Marko 3
3
Yesu djì ndèy dhokpa vêy nì li-rónga Sabato ddù ó
(Mat 12:9-14; Lwk 6:6-11)
1Njàddí Sabato ddù ó Yesu tsùw Yahuddi-ddúw dhí njuwdha-dzà ò ddíyàchú. Fungá tdè ndèy dhokpa vêy nì kpatss̀. 2Farisayo ní kpa jì tdè ì chǔw lò rò ì bbǒw ndanà Yesu. Fú ddiy dhò, ndrǔ dòw dey Yesu nja léy ní ì ley ì thíy ddiy nà, ya à dho bbalè rónga djì ney Sabato ddù ó ddiy. 3Yesu kâ tdrà ndèy dhokpa vêy nì kpatss̀ dhò, “Ngbí nyi ru, ra ingá bbalè nyú djú!” 4Yesu kâ ndrǔ dhiy, “Musa-ngá yǎdha ǔw ŋà Sabato ddù ó mà njěy lǎní ǐngí ngǎjìní ddiy? Ǐngí mà pá bbalè dhí djiy ǐngí mà hwǐ hwìdhaní?” Chú, li rò tdè ngǎ cha ndèy ngù lò nì.
5Yesu njà nga gbrǔ ndrǔ dè thǒw nà ndèymí zòw lòw à ndrǔ dhò, ddiydhò ndrǔ tdè pàka nà. Ndèymí à tdrà fú kpatss̀-ní-li dhò, “Dda nyi dhokpa ónga.” Fú nga nà, à ddâ ndèy dhokpa ónga, ndùw à dhokpa ngû lǎní. 6Fú nga nà, Farisayo ní kpa kâ rà rúgò njuwdha-dzà óddù ndèymí ndrǔ lòw dey tuw mèy pey Herodde Antipas ngá kpa nà, ì hwǐ ndanà Yesu.
Bíy ní bbalè mí njuw rà Yesu dè
7Yesu bbà fú nga ndèymí à rà Galilaya mí ju-ddà tsò rò ndèy kodjú kpa nà. Bíy ní bbalè mí njuw Galilaya óddù nì dyòw ndrǔ. 8Ndrǔ rr̀ tdè cha à dêy njěy nì ddiy ɦuwdjò rò, bíy ní bbalè shì à dè Yuddeya mí ngòw óddù, Yerusalemu ndèymí Idumeya mí ngòw óddù ndèymí Yorddani mí pbèydha ní ju-ddà mí dzi nì nga óddù, Turo ndèymí Sidoni mí ddrǒngó ní bba gitéy ngòw óddù. 9Bbalè mí njuw mí lò dhò, à tdrà ndèy kodjú kpa dhò ndrǔ léy ngǒ déy ney ndèy dhò, ndaní à rŕ bbalè ì pbùdha nà ndèy ró. 10À djì tdè bíy ní bbalè rónga ndèymí fúddiy lêy dhi nà nì bbalè dêy ì djiy Yesu dè, ndaní ì lów à rónga. 11Wá nì nga nà cha ì tdè ì ó che thíy nà nì bbalè njà à mí nga nà, ndrǔ dêy rǎ chěy à nyú djú. Mí che thíy dêy ley ndrǔ dêy swa, “Nyi nì Ddrà mí Ddùwnì!” 12Yesu dêy jǎ klôw nà che thíy dhò nzǐ à tdrǎ ŋá li dhò kpe, áyì ndèy nì ddiy.
Yesu vû dri ndèy djú rwo nà nì dyòw-djá
(Mat 10:1-4; Lwk 6:12-16)
13Fú nga nà, Yesu rà ru ngòw djò. À îy cha ndèy jì nì kpa ndèy dè ndèymí ndrǔ rà à dè. 14À vû dri ndèy djú rwo nà nì kpa, à îy ndrǔ dyòw-djá ní. À kâ tdrà ndrǔ dhò, “Ma vû nyì, nyì déy ma nà. Ma ddí rà nyì cho rúgò nyì rǎ Hwî mí Lò-ɦéy tdrà, 15ndèymí nyì rà tdè klôw nà che thíy dìydha mî.”
16Í nì bbalè dri ndèy djú rwo nà nì cha à vû nì,
Simoni, cha à îy tdè Petro ní nì,
17Yakobbo cha ndèy tdè Zibiddayo mí ddùwnì ndèymí djûnì Yohana nà Yesu îy ndrǔ Boanege ní, mí lò-tey nì, “Vò ngá nzòw,”
18Anderiya, Filipo, Batolomayo, Matayo, Tomasi, Yakobbo Alifayo mí ddùwnì, Tadawo,
Simoni cha ka îy tdè Zelote#3:18 Zelote. Griki ló nà ka îy tdè Kananayo ní. Zelote ndèymí Kananayo mí lò-tey nì, cha ndèy nì jǐ ìdhí bbá ngòw déy ngádha ní Roma mí pey nyùdha róddù nì li. ní nì, 19ndèymí Yudda Iskariyota, cha lùw tey ndèy bbû tdè Yesu dhotèy ndrò-djá dhokpa ò nì.
Musa-ngá yǎdha mí li-gwíydha-djá tdrà Yesu mí klôw shì Setani dèddù
(Mat 12:22-32; Lwk 11:14-23)
20Yesu kâ rà bba kàò ndèymí bíy ní bbalè mí njuw, njûw ì ddíyàchú. Yesu ndèy kodjú kpa nà tdè ngǎ nga rò ní, nyû nyùdha mî. 21À màdhí-ngá ndrǔ rr̀ fú lò ro, ndrǔ rà ndaní ì lǒw à ndèymí ì mbǎ à nga gi djò, ddiydhò bbalè dêy tdrǎ, “À djùkpa ónga sà ndey sàdha ní.”
22Musa-ngá yǎdha mí li-gwíydha-djá rò cha ì shì tdè Yerusalemu óddù nì dêy tdrǎ, “Yesu nì Belzebuli#3:22 Belzebuli. Í nì njàddí dho Setani ró nì. nà ndèy ò! À nì Belzebuli che thíy dhí li-djùkpa ddàdha-dja cha ndèy bbú nì klôw Yesu dho, à ddá nì ndanà ndrǔ nì.”
23Yesu kâ ndrǔ iy ndèy dè ndèymí à kâ lò tdrà ndrǔ dhò lò-ngbòdha nà, “Setani dhó Setani dìy ŋǎchú? 24Ya ngòw ónga ndò ndèy ì kàó la nà, fú ngòw dho dèy nzǐ. 25Ya ddì nì dza ó bbalè ndò ì la nà ì kàó, fú dza dho dèy nzǐ. 26Fú ddiy dhò, ya Setani ngá pey-mí-nga ónga ndò ndèy, à dho dèy nzǐ, chú à rà chèy ndèymí tsònì rà tdow.
27“Li rò nì ngǎ cha ndèy dho tsùw klǒw ní li ngà dzá ndèymí à dho ddiy tdùw, pbǔw ya nji nzá à chèy fú klǒw ní li ní, funìchú à dho ddiy tdùw.
28“Manì nyì dhò dìchú ní lò tdrǎ, bbalè dhí cherr wá ka dho bbà ndèymí wánì ngǎjìní lò nà cha ndrǔ tdrà nì. 29Chú, ya ndèy tdrà ngǎjìní lò Ddrà mí Bblǒ Thíy ró nì li, Ddrà rà bbà fú li dhò nzǐ, ddiydhò ndru-tey ró nì ngǎjìní nga fú cherr mî rà dey fú li djú.” 30Yesu tdrà í lò, ddiydhò njàddí ndrǔ dêy tdrǎ, “À nì che thíy nà ndèy ò.”
Yesu mí yânì ndèymí djúní nà
(Mat 12:46-50; Lwk 8:19-21)
31Yesu mí yânì ndèymí djúní nà kâ shì. Ndrǔ dèy rúgó ndèymí ndrǔ chô li rò rǎ Yesu iy. 32Bíy ní bbalè mí njuw dòw tdè Yesu ròluw gbrǔ ndèymí ndrǔ tdrà à dhò, “Yâ-nyi, djú-nyí, ndèymí ví-nyí mà nì rúgò, ndrǔ nì nyi měy.”
33Yesu ngù lò, “Áyì ní ndey màtsá yânì ndèymí màtsá djúní nà?” 34À njà cha ì dòw ndèy ròluw nì bbalè, à kâ tdrà, “Nja, í nì màtsá yânì ndèymí màtsá djúní nà! 35Cha ndèy nì Ddrà jì nì ddiy njěy nì li, nì màtsá djûnì, màtsá vînì ndèymí màtsá yânì.”
Currently Selected:
Marko 3: NDRULO
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
Marko 3
3
Yesu djì ndèy dhokpa vêy nì li-rónga Sabato ddù ó
(Mat 12:9-14; Lwk 6:6-11)
1Njàddí Sabato ddù ó Yesu tsùw Yahuddi-ddúw dhí njuwdha-dzà ò ddíyàchú. Fungá tdè ndèy dhokpa vêy nì kpatss̀. 2Farisayo ní kpa jì tdè ì chǔw lò rò ì bbǒw ndanà Yesu. Fú ddiy dhò, ndrǔ dòw dey Yesu nja léy ní ì ley ì thíy ddiy nà, ya à dho bbalè rónga djì ney Sabato ddù ó ddiy. 3Yesu kâ tdrà ndèy dhokpa vêy nì kpatss̀ dhò, “Ngbí nyi ru, ra ingá bbalè nyú djú!” 4Yesu kâ ndrǔ dhiy, “Musa-ngá yǎdha ǔw ŋà Sabato ddù ó mà njěy lǎní ǐngí ngǎjìní ddiy? Ǐngí mà pá bbalè dhí djiy ǐngí mà hwǐ hwìdhaní?” Chú, li rò tdè ngǎ cha ndèy ngù lò nì.
5Yesu njà nga gbrǔ ndrǔ dè thǒw nà ndèymí zòw lòw à ndrǔ dhò, ddiydhò ndrǔ tdè pàka nà. Ndèymí à tdrà fú kpatss̀-ní-li dhò, “Dda nyi dhokpa ónga.” Fú nga nà, à ddâ ndèy dhokpa ónga, ndùw à dhokpa ngû lǎní. 6Fú nga nà, Farisayo ní kpa kâ rà rúgò njuwdha-dzà óddù ndèymí ndrǔ lòw dey tuw mèy pey Herodde Antipas ngá kpa nà, ì hwǐ ndanà Yesu.
Bíy ní bbalè mí njuw rà Yesu dè
7Yesu bbà fú nga ndèymí à rà Galilaya mí ju-ddà tsò rò ndèy kodjú kpa nà. Bíy ní bbalè mí njuw Galilaya óddù nì dyòw ndrǔ. 8Ndrǔ rr̀ tdè cha à dêy njěy nì ddiy ɦuwdjò rò, bíy ní bbalè shì à dè Yuddeya mí ngòw óddù, Yerusalemu ndèymí Idumeya mí ngòw óddù ndèymí Yorddani mí pbèydha ní ju-ddà mí dzi nì nga óddù, Turo ndèymí Sidoni mí ddrǒngó ní bba gitéy ngòw óddù. 9Bbalè mí njuw mí lò dhò, à tdrà ndèy kodjú kpa dhò ndrǔ léy ngǒ déy ney ndèy dhò, ndaní à rŕ bbalè ì pbùdha nà ndèy ró. 10À djì tdè bíy ní bbalè rónga ndèymí fúddiy lêy dhi nà nì bbalè dêy ì djiy Yesu dè, ndaní ì lów à rónga. 11Wá nì nga nà cha ì tdè ì ó che thíy nà nì bbalè njà à mí nga nà, ndrǔ dêy rǎ chěy à nyú djú. Mí che thíy dêy ley ndrǔ dêy swa, “Nyi nì Ddrà mí Ddùwnì!” 12Yesu dêy jǎ klôw nà che thíy dhò nzǐ à tdrǎ ŋá li dhò kpe, áyì ndèy nì ddiy.
Yesu vû dri ndèy djú rwo nà nì dyòw-djá
(Mat 10:1-4; Lwk 6:12-16)
13Fú nga nà, Yesu rà ru ngòw djò. À îy cha ndèy jì nì kpa ndèy dè ndèymí ndrǔ rà à dè. 14À vû dri ndèy djú rwo nà nì kpa, à îy ndrǔ dyòw-djá ní. À kâ tdrà ndrǔ dhò, “Ma vû nyì, nyì déy ma nà. Ma ddí rà nyì cho rúgò nyì rǎ Hwî mí Lò-ɦéy tdrà, 15ndèymí nyì rà tdè klôw nà che thíy dìydha mî.”
16Í nì bbalè dri ndèy djú rwo nà nì cha à vû nì,
Simoni, cha à îy tdè Petro ní nì,
17Yakobbo cha ndèy tdè Zibiddayo mí ddùwnì ndèymí djûnì Yohana nà Yesu îy ndrǔ Boanege ní, mí lò-tey nì, “Vò ngá nzòw,”
18Anderiya, Filipo, Batolomayo, Matayo, Tomasi, Yakobbo Alifayo mí ddùwnì, Tadawo,
Simoni cha ka îy tdè Zelote#3:18 Zelote. Griki ló nà ka îy tdè Kananayo ní. Zelote ndèymí Kananayo mí lò-tey nì, cha ndèy nì jǐ ìdhí bbá ngòw déy ngádha ní Roma mí pey nyùdha róddù nì li. ní nì, 19ndèymí Yudda Iskariyota, cha lùw tey ndèy bbû tdè Yesu dhotèy ndrò-djá dhokpa ò nì.
Musa-ngá yǎdha mí li-gwíydha-djá tdrà Yesu mí klôw shì Setani dèddù
(Mat 12:22-32; Lwk 11:14-23)
20Yesu kâ rà bba kàò ndèymí bíy ní bbalè mí njuw, njûw ì ddíyàchú. Yesu ndèy kodjú kpa nà tdè ngǎ nga rò ní, nyû nyùdha mî. 21À màdhí-ngá ndrǔ rr̀ fú lò ro, ndrǔ rà ndaní ì lǒw à ndèymí ì mbǎ à nga gi djò, ddiydhò bbalè dêy tdrǎ, “À djùkpa ónga sà ndey sàdha ní.”
22Musa-ngá yǎdha mí li-gwíydha-djá rò cha ì shì tdè Yerusalemu óddù nì dêy tdrǎ, “Yesu nì Belzebuli#3:22 Belzebuli. Í nì njàddí dho Setani ró nì. nà ndèy ò! À nì Belzebuli che thíy dhí li-djùkpa ddàdha-dja cha ndèy bbú nì klôw Yesu dho, à ddá nì ndanà ndrǔ nì.”
23Yesu kâ ndrǔ iy ndèy dè ndèymí à kâ lò tdrà ndrǔ dhò lò-ngbòdha nà, “Setani dhó Setani dìy ŋǎchú? 24Ya ngòw ónga ndò ndèy ì kàó la nà, fú ngòw dho dèy nzǐ. 25Ya ddì nì dza ó bbalè ndò ì la nà ì kàó, fú dza dho dèy nzǐ. 26Fú ddiy dhò, ya Setani ngá pey-mí-nga ónga ndò ndèy, à dho dèy nzǐ, chú à rà chèy ndèymí tsònì rà tdow.
27“Li rò nì ngǎ cha ndèy dho tsùw klǒw ní li ngà dzá ndèymí à dho ddiy tdùw, pbǔw ya nji nzá à chèy fú klǒw ní li ní, funìchú à dho ddiy tdùw.
28“Manì nyì dhò dìchú ní lò tdrǎ, bbalè dhí cherr wá ka dho bbà ndèymí wánì ngǎjìní lò nà cha ndrǔ tdrà nì. 29Chú, ya ndèy tdrà ngǎjìní lò Ddrà mí Bblǒ Thíy ró nì li, Ddrà rà bbà fú li dhò nzǐ, ddiydhò ndru-tey ró nì ngǎjìní nga fú cherr mî rà dey fú li djú.” 30Yesu tdrà í lò, ddiydhò njàddí ndrǔ dêy tdrǎ, “À nì che thíy nà ndèy ò.”
Yesu mí yânì ndèymí djúní nà
(Mat 12:46-50; Lwk 8:19-21)
31Yesu mí yânì ndèymí djúní nà kâ shì. Ndrǔ dèy rúgó ndèymí ndrǔ chô li rò rǎ Yesu iy. 32Bíy ní bbalè mí njuw dòw tdè Yesu ròluw gbrǔ ndèymí ndrǔ tdrà à dhò, “Yâ-nyi, djú-nyí, ndèymí ví-nyí mà nì rúgò, ndrǔ nì nyi měy.”
33Yesu ngù lò, “Áyì ní ndey màtsá yânì ndèymí màtsá djúní nà?” 34À njà cha ì dòw ndèy ròluw nì bbalè, à kâ tdrà, “Nja, í nì màtsá yânì ndèymí màtsá djúní nà! 35Cha ndèy nì Ddrà jì nì ddiy njěy nì li, nì màtsá djûnì, màtsá vînì ndèymí màtsá yânì.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved