2 Sam 11
11
Dabid ða majal kï ne Uri
1Go þalt kïkij, kaglot'n ngarg awïn ne ðøø ye, Dabid la Joab kï ngékïlaþerg lon nat kï Israelag tube kad nujïn Amoniag. Israelag ngéðøøg lan na gugïn dø þebo kï Raba, na Dabid ndï gog Jerusalem. 2Ndø mad lokïsøle, lon Dabid þai dø tïraþint ye, a ndia dø londït kïdøkuj ngart. Lot'n non oo dekïdë mad ða ndog man. Dekïdë'n non roa maj kïdum.
3Dabid la ndïje ta lo dekïdë'n non, na elïn Dabid anan: I Betseba ngon Eliam kïdë, në Uri kï i Hetia ale? 4Dabid la ngombang kïlag kad ðen sia. Dekïdë and goat, na Dabid to sia. Lon dekïdë ar ron dø yerrt lon ye, tel aw kuj lon gog.
5Dekïdë'n non ndan ngon, na la el Dabid an: N'ndan ngon. 6Kamla Dabid la kïla ro Joabt, an: I la kï Uri kï i Hetia, ada ðe romt. Joab la Uri ada ðe ro Dabidt. 7Lon Uri ðe ro Dabidt ye, Dabid ndïjea ta lo Joab kï hoita lo koosïg kï hoi ðøø tø. 8Kamla Dabid el Uri an: A aw kuju loi, i tugo njai. Uri tee kam kuj ngart kïtïga, na ngar la kï kadkari goat.
9Na Uri to ta kuj ngart nat kï ngékïlaþerg lo ngen tube, aw kam kujt lon al. 10Elïn Dabid anan: Uri aw þe lon al, na Dabid el Uri an: I tel mbaht ale? Kïtøði i ndig kawïn kam kujt loi al a? 11Uri tur Dabid an: Sund kunkø kï Israelag kï Judag ton girr kujkámgt. Ngeem Joab kï ngékïlaþerg lo ngeem høn londï kam mut, na mî, kï m'aw kuju lom kïta sa kï kãin kïta to kï nëm a? Tit'n i ndïn kï døi dõ, na roi i kïkumkajir tø ye, m'a m'ða 'nten al. 12Dabid el Uri an: I ndï ne þone þaitø, na loti m'a m'ad i tel. Uri ndï Jerusalem ndøt'n non kï loti. 13Dabid kuna kï sanya kï ãi nat sen, na Dabid ad kasï ðaa. Lokïsøle Uri tee aw to loþint nat kï ngékïlaþerg lo ngen þaitø. Aw kuj lon al.
14Loti kïsî Dabid ndang maktub lan Uri ro Joabt. 15Ta kïndang kam maktubt i titbe: Awïn kï Uri ta ðøøt kïngang, kamla i tørrïn rosï ko roat kïtakad ðøø tøla.
Koi Uri, ngaw Betseba
16Joab oo ad ngéðøøg utïn þebo, na aw kï Uri lot'n ger kad kïrãðøøg kïngang ngãi in tit. 17Dekïdïngãg kï þebot'n non tee ðøøn kï Joab. Kïmadg ku degt kï ngékïlaþerg lo Dabid son ta ðøøt, tølïn Uri kï i Hetia tø. 18Kamla Joab la kïla ro Dabidt kad ørra hoi nyag tube'n ðan nya lo ðøøt. 19Joab el ngombangkïla an: Lon a ørr hoi nyag tube'n ðan nya lo ðøøt ad ngar oo ye, 20îla ngar þawong ad el an: Kïtøði awïn ne nderrbe kïkad þebot kïta ðøø a? I ger kad deg a ursïn ko kïdõ dø ndogbørrt ale? 21Nõ tøl Abimelek ngon Jerubeset a? I dekïdë hã la bi kur nyako kïdõ dø ndogbørrt døat, ad oi kad þet kï Tébest. Na îla ngar ndïje an: Kïtøði i awïn ne nderrbe kad ndogbørrt a? Kamla a i turïna anan: Ngekïlaþer loi Uri kï Hetia ye oi ho.
22Ngombangkïla aw, na lon tee þe ye, ørr Dabid hoi nyag tube'n Joab laan kad el. 23Ngombangkïla'n non el Dabid an: Deg'n non tøijïn kï tøgd, teen kam mut ðøøn sej, na kï tuþad mbã kï tabit kand kam þebot'n non. 24Kamla ngégã kïrãg urïn kïrãg ko kïdõ dø ndogbørrt tølïn ne kïmadg ku ngékïlaþergt lo ngar. Ngekïlaþer loi Uri kï i Hetia, oi tø. 25Dabid el ngombangkïla an: Titbe la a elïn Joab ye, ot kad nya 'nten õ kami kïta kiyaðøø a tøl de ko nu ho, ko ne ho. I høtøgibá, i ðøø kï þe'n non, i teeta kïber. Na î ngombangkïla, ela ada iðe kamïn mij. 26Na lon në Uri oo kad ngawïn oi ye, hø ndo loa. 27Lon ndø høndo asï woi ye, Dabid la ad ðen sia kuju lon, tela nënt, na ooj ngon kïdïngã kï Dabid. Na nya'n Dabid ða nõ nel Bïraþe al.
BIBLE MBAÏ © 1980 Alliance Biblique du Tchad.