Dan 11
11
1Na mî Mikael, kam þalt kïdasa bang lo Darius, de kï Mede, m'ða kadat kïta ða sia kï kad ngang. 2Tajigla m'a m'adi i ger nyag'n þet a ðan nya jeje. Oo, ngarg mïta a þain kam døning Perset þaitø, na ngar kïkõsøø, a i ngenyamajg tøid tube, na lon ngah tøg ngãi kïtakul nyamajg lon a ne, a sila deg tube kad n'ndoorïn kõþe lo Grekg.
Ðøø to mbïna ngargt kï þoodo kï døø
3Na ngar mad kï i kïrãðøø a þai, a õþe dø døninggt kï tøg ngãibe, na a ða kïgo ndigt lon. 4Na lon ngah tøg a ne, kõþe loa a so, a i kegïna kïgo kogt kïsøø, în nélg kïsøø a þaint, na a adïn kõþe loa ngakat kï ngaka al, kõþe a i kï tøg ngãi tit kïkete al tø, a ørrïn kõþe loa ko, a adïn deg madg, na ngakaa al.
5Kamla ngar kïþodo a ngah tøg ngãi, na kïkïða ku mbaiþegt loa a tøia kï dõ.
6Go þalgt kï asï tat ye, a unïn kød adïn na, na ngon kïdë lo ngar kïþodo a taa ngar kïdøø kïtakad ladïn nooj nat, na tøg ji ngon kïdë'n non a tokïnõt al, ngawa kï ngana a ndïn kï død dõ al tø, a lan ngon kïdë'n non kï koit nat kï ngékïlaþerg loa kï ngona kï ngeðasïa ad i ngawa kaglot'n non.
7Na de mad girrkoojt loa, a þai ga goot bøwa, a ðe ðøø kï bahkad koosï ngéðøøg lo ngar kïdøø, a and kam kuj ngomdøþet loa, a dum død, a tetd ðøø. 8A øi yog lod kï þakumta nyag lod kïlë kïjoo l'ørg kïjoo l'arjãg lod kï gatd i ngãi awïn døning Ejipt't, na a ta ko dø ðøø't kï ngar kïdøø þal madg. 9Kamla ngar kïdøø a ðe kï ðøø kam kõþet lo ngar kïþodo, na tøga a asï al; a tel døningt lon gog.
10Na ngan ngar kïdøø a bain kï ðøø, a kawïn bahkad koosï ngéðøøg kïnat, a awïn tit mankõn be, a toin, a ðøøin mbã kï kuj ngomdøþe lo ngar kïþodo. 11Kamla wong a tøl ngar kïþodo søkïr, a tee, a ðøø kï ngar kïdøø, î tø a þai kï bahkad koosï ngéðøøg, na a lan bahkad koosï ngéðøø'n non ji ngar kïþodot. 12Na lon a hø bahkad koosï ngéðøø'n non a ne, døa a sir, a tøl deg dubg nja kïlahg, titbe ka a dum dø al. 13Kïtø ngar kïdøø a þai kï bahkad koosï ngéðøøg ngãi tøi kïkete nõ, na go þalg madgt ðe døat kï bahkad koosï ngéðøøg kï nyaðøøg ngãibe tø. 14Na kaglot'n non ye, deg ngãibe a þai ndoorïn ngar kïþodo, na deg kï ngéða ta kõ ku degt loa a þain kïta tølkon nyakookamndilt 'nten, na a son. 15Kamla ngar kïdøø a ðe, a ad ban ning kïdõ kad ndogbørr þebot, na a ta þebo kïngang'n non. Koosï ngéðøøg kïþodo kï gõðøøg kïkot lo ngar a ðan loðadt al kïta tøgd kad ðan ne loðadt a goto. 16Na ngar kïdøø kï a ðe ndoora ye, a ða kïgo ndigt lon; de mad kïða kï a ða loðant nõat a goto, a ðe kam døningt kïmaj ngãi ad i døning Israel, na døning'n non tube a so jiat. 17Kamla ngar kïdøø a ndah kamïnt kad ðe kï tøg kõþe lon tube, a ðe kï køjtag kïtakad î kï ngar kïþodo lan ne nooj nat, na a ða kïgo køjtagt'n non, a ad ngar kïþodo ngonïn kïdë kad ta'n kõþe, na maj a ura kam køjtaðat loa nõ al, a taa kõþe kïþodo al. 18Kamla ngar kïdøø a þet tan kï døninggt kïkad bahbot ko lokudkàdt, na a taa døningg madg ngãibe tø, kamla bïraðøø mad a ad nyaðaa kïgo lo kidt tïga, tel so døat gog. 19Taa ne, ngar a nda kumïn go þebogt kïngang kï ðan kï kuj ngomdøþegt kïkam døningt lon kï køsï døn. Na i nya mad al. Na oi, kanj kad de mad oo banga lo madt. 20Got gog de mad a þai ga goota, a la kï de ngetaa nya ji degt kï lo ngetøgt kam døninggt kïmajtøi kam kõþet lon, na go ndøgt ngãi al a tølïna, a ta ðøøt alm na i go ðob ta kï laber.
21Na de mad kï kari pãbe la a lan kõþe jiat ye, i de kï sumba de ndah ngart al. Na taa kõþe kï goðob kï gootal kï ndo deg kï tag kï to pehpeh. I kaglon deg ndïn kï lapia. 22Koosï ngéðøøg kï asïn tetïnðøø goto ãin nõat tit mankõ be, a tetïnd ðøø, na a tøl bïra ngejamosïkadkari tø ho.
23Na ngar'n non lon un køn kï de mad a ne, i kïgo lo ndokumt, a þai aw ðøø kï de'n non, a ngah tøg kïdøt døt. Deg ngãibe a son goat. 24Lon deg a ndïn lom ye, a and kam døningt'n kand nyag kïmaj ngãi tont mbuj kam nusï døningt kï Ejipt, a ða nya'n bøwag ke kaag maði nu ðan al, a keg nya kï þoog ad deg kï ngéndulo goa, kïta a øj ta kamïnt kad kï n'taa kuj ngomdøþeg, nya 'nten a ða nya kaglot kï tëbe.
25A þai kï tøgïn, a ire kamïn ngang kad ndoorïn ngar kïþodo kï koosï ngéðøøg, na ngar kïþodo a þai aw ðøø sia kï bahkad koosï ngéðøøg ngãibe, na ngar kïþodo a asï al, kïta deg a lan tad ber ndoorïna ne. 26Kïtø, deg'n in nat sia, ndï san sia kïðabe la tujïna, na ngar kïdøø a tuþa bahkad koosï ngéðøøg loa, na deg ngãibe a oin. 27Na ngarg kïjoo'n non a san ta tablet kïðabe na kamd a sah døb kïta ða majal kï na koon, tag tube a elïna ye, i tag kïbal. Na takøj lod i kari kïndang kïta døboi nyag a ðen kï kaglon i kï gang kete woi.
28Ngar kïdøø a tel kï døningt lon gog kï nyamajg kïngãibe. Got gog a nda kamïnt kad kï n'ðøø kï deg lo kunkø kïjaþat; a ða kïgo ndigt lon kamla a tel kï døningt lon gog þaitø.
29Kaglon i kï køj kete woi ye, ngar kïdøø a tel ðe gog kam døningt kïþodo, na kaw ðøø loa kïdøboit ye, a i tit kï kïdasa al. 30Kïtø deg kï ko lokukàdt a ðen kï toog kïbo kï Kitim ad Sipïr ðøøn sia, a ndana þoolt, ad a tel kïgog. Taa ne, a þan wong kï tïnga bil kï deg'n Luwah un køn ad'd. Na a nda ron kïðabe nat kï deg'n mbetïn kunkø lo Luwah. 31A la kï koosï ngéðøøg lon, kad yerrïn kï kuj kïjaþat kï kuj ngomdøþe, a øgïn dø kadkari kïlahorrt. A udïn nya kïyerr kï ngenujbe ad ða dõ.
32Ngar î kïþe kï døn kïtakul tag kï to pehpeh kï taat, a ndoo deg kï ngétøi dø kunkø lo Luwah, na deg kï ngéger Luwah lod a ðan loðadt bijir, na a øjïn kadkam lod kï tïga wakïsï. 33Ngényager kïmaj ku degt'n non a ndoon deg ngãibe, na kam kaglot kï tëbe a tølïn kïmad kï kiyaðøø, kï mad horr a hõd, na kï mad a hønd þert, a tirïn nyag lod pur. 34Kaglot'n non i kaglo'n deg dain yod titbe a ne, de kï kad ða sed kï jaraw. Deg ngãibe a ndulon god kïgo lo ndokumt. 35Na kïmadg ku ngényager kïmaj'n non a øin na koi lod a i ta ðob kï tee kïta kad girrdeg lo Luwah telïn kï kar nyang, na kï ðan go ron kïta kaglo kï døboit.
Kïtø nya 'nten a ða nya kaglot kï gang kete woi.
36Ngar'n non a ða kïgo ndigt lon, a tøi ron, a tøi døn kïdõ dø luwahgt tube, a eltag kïbobo ndoorïn Luwah lo luwahgt. Maj a urra kam nyagt tube'n a ða mbã ndøt'n wong kïtalsøkïr lo Luwah a mbagirr. Luwah a tølkon nya'n ndambera kad'n ða. 37A tur go luwahg lo bøwïng al, ke nyandig lo dekïdëg, ke luwah mad kïðang kïta a tøi døn kïdõ dødt tube, 38na a øsïgon luwah mad kï ngeða sia kad taan kuj ngomdøþeg gan goot luwahg'n non, a ad luwah mad'n bøwag gerïna al l'ør kï l'arjã kï medkøsïg kï gatd i ngãi øsïn gon luwah'n non. 39A taa kuj ngomdøþeg kïngang ngãi kïtakul tøg lo luwah mad kïmbah, na deg'n ndigna luwah kï mbah'n non a ne, ngar'n non a tøid kïdõ kï køsïgon. A tel deg'n non ngékõþeg dø degt ngãibe, na a kegd døning nyabajit lod.
40Kaglot kïdøboit, ngar kïþodo a tee kad ðøø kï ngar kïdøø'n non, ngar kïdøø a hura yedeng tit nélbarwãi be, kï pusïðøøg kï ngékal sïndag kï too kïbo kïta kaw ðøøg ngãibe, a andïn kam døninggt kïdangdang, a nda lo gangm na a taa lo tit mankõþe, 41A and kam døningt kïmaj ngãi, ad i døning Israel. A tøl bahkad koosï deg ngãibe, na døning Edom kï døning Moab kï Amoniag ngãibe a teen jiat kø. 42A la jin taan døningg kïdangdang, na døning Ejipt a tee jiat al. 43A tïr nyamajg ad i nya l'ørg kï nya l'arjãg kï nyag kï gatd i ngãi kïkam døning Ejipt't tube ndïdøt, na Libyag kï Etiopiag a død girr tøgt. 44Na hoitag kï ko loþakàdt kï ko døø a ad kama gang man, a tee kï wong kad n'aw'n tø koh deg ngãibe, kï'n nujd kø. 45A ða kujkub lon kïmaj tit kuj kõþe be kïdõ mbïna bahbot kï mbalbo kïjaþat kï kïmaj dum, titbe kaa ne, a tee døngoint, na de mad kï ngeðasia a goto.
BIBLE MBAÏ © 1980 Alliance Biblique du Tchad.