2 Sam 7
7
Luwah un køn ad Dabid
(Oo 1 Hoi 17:1 teen 15)
1Lon ngar ndï kam kujt lon, na Bïraþe ada taakò kïta ug ørra ji madngétaagt tube'n gugïn døa ye, 2ngar el Natan, ngekelta kï ta Luwaht, an: Oo m'ndï kam kujt kï ða kï kag sedïrg, na sund lo Luwah ndï kam kujkubt. 3Natan tur ngar an: Aw i ða nyag tube'n øj kamit kad i ða kïta Bïraþe i nat sei.
4Kam ndøt'n non ta lo Bïraþe ðe ro Natant, an: 5Aw, el þer lom Dabid an: Titbe kel Bïraþe: A i ða kuj kad i londïm a? 6Kïtø ndøt'n m'teen kï Israelag døning Ejipt't kïtïga maði nu mbã þone ye, m'ndï kam kujt mad al, na m'ndïa girr kujkubt kï kujkub londït. 7Kï log tube'n m'ndïat kï Israelag tube ye, m'elta kïða kï ngekõþe mad lo Israel kï m'ndaa mber kad i ngengom deg lom Israel, m'an, kïtøði i ða kuj kag sedïr mad adïm al a? 8Tajigla el þer lom Dabid an: Titbe kel Bïraþe Ngekoosïg: M'uni lo kulnyat go batgt kad in mbaiþe dø degt lom Israel. 9Mî nat sei kï log tube'n i ndiat, m'tø koh madngétaig tube nõit, na m'ad tøi ko tit kï tø kïbog ngéndï døningt. 10M'ad lo deg lom Israel, m'hø njad m'nda ber kad ndïn lom, kad soolïn al, na ngéðamajalg a dan rod ndo tit kïmaði al, 11tit kaglot kï m'nda'n ngégangtag dø degt lom Israel. M'adi taakò kïta m'ug m'ørri ji madngétaigt tube. Na mî Bïraþe m'eli m'an. M'a m'ða kuj m'adi kad koih õþe gootit. 12Lon ndøi asï, na a i to nat kï bøwig a ne, m'a m'nda ngon kami kï ooja ngart, m'a m'ad kõþe loa ða lo ðant bijir. 13I î la a ða kuj kïtatøm ye, na m'a m'ad pong kõþe loa ndï bijir mbãkïnõt. 14M'a mî bøwa, na a i ngonïm. Îla ðagootal a ne, m'a m'nda m'øja kï gølkøp lo deg, kï ndeh nda lo ngan deg tø. 15M'a m'ørr kamkë lom kø roat al tit'n m'ørrïn ro Sawlt kï m'ada goto'n nõit. 16Titbe la kuj (ad i koih kïgoit) kï kõþe loi a ðan ne lo ðant mbãkïnõt, pong kõþe loi a ndï bijir mbãkïnõt. 17Natan ørr hoita nyag'n non tube Dabid kï nyakookamndilt'n non tube tø.
Dabid elta kï Luwah
(Oo 1 Hoi 17:16 teen 27)
18Kamla ngar Dabid aw ndï nõ Bïraþet, na el an: Mî nõ a, Bïraþe Luwah, ngékïþe lom tø in ði kad i unïm mbã i ðe sem nëbe a? 19'Nten i nya kï tëbe takumit, Bïraþe Luwah, i elta lo kuj lo þer loi (ad i kohm kïgomt) kïta kaglo kïngãi kï a ðe, na i ad de ger nyag 'nten a, Bïraþe Luwah? 20Dabid asï keli ta ði døt a? Bïraþe Luwah i ger þer loi. 21I ða nyag kïbobo'n non tube, ad þer loi ger kïta ta loi kï kïgo kamndigt loi. 22Kïtø 'nten la Bïraþe Luwah i kïbo, kïmad kï tit sei goto, luwah mad kïðang goto na î tã, kïgo nyagt tube'n j'oo dø kï mbij. 23Girrdeg kï døningt kï ðah hã in tit kï deg loi, ad i Israelag'n Luwah ðe badød kad telïn deg loa, kad kï tøa ko'n a? Ðà nyag kïbobo kïtootþool kïtad kï kïta døning loi. I tuþa girrdeg kï luwahg lod nõ degt'n i badød Ejipt't. 24I nda deg loi Israel tadang kad in deg loi mbãkïnõt, kamla î Bïraþe î Luwah lod. 25Tajigla Bïraþe Luwah, ta'n el dø þert loi, kï ada to kïðubagt mbãkïnõt, i ða tit'n elïn. 26Kï tøi ko mbãkïnõt. Kï deg elïn anan: Bïraþe. Ngekoosïg i Luwah dø Israel. Kï kuj lo þer loi Dabid (ad i koal kïgoat) ðà bijir nõit. 27Kïtø î kïþe, Bïraþe Ngekoosïg, Luwah lo Israel, î la i tee kï døi kï ro þert loi an: A i ða kuj adïm ad i kohm kïgomt, kïta 'nten la þer loi iren kamïn misï, elïn sei ta 'nten ye. 28Tajigla Bïraþe Luwah, î la î Luwah, tag loi tø in rota, na un køi ad þer loi dø tat kïmaj 'nten. 29Tajigla m'køi kï i ad maj urr kuj lo þer loi (ad i kohm kïgomt) kïtakad ða nõit mbãkïnõt kïta în Bïraþe Luwah elta, na kïtakul majkurr loi koh þer loi a i kï majkurr mbãkïnõt.
BIBLE MBAÏ © 1980 Alliance Biblique du Tchad.