Marko 4
4
Lò-ngbòdha nyû-tsi ɦìydha-dja ró
(Mat 13:1-9; Lwk 8:4-8)
1Yesu lòw dey Ddrà mí lò gwiy Galilaya mí ju-ddà tsò ròluw ddíyàchú. Ì njûw tdè ì à ròluw nì bbalè tdè bíy drǒ, fú ddiy lêy à djî ngǒ ò ndèymí à kâ dòw ǒmá. Ngǒ tdè dda ó ndèymí bbalè mí njuw dèy tdè dda tsò ròluw. 2À gwîy ndrǔ bíy ní ddiy nà lò-ngbódha nà ndèymí àmí li-gwíydha ó, à tdrà, 3“Nyì rr! Nza bbìydha-dja rà nyû-tsi ɦìy nděyngá nza ò. 4À tdè nyû-tsi ɦěy ro, njàddí nyû-tsi rò chêy tuw gitéy, rì-kpà shì, ndrǔ chò mí nyû-tsi. 5Njàddí chêy djuw nà nì dziylíy ó, cha dziylíy tdè drá mí nga ó. À ngà zěy-zěy, ddiydhò dziylíy tdè ngǎ kpliy. 6Chú itsś kâ tdè ro, à bêy fú ndèy ngà nì nyû-tsi, ddiydhò dheynì tsùw tdè nzá kpliy dziylíy ò. Mí nyû-tsi kâ ꞌwìy. 7Njàddí nyû-tsi chêy tsǎléy kàó. Fú tsǎléy kâ dhìy ddìngaó fú nyû-tsi nà ro, à kâ fú nyû-tsi hì-tsò chèy. Fú ddiy dhò à ꞌwò ndèy tsi nzá. 8Chú, njàddí nyû-tsi chêy tdè lǎní dziylíy ó. Fú nyû-tsi ngà ro, à ꞌwò ndèy tsi, drì-drínga gbow, njàddí drì-drínga za, ǐngí dàkì ddì.”
9Yesu tèy fú lò ddiy-dzzdjú, à kâ tdrà, “Cha ndèy nì ndèy gi nà nì li, bba à rř!”
Yesu dhò ddudhò ndèy gwíy nì bbalè lò-ngbódha nà mí lò-tey
(Mat 13:10-17; Lwk 8:9,10)
10Yesu mà tdè ddǐ-ddi ní ro, à kodjú dri ndèy djú rwo nà nì kpa ndèymí njàddí bbalè cha ì tdè a dyǒw nì, kâ lò-ngbòdha tey dhiy Yesu-tsò ró. 11Yesu ngù lò, “Ddrà mí pey-mí-nga mí rùdha ní lò-tsìdha bbû ndèy nyì dho. Chú njàddí ndrǔ cha ì nì rúgó nì, ddiy wánì tdra nì ndèy ndrǔ dhò lò-ngbòdha òluw, 12ndaní,
“‘ndrǔ dho njà,
chú ndrǔ dho rǒmá lò tsì nzǐ,
ndrǔ dho rr̀,
chú ndrǔ rà tsì nzǐ.
Ya ndrǔ tsǐ tdè ro, ndrǔ dho ì li Ddrà dè,
ndèymí à dho bbà ndrǔ dhò!’#4:12 Isaya 6:9-10.”
Yesu klô nyû-tsi ɦìydha-dja mí lò-ngbòdha tey
(Mat 13:18-23; Lwk 8:11-15)
13Yesu kâ tdrà ndrǔ dhò, “Nyì tsǐ nzá í lò-ngbòdha tey? Nyì rá njàddí lò-ngbódha tey tsì ŋǎchú? 14Nyû-tsi ɦìydha-dja ɦìy Ddrà mí lò-ɦéy. 15Tuw gitéy ndèy chêy nì nyû-tsi nì, ì rr nì lò-ɦéy nì ndrǔ níchú. Chú, Setani shi nì ddìngà nà ndèymí à ddá nì mí lò gu ndrǔ dèddù. 16Djuw ní nga djú ndèy chêy nì nyû-tsi nì, ì rr nì lò-ɦéy ndèymí ndrǔ uw nì zěy-zěy ì ró ꞌwíy nì nà nì ndrǔ níchú. 17Chú mí lò tsuw nì nzǐ kpliy ndrǔ thíy ò ndèymí ndrǔ uw nì drá nì nga dhò. Ya ngǎjìní lò ǐngí nzadha shì ndrǔ ró mí lò-ɦéy dhò, à léy nì ndrǔ thíy ddá nì ndèy ndùw rǒmá ddù. 18Tsǎléy kàó ndèy chêy nì nyû-tsi nì ddí, ì rr nì lò-ɦéy nì bbalè níchú. 19Chú í dziylíy djú déydha mí tdótdò ndèymí jǐ li-dhokpa ó ddiy nà déydha mî, ndèymí ngéy ní ddiy mí mbeylèy shi nì ndèymí à tdya nì mí lò, ndèymí à léy nì nzǐ ndrǔ ꞌwǒ ì tsi. 20Chú nyû-tsi cha ndèy chêy lǎní dziylíy ó nì, nì gbè ì rr nì mí lò-ɦéy nì bbalè níchú ndèymí ndrǔ uw nì. Ndrǔ ꞌwo nì ì tsi drì-drínga gbow, njàddí drì-drínga za ndèymí njàddí dàkì ddì.”
Tǎlà ndèy-koko djú
(Lwk 8:16-18)
21Yesu kâ tdrà ndrǔ dhò, “Nyì tow ní kàss tǎlà djú, ndaní nyì tsš tdyǔ ss̀tò ǐngí nyì léy ra ss̀tò? Nyì léy ní tǎlà ngǎ ndèy-koko djú? 22Rù ní ka rù ndèy nì ddiy wá rà ndèy dhò tende, ndèymí ndèy djúnga ka tss̀ nì ddiy ka rà djúnga pù. 23Cha ndèy nì ndèy gi nà nì li, bba à rř!”
24À tdrà ddí ndrǔ dhò, “Nyì ddéy cha nyì rr̀nì lò ónga! Njàddí bbalè dho nyi ddêy ndanà ddiy mí nò, karà ddey ndanà nyi dhò ddí, ndèymí nyì rà chùw à da fúnì djòluw. 25Cha ì nì ddiy nà nì ndrǔ dhò, ka rà kíyddà ndrr. Ngǎ ì nì ddiy nà nì ndrǔ dèddù, ka rà drá nì ta ddí dda cha ndrǔ nì ndanà nì.”
Lò-ngbòdha nyû-tsi ró
26Yesu tdrà ddíyàchú, “Ddrà mí pey-mí-nga nì ǐchú. Ddì nì kpatss̀ ɦìy nyû-tsi nděyngá nza ò. 27À dêy ddǔ kúw nà, itsś nà à dêy ndèy ngbi. Fú nga nà wá, fú nyû-tsi ngà ndèymí à dhìy. Chú fú kpatss̀ tsì nzá ya ŋǎchú fú ddiy nì ndèy njěy ddiy. 28À nì dziylíy ndèyníddù cha ndèy léy nì nyû-tsi ngǎ ndèymí à dhǐy, pbǔw à rà ꞌwò ddiy ò. 29Ya fú nyû-tsi djì ro, fú kpatss̀ rà lòw dey tsònì njuw dyi nà, ddiydhò tsònì njúwdha mí nga shì ŋà.”
Lò-ngbòdha drá ní kalafuru tsi tá ró
(Mat 13:31,32,34; Lwk 13:18,19)
30Yesu kâ tdrà, “Mà rá tdrà Ddrà mí pey-mí-nga nì gbè ddu níchú? Mà rá dhò ŋá lò-ngbódha jì nà? 31À nì ǐchú. Ddì nì kpatss̀ tdòw kalafuru tsi, cha ndèy nì drá tǐ dziylíy djú wánì nyû-tsi kàó. 32Ka tdòw ddiy-dzzdjú à dhìy ndèymí à ngû ddrǒngó ní tsúw ní wánì tsúw djòluw. À rà drò-dró ní ndèy gilá dda. Rì-kpà ddí rà ì dzàkí ss̀ àmí shúní nga ss̀téy.”
33Yesu tèy ndèymí lò-ɦéy bbalè dho ngéy-ngéy ní lò-ngbódha nà gbè í nì níchú. À tdrà ndrǔ dhò cha ney ndrǔ dho ndanà lò tsì nì. 34À tdrà lò rò nzá ndrǔ dhò ngǎ lò-ngbódha ní. Chú, cha à tdè ndèy kodjú kpa nà ro, à klô mí lò-tey wá ndrǔ dhò.
Yesu lêy ddrǒngó ní vi dèy
(Mat 8:23-27; Lwk 8:22-25)
35Fú ddì nì ddu mí ngítss̀ djú nga nà, Yesu tdrà ndèy kodjú kpa dhò, “Mà da chálè dzi ju-ddà djòluw.” 36Fú ddiy dhò, ndrǔ bbà tdè bíy ní bbalè mí njuw ì dzzdjò ro, à kodjú kpa kâ tsùw ngǒ ò cha à dòw tdè ǒmá nì. Njàddí ngǒ ddí tdè ney fungá. 37Ndùw, ddrǒngó ní vi kâ tà ndèymí dda ddí lòw dey lìy ngǒ ò, fúddiy dhò à tdè chow-chow tsùwdha nà dda ò. 38Yesu tdè ngǒ dzzdjò ddu ddǔ li djòtey léydha mí ddiy djú. À kodjú kpa kâ à chi ndèymí ndrǔ kâ tdrà à dho, “Li-gwíydha-dja, nyi ná njǎ ney mànì rǎ dhì?”
39Yesu kâ ndèy ngbi ru, à kâ jà vi dhò, “Déy chíy!” Ndèymí à kâ tdrà ju-ddà dhò, “Dey ddìy!” Fú nga nà, vi kâ dèy ndèymí dda djúnga ddà chíy. 40Yesu kâ tdrà ndèy kodjú kpa dhò, “Ddudhò nyì ní nyí nà? Nyì ní sǔw ngǎ ùwdha ní?” 41Chú nyí lòw ndrǔ dà ní dà nga djòluw ndèymí ndrǔ tdrà ì kàòluw, “Í kpatss̀ chú ná áyì, cha vi ndèymí ju-ddà nà ddí njey cha à tdrà níchú!”
Currently Selected:
Marko 4: NDRULO
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
Marko 4
4
Lò-ngbòdha nyû-tsi ɦìydha-dja ró
(Mat 13:1-9; Lwk 8:4-8)
1Yesu lòw dey Ddrà mí lò gwiy Galilaya mí ju-ddà tsò ròluw ddíyàchú. Ì njûw tdè ì à ròluw nì bbalè tdè bíy drǒ, fú ddiy lêy à djî ngǒ ò ndèymí à kâ dòw ǒmá. Ngǒ tdè dda ó ndèymí bbalè mí njuw dèy tdè dda tsò ròluw. 2À gwîy ndrǔ bíy ní ddiy nà lò-ngbódha nà ndèymí àmí li-gwíydha ó, à tdrà, 3“Nyì rr! Nza bbìydha-dja rà nyû-tsi ɦìy nděyngá nza ò. 4À tdè nyû-tsi ɦěy ro, njàddí nyû-tsi rò chêy tuw gitéy, rì-kpà shì, ndrǔ chò mí nyû-tsi. 5Njàddí chêy djuw nà nì dziylíy ó, cha dziylíy tdè drá mí nga ó. À ngà zěy-zěy, ddiydhò dziylíy tdè ngǎ kpliy. 6Chú itsś kâ tdè ro, à bêy fú ndèy ngà nì nyû-tsi, ddiydhò dheynì tsùw tdè nzá kpliy dziylíy ò. Mí nyû-tsi kâ ꞌwìy. 7Njàddí nyû-tsi chêy tsǎléy kàó. Fú tsǎléy kâ dhìy ddìngaó fú nyû-tsi nà ro, à kâ fú nyû-tsi hì-tsò chèy. Fú ddiy dhò à ꞌwò ndèy tsi nzá. 8Chú, njàddí nyû-tsi chêy tdè lǎní dziylíy ó. Fú nyû-tsi ngà ro, à ꞌwò ndèy tsi, drì-drínga gbow, njàddí drì-drínga za, ǐngí dàkì ddì.”
9Yesu tèy fú lò ddiy-dzzdjú, à kâ tdrà, “Cha ndèy nì ndèy gi nà nì li, bba à rř!”
Yesu dhò ddudhò ndèy gwíy nì bbalè lò-ngbódha nà mí lò-tey
(Mat 13:10-17; Lwk 8:9,10)
10Yesu mà tdè ddǐ-ddi ní ro, à kodjú dri ndèy djú rwo nà nì kpa ndèymí njàddí bbalè cha ì tdè a dyǒw nì, kâ lò-ngbòdha tey dhiy Yesu-tsò ró. 11Yesu ngù lò, “Ddrà mí pey-mí-nga mí rùdha ní lò-tsìdha bbû ndèy nyì dho. Chú njàddí ndrǔ cha ì nì rúgó nì, ddiy wánì tdra nì ndèy ndrǔ dhò lò-ngbòdha òluw, 12ndaní,
“‘ndrǔ dho njà,
chú ndrǔ dho rǒmá lò tsì nzǐ,
ndrǔ dho rr̀,
chú ndrǔ rà tsì nzǐ.
Ya ndrǔ tsǐ tdè ro, ndrǔ dho ì li Ddrà dè,
ndèymí à dho bbà ndrǔ dhò!’#4:12 Isaya 6:9-10.”
Yesu klô nyû-tsi ɦìydha-dja mí lò-ngbòdha tey
(Mat 13:18-23; Lwk 8:11-15)
13Yesu kâ tdrà ndrǔ dhò, “Nyì tsǐ nzá í lò-ngbòdha tey? Nyì rá njàddí lò-ngbódha tey tsì ŋǎchú? 14Nyû-tsi ɦìydha-dja ɦìy Ddrà mí lò-ɦéy. 15Tuw gitéy ndèy chêy nì nyû-tsi nì, ì rr nì lò-ɦéy nì ndrǔ níchú. Chú, Setani shi nì ddìngà nà ndèymí à ddá nì mí lò gu ndrǔ dèddù. 16Djuw ní nga djú ndèy chêy nì nyû-tsi nì, ì rr nì lò-ɦéy ndèymí ndrǔ uw nì zěy-zěy ì ró ꞌwíy nì nà nì ndrǔ níchú. 17Chú mí lò tsuw nì nzǐ kpliy ndrǔ thíy ò ndèymí ndrǔ uw nì drá nì nga dhò. Ya ngǎjìní lò ǐngí nzadha shì ndrǔ ró mí lò-ɦéy dhò, à léy nì ndrǔ thíy ddá nì ndèy ndùw rǒmá ddù. 18Tsǎléy kàó ndèy chêy nì nyû-tsi nì ddí, ì rr nì lò-ɦéy nì bbalè níchú. 19Chú í dziylíy djú déydha mí tdótdò ndèymí jǐ li-dhokpa ó ddiy nà déydha mî, ndèymí ngéy ní ddiy mí mbeylèy shi nì ndèymí à tdya nì mí lò, ndèymí à léy nì nzǐ ndrǔ ꞌwǒ ì tsi. 20Chú nyû-tsi cha ndèy chêy lǎní dziylíy ó nì, nì gbè ì rr nì mí lò-ɦéy nì bbalè níchú ndèymí ndrǔ uw nì. Ndrǔ ꞌwo nì ì tsi drì-drínga gbow, njàddí drì-drínga za ndèymí njàddí dàkì ddì.”
Tǎlà ndèy-koko djú
(Lwk 8:16-18)
21Yesu kâ tdrà ndrǔ dhò, “Nyì tow ní kàss tǎlà djú, ndaní nyì tsš tdyǔ ss̀tò ǐngí nyì léy ra ss̀tò? Nyì léy ní tǎlà ngǎ ndèy-koko djú? 22Rù ní ka rù ndèy nì ddiy wá rà ndèy dhò tende, ndèymí ndèy djúnga ka tss̀ nì ddiy ka rà djúnga pù. 23Cha ndèy nì ndèy gi nà nì li, bba à rř!”
24À tdrà ddí ndrǔ dhò, “Nyì ddéy cha nyì rr̀nì lò ónga! Njàddí bbalè dho nyi ddêy ndanà ddiy mí nò, karà ddey ndanà nyi dhò ddí, ndèymí nyì rà chùw à da fúnì djòluw. 25Cha ì nì ddiy nà nì ndrǔ dhò, ka rà kíyddà ndrr. Ngǎ ì nì ddiy nà nì ndrǔ dèddù, ka rà drá nì ta ddí dda cha ndrǔ nì ndanà nì.”
Lò-ngbòdha nyû-tsi ró
26Yesu tdrà ddíyàchú, “Ddrà mí pey-mí-nga nì ǐchú. Ddì nì kpatss̀ ɦìy nyû-tsi nděyngá nza ò. 27À dêy ddǔ kúw nà, itsś nà à dêy ndèy ngbi. Fú nga nà wá, fú nyû-tsi ngà ndèymí à dhìy. Chú fú kpatss̀ tsì nzá ya ŋǎchú fú ddiy nì ndèy njěy ddiy. 28À nì dziylíy ndèyníddù cha ndèy léy nì nyû-tsi ngǎ ndèymí à dhǐy, pbǔw à rà ꞌwò ddiy ò. 29Ya fú nyû-tsi djì ro, fú kpatss̀ rà lòw dey tsònì njuw dyi nà, ddiydhò tsònì njúwdha mí nga shì ŋà.”
Lò-ngbòdha drá ní kalafuru tsi tá ró
(Mat 13:31,32,34; Lwk 13:18,19)
30Yesu kâ tdrà, “Mà rá tdrà Ddrà mí pey-mí-nga nì gbè ddu níchú? Mà rá dhò ŋá lò-ngbódha jì nà? 31À nì ǐchú. Ddì nì kpatss̀ tdòw kalafuru tsi, cha ndèy nì drá tǐ dziylíy djú wánì nyû-tsi kàó. 32Ka tdòw ddiy-dzzdjú à dhìy ndèymí à ngû ddrǒngó ní tsúw ní wánì tsúw djòluw. À rà drò-dró ní ndèy gilá dda. Rì-kpà ddí rà ì dzàkí ss̀ àmí shúní nga ss̀téy.”
33Yesu tèy ndèymí lò-ɦéy bbalè dho ngéy-ngéy ní lò-ngbódha nà gbè í nì níchú. À tdrà ndrǔ dhò cha ney ndrǔ dho ndanà lò tsì nì. 34À tdrà lò rò nzá ndrǔ dhò ngǎ lò-ngbódha ní. Chú, cha à tdè ndèy kodjú kpa nà ro, à klô mí lò-tey wá ndrǔ dhò.
Yesu lêy ddrǒngó ní vi dèy
(Mat 8:23-27; Lwk 8:22-25)
35Fú ddì nì ddu mí ngítss̀ djú nga nà, Yesu tdrà ndèy kodjú kpa dhò, “Mà da chálè dzi ju-ddà djòluw.” 36Fú ddiy dhò, ndrǔ bbà tdè bíy ní bbalè mí njuw ì dzzdjò ro, à kodjú kpa kâ tsùw ngǒ ò cha à dòw tdè ǒmá nì. Njàddí ngǒ ddí tdè ney fungá. 37Ndùw, ddrǒngó ní vi kâ tà ndèymí dda ddí lòw dey lìy ngǒ ò, fúddiy dhò à tdè chow-chow tsùwdha nà dda ò. 38Yesu tdè ngǒ dzzdjò ddu ddǔ li djòtey léydha mí ddiy djú. À kodjú kpa kâ à chi ndèymí ndrǔ kâ tdrà à dho, “Li-gwíydha-dja, nyi ná njǎ ney mànì rǎ dhì?”
39Yesu kâ ndèy ngbi ru, à kâ jà vi dhò, “Déy chíy!” Ndèymí à kâ tdrà ju-ddà dhò, “Dey ddìy!” Fú nga nà, vi kâ dèy ndèymí dda djúnga ddà chíy. 40Yesu kâ tdrà ndèy kodjú kpa dhò, “Ddudhò nyì ní nyí nà? Nyì ní sǔw ngǎ ùwdha ní?” 41Chú nyí lòw ndrǔ dà ní dà nga djòluw ndèymí ndrǔ tdrà ì kàòluw, “Í kpatss̀ chú ná áyì, cha vi ndèymí ju-ddà nà ddí njey cha à tdrà níchú!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved