Marko 2
2
Yesu djì ndèy tey dhì nì li-rónga
(Mat 9:1-8; Lwk 5:17-26)
1Drá ní ddu dzzdjú, Yesu tsùw tdè Kapernawumu mí ddrǒngó ní bba ò ddíyàchú ro, bbalè rr̀ à ngû ŋà bbakà ò. 2Fú ddiy dhò, bíy ní bbalè njûw ì, à lêy tuw tdè ngǎ dza ó ǐngí dzá-tsò djú. À gwîy Ddrà mí lò ndrǔ dhò. 3Yesu tdè bbalè gwiy mí nga nà, bbalè tho nì shì ì tdûw nzǐ ndèy nì bbiy nì li ɦíydha mí ddiy djú, ndrǔ mbà à Yesu dè. 4Chú bíy ní bbalè mí lò dho ndrǔ dho shì nzǐ Yesu dè. Ndrǔ wî tdè dza djùkpa#2:4 Dza djùkpa. Yahuddi-ddúw dhí ngòw ó dza djùkpa tdè kpìy. Màddálá ka dêy ley rúgò luw dza djò djèydha mî. Mí dza djúnga ka dêy bru dziylíy nà. ónga ru ddù déy Yesu djú ndèymí ndrǔ kâ nzǐ ndèy nì bbiy nì kpatss̀ thu bbi ɦíydha mí ddiy djú. 5Yesu njà ndrǔdhí ùwdha ro, à kâ tdrà dhi nà nì li dhò, “Màtsá ddùwnì, nyìmí cherr bbà ndèy ŋà.”
6Njàddí Musa-ngá yǎdha mí li-gwíydha-djá dòw tdè fungá. Ndrǔ lòw dey lò ddey ì thíy ò ìníddù, 7“Ddudhò í kpatss̀ ní ǐchú nì ddiy tdrǎ? À nì lò tdrǎ gbè ndèy nì Ddrà níchú! Ddrà chúddì dho cherr bbà.”
8Ndùw, Yesu tsì ndrǔ nì ddey ì thíy ò nì ddiy, ndèymí à tdrà, “Ddudhò nyì ní fǔchú nì lò ddey nyì thíy ò? 9Ŋá nì ní ndey zěy tdràdha nà ndèy-rónga dhì nì li dhò, ‘Nyìmí cherr bbà ndèy,’ ǐngí tdràdha nà, ‘Ngbí nyi ru! Tdúw nyìmí ɦíydha mí ddiy ndèymí nyi bbíy’? 10Chú ma rà dhò nyì dhò, ma Ndrǔ-Ddùw nì klôw nà í dziylíy djú cherr bbàdha mî.” Yesu kâ tdrà ndèy-rónga dhì nì li dhò, 11“Ngbí nyi ru, tdúw nyìmí ɦíydha mí ddiy ndèymí ngú bbakà ò.” 12À ngbîy ndèy ru, à tdûw ndèymí ɦíydha mí ddiy, à ngû ndèy bbâ, wánì bbalè nyú djú. Fú ddiy lêy bbalè ónga ꞌwìy wá, ndèymí ndrǔ mâ Ddrà, tdràdha nà, “Mà njà děy nzá ǐchú nì ddiy!”
Yesu îy tdè Lawi à dyǒw ndèy
(Mat 9:9-13; Lwk 5:27-32)
13Yesu rà Galilaya mí ju-ddà tsò rò ddíyàchú. Bíy ní bbalè njûw ì à ròluw ndèymí à gwîy ndrǔ. 14À tdè bbiy ju-ddà tsò rò luw ro, à kâ Lawi njà, Alifayo mí ddùwnì, à dòw mùsórò njúwdha mí nga ó. À kâ tdrà à dho, “Dyow ma!” Lawi ngbîy ndèy ndèymí à dyòw Yesu.
