moij, na ada køj
1Jetro ngejamosï kadkari kï døning Madiãt, mum Moij, oo hoi nyag tube'n Luwah ða kïta Moij kï Israel kï deg lon kï tee kï Bïraþe tee kï Israel kø døning Ejipt't. 2Jetro mum Moij un Sepora në Moij kïta Moij nyàa ad tel aw þe lo bøwa Jetro gog, 3øi ngan Moij kïdïngã kïjoo tø. Kïkïða kudt tøa i Gersom kïta Moij el an: Mî ngehølondï kam døning mbaht. 4Kïmad tøa i Eliejer kïta Moij el an: Luwah lom ðe ða sem, ug ørrïm ta kiyaðøøt lo Paraõ.
5Jetro mum Moij ðe roat, nat kï në Moij kï ngana kïdïngã kam dïlalot, lot'n hølondït kad mbalbot lo Luwah. 6De mad ðe el Moij an: Mumi Jetro ndï ðe nõ, nat kï nëi kï ngana kïdïngã joo. 7Moij tee aw ndød mumïn, øsï døn ber nõat, ðaa lapia njuta. Ndïjen na ta lapia lo na, kamla andïn kam kujkubt lo Moij. 8Moij el mumïn nyag tube'n Bïraþe ða kï Paraõ kï Ejiptiag kïtatø Israelag, kï daiyog tube 'nten dødt dø ðobt, ke titbãi Bïraþe ug ørrdïn. 9Jetro ða ronel dø majt tube'n Bïraþe ða kï Israelag, kïta ug ørrd ji Ejiptiagt. 10Jetro el an: Køsïgon kï dø Bïraþet ngekug kørrsï ji Ejiptiagt kï ji Paraõt Tee kï deg lon kø girr tøgj Ejiptiagt. 11M'ger tajigla Bïraþe i kïbo tøi yog tube kïta ad majal lo Ejiptiag tel so dødt gog.
12Jetro mum Moij la kadkari kïlahorrt kï kadkari kïjakø madg ad Luwah. Aarõ kï kïbog lo Israel tube ðe san nya nat kï mum Moij nõ Luwaht.
Moij køt bïradøg kad gangïn ta
13Loti got Moij ndï ber kïta gangta lo deg, na deg ðàn nõ Moijt kïsî mbã kad udïn. 14Lon mum Moij oo nyag tube'n Moij ða kï deg ye, el an: Nya'n i ndï i ða kï deg'n non ye, girra i ði a? Kïtøði î kïkïðai tã i ndï ber, na deg tube ðan gugïn døi kïsî mbã kàd udïn a? 15Moij el mumn an: Kïtø deg ndï ðen romt titbe kïta ndïje ta Luwah. 16Lon în kï na kï ta mad a ne, a ðen romt ad m'gangta nõn kudt, na m'ad'd gerïn mberkïndag lo Luwah kï tag loa tø.
17Mum Moij ela an: Nya'n i ndï ða maj ngãi al. 18A i tøl roi rota, î kï deg'n în nat sei, kïta kïla 'nten i kïla kï øi tøi tøgi, i asï ða kïkïðaibe al. 19Tajigla, oo dø ndim, m'a m'øji ta mad, kï Luwah i nat sei, î a i ga goot deg ro Luwaht, a aw kï tag lod ro Luwaht. 20A i ndood mberkïndag kï tag kï tee, a øjd ðob kï sumba kad ndiant kï kïla kï sumba kad ðan 21Tajigla i køt ku degt tube dekïdïngãg în asïn, ngéþool Luwah, dekïdïngãg kï ro ngékøsïta nyangah kïgootal, i ndad dø degt kad în bïradøg dø kïdubgt kï bïradøg dø kïþugt kï bïradøg dø kïdømigt kï bïradøg dø kïkïlahgt. 22Kï ad'd gangïn ta lo deg kaglot kïðen Titbe kad ta kïbo kïðen a ðen ne roit, na ngon ta kïðen î kï a gangïn ad nya kïkøi to soot kïtai, în tø a tain kørt dïlalot dø nyatot kïkoi 'nten. 23Îla i ða nya 'nten, na îla Luwah ndai mbera tø a ne, a i asï hø tøgi badøt, na deg'n non tube a awïn lo lod kï kamkïsokïber.
24Moij oo dø ta lo mumn, na ða nyag tube'n muma ela. 25Moij kot dekïdïngãg kï asïn ku Israelagt tube, ndad bïradøg dø degt tube, kad în bïradøg dø kïdubgt kï dø kïþugt kï dø kïdømigt kï dø kïkïlahgt. 26Gangïn ta lo deg kaglot kïðen, ðen kï tag kïngang ngãi ro Moijt, na în kïdød gangïn ngan tag.
27Moij nya mumïn Jetro ad aw. Jetro tel døningt lon gog.
Currently Selected:
Teekïtïga 18: MB80
Highlight
Copy
Compare
Share
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
