Marko 1
1
Yesu Kristo mí Hwî mí Lò-ɦéy tsò ngà ndèy ddiy
(Mat 3:1-12; Lwk 3:1-18; Yoh 1:19-28)
1Í nì Yesu Kristo mí Hwî mí Lò-ɦéy, cha ndèy nì Ddrà mí Ddùwnì#1:1 Njàddí ndruní Ddrǎ-ngá ndíydha-ní-lò ó, í lò hó Ddrà mí Ddùwnì nì ngǎ. nì. 2À ngà ndèy gbè cha Ddrà tdrà nabi Isaya ngá bǔkù ó níchú,
“Ma rà màtsá dyòw-dja cho nyi njìò,
cha ndèy rà nyìmí tuw thì nì.#1:2 Malaki 3:1.
3À nì nga jǒw ɦiy ní nga ó,
‘Nyì thi tuw Ddrǒngóli dhò,
nyì thi à ko ró tuw chěy.’#1:3 Isaya 40:3. ”
4Fú ddiy dhò, Yohana Bàtízò bbúdha-dja dhò ndèy ɦiy ní nga ó ndèymí à tdrà bbalè wánì dhò, “Nyì lí nyì-dhà rónga nyìdhí cherr óddù, ndèymí nyì low bàtízò! Fúnìchú Ddrà rà nyìdhí cherr bbà.” 5Bíy ní bbalè shì tdè Yuddeya mí ngòw óddù ndèymí Yerusalemu mí ddrǒngó ní bba nà, ndrǔ rà Yohana dè. Ndrǔ kwô ìdhí cherr ndèymí à bbû ndrǔ dhò bàtízò Yorddani mí pbèydha ní ju-ddà ó.
6Yohana kpì tdè ngàmíyà ró ɦěy nà ka tdyà nì rù. À chèy ndèy vèytey shí ngìy nà. Àmí nyû tdè njuw ndèymí tsó téy teyddà nà.
7À tdrà bbalè dho, “Ma dzzdjú ndèy shì nì li mí klôw dà ma djòluw. Ma kâ ddí nzá ma déy ǎngá piy ní ndèymí ma lǔ ma ónga ma kló à-koko ró shí ngìy-tsò. 8Ma nì bàtízò bbu nyì dhò dda nà, chú à rà bàtízò bbu nyì dhò Ddrà mí Bblǒ Thíy nà.”
Yesu lòw bàtízò
(Mat 3:13-17; Lwk 3:21,22)
9Fú nga nà, Yesu shì Nazareti mí ddrǒngó ní bba óddù, cha ndèy nì Galilaya mí ngòw ó nì ndèymí Yohana bbû bàtízò à dhò Yorddani mí pbèydha ní ju-ddà ó. 10Yesu shì tdè dda óddù ro, ndùw à njà rakpa ónga pù ndey ndèymí Ddrà mí Bblǒ Thíy dêy thu à djò bbǎlá níchú. 11Fú nga nà, li chùw rò kâ tdrà rakpa óddù, “Nyi nì màtsá Ddùwnì drǒ ma jì nì, ndèymí ma nì hwî nà nyi ró.”
Setani mbù Yesu ónga
(Mat 4:1-11; Lwk 4:1-13)
12Ndùw Ddrà mí Bblǒ Thíy chô Yesu ɦiy ní nga ò. 13Fulè à dêy ddu drì-drí nga tho nì dho, Setani nì ndèy ónga mbǔ ddiy nà. Yesu tdè tsó téy nyà nà, chú malayika-kpà shì à tsotso-kwódha dhò.
Yesu ngà ndèymí njí-tsò Galilaya ó
(Mat 4:12-17; Lwk 4:14,15)
14Yohana ka chèy tdè ngiy-dzà ò ddiy-dzzdjú, Yesu rà Galilaya mí ngòw ò ndèymí à tdrà Ddrà mí Hwî mí Lò-ɦéy. 15À tdrà, “Nga shì ŋà ndèymí Ddrà mí pey-mí-nga nì chow. Nyì lí nyì-dhà rónga nyìdhí cherr óddù ndèymí nyì ùw Hwî mí Lò-ɦéy.”
Yesu îy tho nì bbì lówdha-djá dyǒw ndèy
(Mat 4:18-22; Lwk 5:1-11)
16Yesu tdè bbiy Galilaya mí ju-ddà tsò rò luw ro, à njà Simoni ndèymí djûnì Anderiya nà. Ndrǔ tdè bbì lówdha-djá ndèymí ndrǔ tdè ìdhí njǒw ngbǒ ju-ddà ò. 17Yesu tdrà ndrǔ dhò, “Nyì ra ma nà! Ma rà nyì gwiy bbalè mèydha nà, gbè nyì tdè bbì lówdha-djá níchú” 18Ndùw ndrǔ bbà ìdhí njǒw ndèymí ndrǔ dyòw à.
19Yesu rà tdè ju-ddà tsò róddù drá ní nga dhò ro, à njà Yakobbo màgò djûnì Yohana nà, Zibiddayo mí ddúwní nà ngǒ ó. Ndrǔ tdè ìdhí njǒw thǐ. 20Ndùw à îy ndrǔ ndèymí ndrǔ bbà ìdhí djǎnì Zibiddayo ngǒ ó, nděyngá njí-djá nà ndèymí ndrǔ dyòw à.
Yesu dìy che thíy ddì nì kpatss̀ óddù
(Lwk 4:31-37)
21Yesu mà ndèy kodjú kpa nà rà Kapernawumu mí ddrǒngó ní bba ò. Sabato ddù shì tdè ro, ndùw Yesu rà Yahuddi-ddúw dhí njuwdha-dzà ò, ndèymí à lòw dey bbalè gwiy. 22Bbalè wánì ónga ꞌwìy àmí gwíydha ró. À gwîy tdè gbè ndèy nì klôw nà nì li níchú, ngǎ gbè Musa-ngá yǎdha mí li-gwíydha-djá níchú. 23Ndùw ddì nì kpatss̀-ní-li ndèy ó che thíy nà nì kâ tsùw njuwdha-dzà ò ndèymí à lòw dey swa, 24“Yesu, Nazareti ó nì, nyi ní ddu jǐ mà nà? Nyi shǐ ingá mà sàdha dhò? Ma tsì ŋà ya áyì nyi nì ddiy! Nyi nì Ddrǎ-ngá Thí ní Li!”
25Yesu jà che thíy dhò, “Déy chíy ndèymí shi fú kpatss̀ óddù!” 26Fú nga nà, che thíy jà fú kpatss̀ rí ndèymí à kâ shì à óddù rí ní ndèy chuw nà.
27Bbalè wánì cha ì tdè fungá nì ónga ꞌwìy ndèymí ndrǔ lòw dey tdrà ì kàòluw, “Í ní ddu? Í nì tdey nì ní klôw nà nì li-gwíydha jì. À ja nì che thíy dho ndèymí ndrǔ ddí rr nì à chuw!” 28Fú nga nà, zěy-zěy Yesu ɦuwdjò dhâ Galilaya mí ngòw òluw wá.
Yesu lêy bíy ní bbalè rónga djì
(Mat 8:14-17; Lwk 4:38-41)
29Yesu bbà tdè Yahuddi-ddúw dhí njuwdha-dzà Yakobbo ndèymí Yohana mà nà ro, ndrǔ kâ rà Simoni màgò Anderiya nà dhí bba ò. 30Ndrǔ shì fulè mí nga nà, ka tdrà Yesu dhò, Simoni mí djǎnì nì dhi nà ra djú, ndèy-rónga gbîy ddiy nà. 31Yesu kâ rà à dè. À kâ à dhokpa lòw ndèymí à lêy à ngbîy ndèy ru. À rónga cha ndèy gbîy tdè nì kâ à bbà ndèymí à lòw dey nyû thì ndrǔ dhò.
32Fú ngítss̀ djúnga nà, itsś chèy tdè ddiy-dzzdjú, bbalè wá cha ì tdè dhi nà nì ndèymí che thíy nà ì ó nì, ka mbà Yesu dè. 33Bbalè wá fú ddrǒngó ní bba ó nì njûw ì dzá-tsò djú. 34Ndèymí Yesu lêy bíy ní bbalè rónga djì cha ì tdè ngéy-ngéy ní dhi jì nà nì ndèymí à dîy bíy ní che thíy. Chú à dêy ǔw nzǐ che thíy tdrǎ lò rò, ddiydhò ndrǔ tsì tdè ŋà ya áyì à nì ddiy.
Yesu tdrà Hwî mí Lò-ɦéy Galilaya mí ngòw ó bba òluw wá
(Lwk 4:42-44)
35Yesu ngbîy ndèy ru bbǔbbú prř, nêyngá bbǔtss̀ ró, děy nga tdè kúw-kúw mí nga nà, à bbà dza. À rà cha ndèy dho dey ddǐ-ddi ní mí nga ò ndèymí à nzz Ddrà. 36Simoni ndèymí ì tdè à mà nà nì bbalè lòw dey à mèy. 37Ndrǔ chùw à mí nga nà, ndrǔ tdrà à dhò, “Bbalè wánì nì nyi měy.”