15Fú ddiy-dzzdjú, Yesu mà ndèy kodjú kpa nà tdè nga nyǔ Lawi ngà dzá. Bíy ní mùsórò njúwdha-djá ndèymí njàddí bbalè cha ka îy tdè cherr-djá ní nì ddí, dêy Yesu dyǒw ndèymí bíy ní ndrǔ tdè lu ní Yesu mànà nyû tsò ró. 16Musa-ngá yǎdha mí li-gwíydha-djá cha ì tdè Farisayo ní kpa ní nì, njà Yesu nì nga nyǔ ddìngaó cherr-djá ndèymí mùsórò njúwdha-djá nà. Fú ddiy dhò ndrǔ dhîy à kodjú kpa, “Ddudhò à nyu ní nga ddìngaó mùsórò njúwdha-djá ndèymí cherr-djá nà?” 17Yesu rr̀ fú lò ro, à kâ tdrà ndrǔ dhò, “Ì rónga nì lǎní nì ndrǔ mey nì li-rónga djìdha-dja nzǐ, chú ì rónga nì dhi nà nì ndrǔ mey nì ndey li-rónga djìdha-dja. Ma rà ngǎ cha ì nì ddey ì nì chǒw ní nì bbalè iy, chú ì tsì ì nì cherr-djá ní nì.”
Yesu mí tdeynì ní lò-gwíydha jì ndèymí ndruní nì nà
(Mat 9:14-17; Lwk 5:33-39)
18Yohana Bàtízò bbúdha-dja kodjú kpa ndèymí Farisayo ní kpa nà dêy wánì nganà, Ddrà nzz̀dha mí nyû bbǎ. Njàddí bbalè rò shì ndèymí ndrǔ dhîy Yesu, “Ddudhò, Yohana kodjú kpa ndèymí Farisayo ní kpa bba ní nyû Ddrà nzz̀dha dhò, chú nyi kodjú kpa njey ní nzǐ?”
19Yesu ngù lò, “Nyì ní ddey cha ka îy ków mí madha ò nì lu dhó dey ney nyû bbàdha nà, ya děy ney sǐngba mí kpatss̀ nì ndrǔ nà ro? Nzǐ! 20Chú, ddu rà shì ney, cha ka rà ndanà sǐngba mí kpatss̀ tduw fú ndrǔ kà-óddù mî, fú ddu ó chú ndrǔ rà dey ngǎ nyû nyùdha ní.
21“Li rò nì ngǎ cha ndèy tów nì rù ɦèy ónga rù tdey nà. Ya à njèy fǔchú, rù tdey rà rù ɦèy tha ndèymí à rà ndèy tha ngǎjìní drǒ. 22Li rò nì ngǎ cha ndèy dho nyàrŕsà ní wa ley ndruní nì wa zźdha mí sàwu ò. Ya à njey ro, fú wa zźdha mí sàwu ónga rà ndèy tha, fú wa rà ndèy tdiy wá ndèymí mí wa zźdha mí sàwu rà ndèy sà. Tdeynì ní wa ka ddu nì tdeynì ní wa zźdha mí sàwu ò.”
Yesu nì Sabato ddù djú Ddrǒngóli
(Mat 12:1-8; Lwk 6:1-5)
23Ddì nì Sabato ddù ó, Yesu mà ndèy kodjú kpa nà dêy dǎ nyû nzà ò luw. À kodjú kpa dêy nyû-tsi tdey ì nì dǎ nza òluw ro. 24Farisayo ní kpa dhîy Yesu. Ndrǔ tdrà, “Nja, nyi kodjú kpa nì dhǐy njěy Sabato ddù ó. Musa-ngá yǎdha ùw fú ddiy nzá!”#2:24 Ngbídha 20:8-11, 34:21; Yǎdha 5:12-15.
25Yesu ngù lò, “Nyì zǒw nzá Dawuddi njèy tdè nì ddiy cha à nděyngá kpa nà ɦùw tdè njěy ro? 26Abiyatar tdè Ddrǎ-ngá dyǎ-djá djú ddrǒngóli ro, Dawuddi tsùw Ddrà-dzà ò. À nyù tdè mùkátì cha ka bbû tdè Ddrà dho nì, ndèymí à bbû ddí romà nděyngá kpa dhò.#2:26 1 Samueli 21:1-6. Chú Musa-ngá yǎdha ùw tdè nzá ndrǔ dhò ndrǔ nyǔ ní. À ùw tdè ndèy Ddrǎ-ngá dyǎ-djá dhò chúddì.”#2:26 Lawi 24:5-9.
27Yesu tdyâ nděyngá lò-tsò, “Sabato ddù ka lêy bbalè dhò, ngǎ bbalè Sabato ddù dhò. 28Fú ddiy dhò, ma Ndrǔ-Ddùw nì Sabato ddù djú Ddrǒngóli.”
Currently Selected:
Marko 2: NDRULO
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
Marko 2
2
Yesu djì ndèy tey dhì nì li-rónga
(Mat 9:1-8; Lwk 5:17-26)
1Drá ní ddu dzzdjú, Yesu tsùw tdè Kapernawumu mí ddrǒngó ní bba ò ddíyàchú ro, bbalè rr̀ à ngû ŋà bbakà ò. 2Fú ddiy dhò, bíy ní bbalè njûw ì, à lêy tuw tdè ngǎ dza ó ǐngí dzá-tsò djú. À gwîy Ddrà mí lò ndrǔ dhò. 3Yesu tdè bbalè gwiy mí nga nà, bbalè tho nì shì ì tdûw nzǐ ndèy nì bbiy nì li ɦíydha mí ddiy djú, ndrǔ mbà à Yesu dè. 4Chú bíy ní bbalè mí lò dho ndrǔ dho shì nzǐ Yesu dè. Ndrǔ wî tdè dza djùkpa#2:4 Dza djùkpa. Yahuddi-ddúw dhí ngòw ó dza djùkpa tdè kpìy. Màddálá ka dêy ley rúgò luw dza djò djèydha mî. Mí dza djúnga ka dêy bru dziylíy nà. ónga ru ddù déy Yesu djú ndèymí ndrǔ kâ nzǐ ndèy nì bbiy nì kpatss̀ thu bbi ɦíydha mí ddiy djú. 5Yesu njà ndrǔdhí ùwdha ro, à kâ tdrà dhi nà nì li dhò, “Màtsá ddùwnì, nyìmí cherr bbà ndèy ŋà.”
6Njàddí Musa-ngá yǎdha mí li-gwíydha-djá dòw tdè fungá. Ndrǔ lòw dey lò ddey ì thíy ò ìníddù, 7“Ddudhò í kpatss̀ ní ǐchú nì ddiy tdrǎ? À nì lò tdrǎ gbè ndèy nì Ddrà níchú! Ddrà chúddì dho cherr bbà.”
8Ndùw, Yesu tsì ndrǔ nì ddey ì thíy ò nì ddiy, ndèymí à tdrà, “Ddudhò nyì ní fǔchú nì lò ddey nyì thíy ò? 9Ŋá nì ní ndey zěy tdràdha nà ndèy-rónga dhì nì li dhò, ‘Nyìmí cherr bbà ndèy,’ ǐngí tdràdha nà, ‘Ngbí nyi ru! Tdúw nyìmí ɦíydha mí ddiy ndèymí nyi bbíy’? 10Chú ma rà dhò nyì dhò, ma Ndrǔ-Ddùw nì klôw nà í dziylíy djú cherr bbàdha mî.” Yesu kâ tdrà ndèy-rónga dhì nì li dhò, 11“Ngbí nyi ru, tdúw nyìmí ɦíydha mí ddiy ndèymí ngú bbakà ò.” 12À ngbîy ndèy ru, à tdûw ndèymí ɦíydha mí ddiy, à ngû ndèy bbâ, wánì bbalè nyú djú. Fú ddiy lêy bbalè ónga ꞌwìy wá, ndèymí ndrǔ mâ Ddrà, tdràdha nà, “Mà njà děy nzá ǐchú nì ddiy!”
Yesu îy tdè Lawi à dyǒw ndèy
(Mat 9:9-13; Lwk 5:27-32)
13Yesu rà Galilaya mí ju-ddà tsò rò ddíyàchú. Bíy ní bbalè njûw ì à ròluw ndèymí à gwîy ndrǔ. 14À tdè bbiy ju-ddà tsò rò luw ro, à kâ Lawi njà, Alifayo mí ddùwnì, à dòw mùsórò njúwdha mí nga ó. À kâ tdrà à dho, “Dyow ma!” Lawi ngbîy ndèy ndèymí à dyòw Yesu.
15Fú ddiy-dzzdjú, Yesu mà ndèy kodjú kpa nà tdè nga nyǔ Lawi ngà dzá. Bíy ní mùsórò njúwdha-djá ndèymí njàddí bbalè cha ka îy tdè cherr-djá ní nì ddí, dêy Yesu dyǒw ndèymí bíy ní ndrǔ tdè lu ní Yesu mànà nyû tsò ró. 16Musa-ngá yǎdha mí li-gwíydha-djá cha ì tdè Farisayo ní kpa ní nì, njà Yesu nì nga nyǔ ddìngaó cherr-djá ndèymí mùsórò njúwdha-djá nà. Fú ddiy dhò ndrǔ dhîy à kodjú kpa, “Ddudhò à nyu ní nga ddìngaó mùsórò njúwdha-djá ndèymí cherr-djá nà?” 17Yesu rr̀ fú lò ro, à kâ tdrà ndrǔ dhò, “Ì rónga nì lǎní nì ndrǔ mey nì li-rónga djìdha-dja nzǐ, chú ì rónga nì dhi nà nì ndrǔ mey nì ndey li-rónga djìdha-dja. Ma rà ngǎ cha ì nì ddey ì nì chǒw ní nì bbalè iy, chú ì tsì ì nì cherr-djá ní nì.”
Yesu mí tdeynì ní lò-gwíydha jì ndèymí ndruní nì nà
(Mat 9:14-17; Lwk 5:33-39)
18Yohana Bàtízò bbúdha-dja kodjú kpa ndèymí Farisayo ní kpa nà dêy wánì nganà, Ddrà nzz̀dha mí nyû bbǎ. Njàddí bbalè rò shì ndèymí ndrǔ dhîy Yesu, “Ddudhò, Yohana kodjú kpa ndèymí Farisayo ní kpa bba ní nyû Ddrà nzz̀dha dhò, chú nyi kodjú kpa njey ní nzǐ?”
19Yesu ngù lò, “Nyì ní ddey cha ka îy ków mí madha ò nì lu dhó dey ney nyû bbàdha nà, ya děy ney sǐngba mí kpatss̀ nì ndrǔ nà ro? Nzǐ! 20Chú, ddu rà shì ney, cha ka rà ndanà sǐngba mí kpatss̀ tduw fú ndrǔ kà-óddù mî, fú ddu ó chú ndrǔ rà dey ngǎ nyû nyùdha ní.
21“Li rò nì ngǎ cha ndèy tów nì rù ɦèy ónga rù tdey nà. Ya à njèy fǔchú, rù tdey rà rù ɦèy tha ndèymí à rà ndèy tha ngǎjìní drǒ. 22Li rò nì ngǎ cha ndèy dho nyàrŕsà ní wa ley ndruní nì wa zźdha mí sàwu ò. Ya à njey ro, fú wa zźdha mí sàwu ónga rà ndèy tha, fú wa rà ndèy tdiy wá ndèymí mí wa zźdha mí sàwu rà ndèy sà. Tdeynì ní wa ka ddu nì tdeynì ní wa zźdha mí sàwu ò.”
Yesu nì Sabato ddù djú Ddrǒngóli
(Mat 12:1-8; Lwk 6:1-5)
23Ddì nì Sabato ddù ó, Yesu mà ndèy kodjú kpa nà dêy dǎ nyû nzà ò luw. À kodjú kpa dêy nyû-tsi tdey ì nì dǎ nza òluw ro. 24Farisayo ní kpa dhîy Yesu. Ndrǔ tdrà, “Nja, nyi kodjú kpa nì dhǐy njěy Sabato ddù ó. Musa-ngá yǎdha ùw fú ddiy nzá!”#2:24 Ngbídha 20:8-11, 34:21; Yǎdha 5:12-15.
25Yesu ngù lò, “Nyì zǒw nzá Dawuddi njèy tdè nì ddiy cha à nděyngá kpa nà ɦùw tdè njěy ro? 26Abiyatar tdè Ddrǎ-ngá dyǎ-djá djú ddrǒngóli ro, Dawuddi tsùw Ddrà-dzà ò. À nyù tdè mùkátì cha ka bbû tdè Ddrà dho nì, ndèymí à bbû ddí romà nděyngá kpa dhò.#2:26 1 Samueli 21:1-6. Chú Musa-ngá yǎdha ùw tdè nzá ndrǔ dhò ndrǔ nyǔ ní. À ùw tdè ndèy Ddrǎ-ngá dyǎ-djá dhò chúddì.”#2:26 Lawi 24:5-9.
27Yesu tdyâ nděyngá lò-tsò, “Sabato ddù ka lêy bbalè dhò, ngǎ bbalè Sabato ddù dhò. 28Fú ddiy dhò, ma Ndrǔ-Ddùw nì Sabato ddù djú Ddrǒngóli.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved