2 Sam 6
6
Dabid sah ðob ðe kï sund kunkø kam Jerusalemt
(Oo 1 Hoi 13:4 teen 14)
1Dabid tel kaw dekïdïngãg kï mbedg lo Israel tube gog. În deg dub dømïta. 2Dabid þai kï deg tube'n in nat sia ko þebot kï Baale kam døning Judat kïtakad kï n'ðen kï sund lo Luwah kï i nu, sund'n a kunïna kï tø Bïraþe Ngekoosïg ngendï mbïna serubgt. 3Ndan sund lo Luwah dø pusï mangt kïkij, teen sia kïtïga kam kujt lo Abinadab kï i dø doorlot. Uja kï Ahjo, ngan Abinadab, a ørrïn pusï mang kïkij'n non. 4Teen sia kïtïga kam kujt lo Abinadab kï i dø doorlot. Uja ndïa kad sundt lo Luwah, na Ahjo ndïa nõ sundt. 5Dabid kï ngékïþe lo Israel tube ðan ronel nõ Bïraþet kï nya kug mujik kïðen kï ðan kï kag sipres kï kïndehg, kï kundg, kï kødg, kï gangg kï gal kï sika. 6Lon ten lo garnda nyakot lo Nakob ye, Uja la jin dø sundt lo Luwah høan, kïta gig ga nja mangg ad ðan lo so. 7Bïraþe þawong kïtïngabil kï Uja, na Luwah tøla lot'n non, kïta ðagootal loa, ad oi kad sundt lo Luwah.
8Wong ða Dabid kïta Bïraþe tøl Uja, na mbã þone kunïn tø lo'n non Tuj tee dø Ujat. 9Dabid þool Bïraþe ndøt'n non, ad el an: M'asï kad m'ad sund lo Bïraþe and kam kujt lom al. 10Dabid ndig kun sund lo Bïraþe kïront kam þebot lon al, na ndaa kam kujt lo Obed Edom kï i de kï Gat. 11Sund lo Bïraþe ndï kam kujt lo Obed Edom kï i de kï Gat, nah mïta, na Bïraþe ad maj urr Obed Edom kï ngékïþe loa tube.
Ðen kï sund kunkø kam Jerusalemt
(Oo 1 Hoi 15:25—16:3)
12Elïn ngar Dabid anan: Bïraþe ad maj urr ngékïþe lo Obed Edom kï nyag loa tube kïta sund lo Luwah. Kamla Dabid aw un sund lo Luwah kam kujt lo Obed Edom, ðen kam þebot lo Dabid kï ronel. 13Lon ngéto sund lo Bïraþe ndan njad kïbojidet ye, a jan kø bøw mang kï ngon mang kadkarit. 14Dabid la kub epod lë ront, ndamïn kïnõ Bïraþet kï tøgïn tube. 15Titbe la Dabid kï ngékïþe lo Israel tube ðen kï sund lo Bïraþe kï ko ronel kï ndï brunjg.
16Lon sund lo Bïraþe and kam þebot lo Dabid, Mikal ngon Sawl kïdë oo lo buro kujt, oo ngar Dabid þai kï ditalg na ndam kïnõ Bïraþet ye, kïda kamïnt. 17Ðen kï sund lo Bïraþe, ndan londïat ngawden kujkubt kï Dabid ad ðan dõ kïtaa, na Dabid la kadkarig kïlahorrt kï kadkarig kïkad kamsøllom kïnõ Bïraþet. 18Lon Dabid tølkon kadkarig kïlahorrt kï kadkarig kïkad kamsøllom ye, njang dø deg kam tø Bïraþe Ngekoosïgt. 19Kamla luþo nyasa deg tube kï koosï Israelag tube kïdïngãg kï kïdëg ad dekïðen bïnã kïða kï ðan sî kï kand nduu kï þa kïnat, na deg tube awïn, dekïðen aw þe lon.
20Dabid tø tel kïta njang dø ngékïþe lon, na Mikal ngon Sawl kïdë tee kï n'ngah Dabid, el an: Køsïgon kï ði i dø ngart kï Israel þone lon tørr kubg lon ront takum þergt kïdë lo ngékïlaþerg lon, tit'n de kïpãbe a tørrïn kub ront kø.
21Dabid tur Mikal an: M'ða ronel nõ Bïraþet'n mbed tøi bøwa kï ngékïþe loa tube kïta ndan mbaiþe dø degt lo Bïraþe, kï kïdø Israelt; kïnõ Bïraþet la n'ndamt ye. 22El tø an: M'am m'søl døm kïtøi'n non þaitø, na mî nya kïpãbe takumïnt mî kïþe, na m'a m'ngah køsïgon ro þergt kïdë kï Mikal ta lod nõ. 23Mikal ngon Sawl kïdë ooj ngon al mbã ndø koia.
BIBLE MBAÏ © 1980 Alliance Biblique du Tchad.