2 Hoi 7
7
Luwah turta kï horr ko dõ.
1Lon Salomõ tïga kelta ye horr ðisï ko kïdõ, so dø kadkari kïlahorrt kï kadkarig na kunj Bïraþe kïðangereng ðoosï kam kuj. 2Ngéjanyamosï asïn kand kuju lo Bïraþe al kïta kunj Bïraþe kïrãngeðeng ðoosï kuj lo Bïraþe. 3Israelag tube oon horr ðisï kï kunj Bïraþe kïðangereng ndï dø kujt ad lan død kïber kï takumd kïningt dø natlot, øsïn gon Bïraþe, ðana mersi anan: Bïraþe i kïmaj, nyaðakïro loa tokïnõt. 4Kamla ngar kï Israelag tube sia lan kadkarig kïjakø nõ Bïraþet. 5Ngar Salomõ la kadkari mangg asï 22000, kï batg asï 120000. Titbe la ngar kï Israelag tube ndan kuj tadang kïta Luwah. 6Ngéjanyamosï ðan lo kïlat lod, Lebiag tø in kï nyakug mujik îgïn ngar Dabid ða kïta ndub'n Bïraþe, kïta køsï pa tøi'n Bïraþe lon Dabid, ndad mber kad ndubïn tø Bïraþe an: nyaðakïro loa tokïnõt. Ngéjanyamosï turïn takumd sumba na, kunïn tow na Israelag tube ðan kï njad dõ. 7Salomõ gang ngawden natlo kïnõ kujt lo Bïraþe tadang kïta la kadkari kï lahorrt, kï mbool dã kadkari kïkad kamsøllom kïta dïngïr ningakasï'n Salomõ ða i kïdu, asï kad la kadkari kïlahorr, kï kadkari nduj, kï mbool dã ho tu al. 8Kaglot'n non Salomõ ða mburnam asï ndø tanãimïta nat kï Israelag tube, koosï ngékawna ngãibe ko lo kand þebot kï Hamat mbã kï bah Ejipt't. 9Dø ndøt kïkõjijoo i kawna kïjaþat kïta ðan mburnam'nda dïngïr køtkokïða asï ndø tanãimïta kamla ðan nah ndø tanãimïta tø. 10Ndø kï kõdøjoo gidaimïta lo nah kïkõtanãimïta nya deg ad telïn kï þe kï ronel kï kamnda kïtø maj kïða'n Bïraþe ða kï Dabid kï Salomõ kï deg lon Israel.
Bïraþe un køn kï Salomõ
11Lon Salomõ tølkon ða kuj lo Bïraþe kï kuj lo ngar na maj urra kam nyagt tube'n nda kamïnt kï n'ða kam kujt lo Bïraþe kï kuj lon ye, 12Bïraþe tee høi kïro Salomõt ndø, ela an: M'oo dø ko loi na m'køt lo in ðan kad i kuj'n kari na a lan kadkarig tit admïn. 13Lon m'a m'ut ta dørã kad ndii ed al, lon m'a m'nda mber kïbetg kï nujïn døning, lon m'a m'la yokoosï ku degt lom, 14îla deg lom'n kunïn tøm dødt sølïn død, kon, sahn takumm na nyan kïlaðad kïmajal a ne, m'a m'oo dø ko kïdõ dørãt, m'a m'nyàgo majal lod, m'a m'yoot døning lod. 15Nëbe kïnõt kumm a tee na mbim a oo dø ko'n kon kam lot'n ðan. 16Tajigla m'køt kuj'n ðan m'ndaa køtkokïða kïtakad tøm i døt mbãkïnõt, kumm kï ngarkamm tu a i døt kïndøgndøg. 17Na î taa, kan i ndia nomt tit'n bøwi Dabid ndia'n, i ða nya kïðen'n m'ndai mbera, îla i ngomgo mberkïndag lom kï tagkïgang lom a ne, 18kamla m'a m'ad pong kõþe loi ndï bijïr tit'n m'unïn køm m'ad bøwi Dabid m'an: A i nal de kïta kõþe dø Israelt al. 19Na îla i tøøn ðob, îla i nyan go mberkïndag lom kï tagkïgang lom îgïn m'ndasï mbera na aw i ðan þer adïn luwahg kïðang, øsïn døsï ber nõdt a ne, 20m'a mørrsï kø døningt lom'n m'adsï, kuj'n ðan in m'ndah køtkokïða kïtatøm ye, m'a m'nyàkø, m'a m'tela nyakid kï nya godøt ku girrdegt tube. 21Kuj'n ðan a tuj, dekïðen'n tøi kadat a ne, roa a ndad na a elïn anan: Kïtøði Bïraþe ða titbe kï døning'n ðan kï kuj'n ðan a? 22Na a turïn anan: Kïtø nyan Bïraþe Luwah lo bøwdg'n tee sed kø døning Ejipt't, taan luwahg kïðang, øsïn død ber nõdt, ðan þer lod. Kïtø 'nten la ad majal 'nten ðen dødt ye.
BIBLE MBAÏ © 1980 Alliance Biblique du Tchad.