Dan 12
12
Kaglo kamkøl tøi, na kaglo majkurr ðe
1Kaglot'n non la Mikael, bïrangekõþe kïbo'n non, in ndï ngomdø girrdeg loi, a þai. Kaglo'n non a i kaglo kamkøl kïbobe; kïtit sia goto bat maði lon girrdeg ndïn ne døningt mbã kaglot'n non; na kaglot'n non ye, a ugïn girrdeg loi ørrïnd ad i dekïðen, in ngahn tøa i kïndang kam maktubt.
2Koosï deg ngãibe ku îgïntïn to þin kam buningt ye, a ndoolïn, kïmadg kïta kumkajir kï mbãkïnõt, na kïmadg kïta rosøl kï kid kïmbãkïnõt. 3Na ngényager kïmaj a unjïn ðang tit nyenr kunj dørã be, na îgïn ndoon deg ngãibe nyaða kïdenesew a unjïn kïndøgndøg tit kïmeg be mbãkïnõt.
4Na î Daniel, i ngom tag 'nten kï lomundt, ut maktub'n non, na uta taa kï nyatïnya ta maktub mbã kaglo kïdøboit. Deg ngãibe a awïn ho a telïn ho, na nyager a bïla kïdøtdøt.
Kaglo kïdøboit i nya kïmund
5Kamla mî Daniel m'nøl lo, na m'oo deg joo tee ðan dõ, kïkïða ða dø kongïr baht kïkïða, na kïmad ða dø kongïr baht kïmad. 6Na kïkïða kudt el de'n aw kï kub lë ront, in i dõ dø man baht'n non, an: Ðingãt nyag'n non a tølïn kond a? 7De'n aw kï kub lë ront, in i dõ dø manbaht ka nõ, la jikõn kï jigelïn kï dørãt dõ, na m'ooa dø ta'n el an: Kï yo nda kam tø Luwaht kï Ngéndï kïnõt nyag'n non a ðan nya þal mïta kï nusï, na a tølïn kon nyag'n non tube, lon tøg girrdeg kïjaþat lo Luwah tïgan.
8Mî Daniel m'oo dø tag'n non, na m'ger girra al. Kamla m'el ma'n: Bïraþe lom, døboi nyag'n non ye, a i titibãi a? 9El an: Daniel, i aw lo loi, kïta tag'n non în kï yadø, în kï kut kï nyatîya ta maktub, a to mbã kaglo kïdøboit. 10Deg ngãibe a arïn rod, telïn kïnda ngü kïta nánd kam nya nágt, na ngéðamajalg a asï ger girr nya 'nten al, a ðan kïgo majalt lod'n ndï ðan nõ. De kïða ku ngéðamajalgt kï a ger gira goto, na ngenyager kïmaj la a gerïn gira ye.
11Na þai dø kaglot'n non a øgïn dø kadkari kïlahorrt kïndøgndøg, na a udïn nya kïyerr kï ngenujþe ad ða dõ ye, a i ndø dubkïða kï þujoo kï døjikïða.
12Ngéronelg la in deg'n a ðan bijir mbã teen ne ndøgt kïdubkïða kï þumïta kïdømïta gidaimi ye. 13Na î Daniel, i høtøgi bá mbã døboit. A i taakò, na a i ða dõ kïtakad i taa nyabaji loi kaglot kï døboit.
BIBLE MBAÏ © 1980 Alliance Biblique du Tchad.