38Chú Yesu tdrà ndrǔ dhò, “Mà ra njàddí chow nì bba ò, ndaní ma tdrǎ Hwî mí Lò-ɦéy fulè nì bbalè dhò ddí. Fúnì ma shì mí lò.” 39Fú ddiy dhò, Yesu bbîy Galilaya òluw wá, Ddrà mí lò-ɦéy nà Yahuddi-ddúw dhí njuwdha-dzà ó ndèymí che thíy ddádha nà bbalè óddù.
Yesu lêy tsátsá dhì nà nì li-rónga djì
(Mat 8:1-4; Lwk 5:12-16)
40Ddì ní, tsátsá dhì nà nì kpatss̀ shì Yesu dè ndèymí à kwò ndèy gudjò, à kwô Yesu tsò ró à kwó ndèy tsotso. À tdrà, “Ya ŋà nyi jì ro, nyi dho léy ma rónga djǐ, ndaní ma ngú thí.”
41Yesu ónga kì zòw-lò nà ndèymí à ddà ndèy dhokpa ónga à dè ndèymí à kâ à rónga mbu. À tdrà, “Manì jǐ ma kwó nyi tsotso. Déy thí!” 42Ndùw fú kpatss̀ ró tsátsá dhì kâ ndèy si ndèymí à rónga kâ djì.
43Yesu ddù à nyú klôw nà ddiy-dzzdjú, à kâ à cho gu tdràdha nà, 44“Nzǐ tdra í lò ngéy ní li dho ddì kpe. Chú ra, nyi dhò Ddrǎ-ngá dyǎ-dja dè, ndaní à njǎ nyi rónga ngû thí ddiy. Ndèymí bbú bbudha cha Musa jà nì, ndaní à dhǒ bbalè wánì dhò nyi rónga ngû thí.”#1:44 Lawi 14:1-32. 45Fú kpatss̀ rà ro, à lòw dey fú lò tdrà bbalè wánì dhò. Fú ddiy lêy fú lò dhâ nga wánì òluw, à lêy Yesu dho tende ní tsùwdha ddrǒngó ní bba ò tdè klǒw. À rà dey ɦiy ní nga ò, chú bbalè dêy rǎ à dè sǔw wánì nga là djúddù.
Currently Selected:
Marko 1: NDRULO
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
Marko 1
1
Yesu Kristo mí Hwî mí Lò-ɦéy tsò ngà ndèy ddiy
(Mat 3:1-12; Lwk 3:1-18; Yoh 1:19-28)
1Í nì Yesu Kristo mí Hwî mí Lò-ɦéy, cha ndèy nì Ddrà mí Ddùwnì#1:1 Njàddí ndruní Ddrǎ-ngá ndíydha-ní-lò ó, í lò hó Ddrà mí Ddùwnì nì ngǎ. nì. 2À ngà ndèy gbè cha Ddrà tdrà nabi Isaya ngá bǔkù ó níchú,
“Ma rà màtsá dyòw-dja cho nyi njìò,
cha ndèy rà nyìmí tuw thì nì.#1:2 Malaki 3:1.
3À nì nga jǒw ɦiy ní nga ó,
‘Nyì thi tuw Ddrǒngóli dhò,
nyì thi à ko ró tuw chěy.’#1:3 Isaya 40:3. ”
4Fú ddiy dhò, Yohana Bàtízò bbúdha-dja dhò ndèy ɦiy ní nga ó ndèymí à tdrà bbalè wánì dhò, “Nyì lí nyì-dhà rónga nyìdhí cherr óddù, ndèymí nyì low bàtízò! Fúnìchú Ddrà rà nyìdhí cherr bbà.” 5Bíy ní bbalè shì tdè Yuddeya mí ngòw óddù ndèymí Yerusalemu mí ddrǒngó ní bba nà, ndrǔ rà Yohana dè. Ndrǔ kwô ìdhí cherr ndèymí à bbû ndrǔ dhò bàtízò Yorddani mí pbèydha ní ju-ddà ó.
6Yohana kpì tdè ngàmíyà ró ɦěy nà ka tdyà nì rù. À chèy ndèy vèytey shí ngìy nà. Àmí nyû tdè njuw ndèymí tsó téy teyddà nà.
7À tdrà bbalè dho, “Ma dzzdjú ndèy shì nì li mí klôw dà ma djòluw. Ma kâ ddí nzá ma déy ǎngá piy ní ndèymí ma lǔ ma ónga ma kló à-koko ró shí ngìy-tsò. 8Ma nì bàtízò bbu nyì dhò dda nà, chú à rà bàtízò bbu nyì dhò Ddrà mí Bblǒ Thíy nà.”
Yesu lòw bàtízò
(Mat 3:13-17; Lwk 3:21,22)
9Fú nga nà, Yesu shì Nazareti mí ddrǒngó ní bba óddù, cha ndèy nì Galilaya mí ngòw ó nì ndèymí Yohana bbû bàtízò à dhò Yorddani mí pbèydha ní ju-ddà ó. 10Yesu shì tdè dda óddù ro, ndùw à njà rakpa ónga pù ndey ndèymí Ddrà mí Bblǒ Thíy dêy thu à djò bbǎlá níchú. 11Fú nga nà, li chùw rò kâ tdrà rakpa óddù, “Nyi nì màtsá Ddùwnì drǒ ma jì nì, ndèymí ma nì hwî nà nyi ró.”
Setani mbù Yesu ónga
(Mat 4:1-11; Lwk 4:1-13)
12Ndùw Ddrà mí Bblǒ Thíy chô Yesu ɦiy ní nga ò. 13Fulè à dêy ddu drì-drí nga tho nì dho, Setani nì ndèy ónga mbǔ ddiy nà. Yesu tdè tsó téy nyà nà, chú malayika-kpà shì à tsotso-kwódha dhò.
Yesu ngà ndèymí njí-tsò Galilaya ó
(Mat 4:12-17; Lwk 4:14,15)
14Yohana ka chèy tdè ngiy-dzà ò ddiy-dzzdjú, Yesu rà Galilaya mí ngòw ò ndèymí à tdrà Ddrà mí Hwî mí Lò-ɦéy. 15À tdrà, “Nga shì ŋà ndèymí Ddrà mí pey-mí-nga nì chow. Nyì lí nyì-dhà rónga nyìdhí cherr óddù ndèymí nyì ùw Hwî mí Lò-ɦéy.”
Yesu îy tho nì bbì lówdha-djá dyǒw ndèy
(Mat 4:18-22; Lwk 5:1-11)
16Yesu tdè bbiy Galilaya mí ju-ddà tsò rò luw ro, à njà Simoni ndèymí djûnì Anderiya nà. Ndrǔ tdè bbì lówdha-djá ndèymí ndrǔ tdè ìdhí njǒw ngbǒ ju-ddà ò. 17Yesu tdrà ndrǔ dhò, “Nyì ra ma nà! Ma rà nyì gwiy bbalè mèydha nà, gbè nyì tdè bbì lówdha-djá níchú” 18Ndùw ndrǔ bbà ìdhí njǒw ndèymí ndrǔ dyòw à.
19Yesu rà tdè ju-ddà tsò róddù drá ní nga dhò ro, à njà Yakobbo màgò djûnì Yohana nà, Zibiddayo mí ddúwní nà ngǒ ó. Ndrǔ tdè ìdhí njǒw thǐ. 20Ndùw à îy ndrǔ ndèymí ndrǔ bbà ìdhí djǎnì Zibiddayo ngǒ ó, nděyngá njí-djá nà ndèymí ndrǔ dyòw à.
Yesu dìy che thíy ddì nì kpatss̀ óddù
(Lwk 4:31-37)
21Yesu mà ndèy kodjú kpa nà rà Kapernawumu mí ddrǒngó ní bba ò. Sabato ddù shì tdè ro, ndùw Yesu rà Yahuddi-ddúw dhí njuwdha-dzà ò, ndèymí à lòw dey bbalè gwiy. 22Bbalè wánì ónga ꞌwìy àmí gwíydha ró. À gwîy tdè gbè ndèy nì klôw nà nì li níchú, ngǎ gbè Musa-ngá yǎdha mí li-gwíydha-djá níchú. 23Ndùw ddì nì kpatss̀-ní-li ndèy ó che thíy nà nì kâ tsùw njuwdha-dzà ò ndèymí à lòw dey swa, 24“Yesu, Nazareti ó nì, nyi ní ddu jǐ mà nà? Nyi shǐ ingá mà sàdha dhò? Ma tsì ŋà ya áyì nyi nì ddiy! Nyi nì Ddrǎ-ngá Thí ní Li!”
25Yesu jà che thíy dhò, “Déy chíy ndèymí shi fú kpatss̀ óddù!” 26Fú nga nà, che thíy jà fú kpatss̀ rí ndèymí à kâ shì à óddù rí ní ndèy chuw nà.
27Bbalè wánì cha ì tdè fungá nì ónga ꞌwìy ndèymí ndrǔ lòw dey tdrà ì kàòluw, “Í ní ddu? Í nì tdey nì ní klôw nà nì li-gwíydha jì. À ja nì che thíy dho ndèymí ndrǔ ddí rr nì à chuw!” 28Fú nga nà, zěy-zěy Yesu ɦuwdjò dhâ Galilaya mí ngòw òluw wá.
Yesu lêy bíy ní bbalè rónga djì
(Mat 8:14-17; Lwk 4:38-41)
29Yesu bbà tdè Yahuddi-ddúw dhí njuwdha-dzà Yakobbo ndèymí Yohana mà nà ro, ndrǔ kâ rà Simoni màgò Anderiya nà dhí bba ò. 30Ndrǔ shì fulè mí nga nà, ka tdrà Yesu dhò, Simoni mí djǎnì nì dhi nà ra djú, ndèy-rónga gbîy ddiy nà. 31Yesu kâ rà à dè. À kâ à dhokpa lòw ndèymí à lêy à ngbîy ndèy ru. À rónga cha ndèy gbîy tdè nì kâ à bbà ndèymí à lòw dey nyû thì ndrǔ dhò.
32Fú ngítss̀ djúnga nà, itsś chèy tdè ddiy-dzzdjú, bbalè wá cha ì tdè dhi nà nì ndèymí che thíy nà ì ó nì, ka mbà Yesu dè. 33Bbalè wá fú ddrǒngó ní bba ó nì njûw ì dzá-tsò djú. 34Ndèymí Yesu lêy bíy ní bbalè rónga djì cha ì tdè ngéy-ngéy ní dhi jì nà nì ndèymí à dîy bíy ní che thíy. Chú à dêy ǔw nzǐ che thíy tdrǎ lò rò, ddiydhò ndrǔ tsì tdè ŋà ya áyì à nì ddiy.
Yesu tdrà Hwî mí Lò-ɦéy Galilaya mí ngòw ó bba òluw wá
(Lwk 4:42-44)
35Yesu ngbîy ndèy ru bbǔbbú prř, nêyngá bbǔtss̀ ró, děy nga tdè kúw-kúw mí nga nà, à bbà dza. À rà cha ndèy dho dey ddǐ-ddi ní mí nga ò ndèymí à nzz Ddrà. 36Simoni ndèymí ì tdè à mà nà nì bbalè lòw dey à mèy. 37Ndrǔ chùw à mí nga nà, ndrǔ tdrà à dhò, “Bbalè wánì nì nyi měy.”
38Chú Yesu tdrà ndrǔ dhò, “Mà ra njàddí chow nì bba ò, ndaní ma tdrǎ Hwî mí Lò-ɦéy fulè nì bbalè dhò ddí. Fúnì ma shì mí lò.” 39Fú ddiy dhò, Yesu bbîy Galilaya òluw wá, Ddrà mí lò-ɦéy nà Yahuddi-ddúw dhí njuwdha-dzà ó ndèymí che thíy ddádha nà bbalè óddù.
Yesu lêy tsátsá dhì nà nì li-rónga djì
(Mat 8:1-4; Lwk 5:12-16)
40Ddì ní, tsátsá dhì nà nì kpatss̀ shì Yesu dè ndèymí à kwò ndèy gudjò, à kwô Yesu tsò ró à kwó ndèy tsotso. À tdrà, “Ya ŋà nyi jì ro, nyi dho léy ma rónga djǐ, ndaní ma ngú thí.”
41Yesu ónga kì zòw-lò nà ndèymí à ddà ndèy dhokpa ónga à dè ndèymí à kâ à rónga mbu. À tdrà, “Manì jǐ ma kwó nyi tsotso. Déy thí!” 42Ndùw fú kpatss̀ ró tsátsá dhì kâ ndèy si ndèymí à rónga kâ djì.
43Yesu ddù à nyú klôw nà ddiy-dzzdjú, à kâ à cho gu tdràdha nà, 44“Nzǐ tdra í lò ngéy ní li dho ddì kpe. Chú ra, nyi dhò Ddrǎ-ngá dyǎ-dja dè, ndaní à njǎ nyi rónga ngû thí ddiy. Ndèymí bbú bbudha cha Musa jà nì, ndaní à dhǒ bbalè wánì dhò nyi rónga ngû thí.”#1:44 Lawi 14:1-32. 45Fú kpatss̀ rà ro, à lòw dey fú lò tdrà bbalè wánì dhò. Fú ddiy lêy fú lò dhâ nga wánì òluw, à lêy Yesu dho tende ní tsùwdha ddrǒngó ní bba ò tdè klǒw. À rà dey ɦiy ní nga ò, chú bbalè dêy rǎ à dè sǔw wánì nga là djúddù.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved