Apocalipsis 8
8
Jaso' p'áteegue n'anaxanaqte qataxa so' nichínataxanaxat lemala' oro
1So' n'aanaxate lec'óxot ca'li naqat jaso' p'áteegue n'anaxanaqte 'me ỹapadéetaỹi jaso' nede, qana'chi cada'acolec da' tóchiiñi, ỹóvi' media hora. 2Ỹim, qana'chi selá'a so' siete namaxa'spi piỹem lé'ecpi nichaatétañi, dasóta'uo di' nes'ónaqa' ñi' Dios. Qana'chi jeso'me qoỹanem jaso' siete naseede. 3Ỹim, qataxa janac so' namaxasec laqáỹa piỹem lé'ec, lasóqot'a so' lemala' jen' nichínataxanaxat 'me chiỹaqaỹi na' oro. Qana'chi dasóta'uo jaso' neco'ỹoxonaxalate. Qana'chi qoỹanem so' ỹátaqta jalcote nichínataxanaxat, da' qaidi ỹaneuo, quetaa'ue da' netamnaxac ỹima na' lalémaxasetpi ñi' Dios, da' ỹachalégue jaso' neco'ỹoxonaxalate 'me chiỹaqaỹi jan' oro 'me néta'ña di' nalótee'ga di' s'ónaqa'. 4Qana'chi jan' nemála' jeso'me nichínataxanaxat chiỹoqotelégue so' louaq so' namaxasec da' taỹot ñi' Dios, cásee'megue da' netamnaxac jen'me lalémaxasetpi ñi'me. 5Qana'chi jeso'me namaxasec ỹacona so' lemala' so' nichínataxanaxat, qana'chi ỹisócapegooue jan' poqo so' dóle' 'me huetalégue jaso' neco'ỹoxonaxalate. Ỹim, qana'chi ỹasaqapeelégue na' 'aléua. Qana'chi 'uo so' l'oxóỹaxa, nesamaxa, naqasélgaxa, qataxa d'iqui jen' 'aléua.
Jaso' naseedepi
6Qana'chi so'me siete namaxa'spi piỹem lé'ecpi 'me lasóqot'a jaso' naseedepi, jeso'me niỹamaxachiñi da' qaidi daseedáxan.
7Qana'chi jeso'me 'uáichiiñi namaxasec ca'li daseedáxan, qana'chi janac jaso' lachi qataxa so' dóle' ỹaleeguet jan' netauo' 'me qoỹicodelégue jen' 'aléua. Qana'chi ỹavic jan' 'oonole naua' tres 'ipa, nataq'en jen' 'aléua qataxa jen' 'auaqapi dadála.
8So' namaxasec laqáỹa ca'li ỹasiidíỹi jaso' laseede, qana'chi qoỹamaxañíỹi jaso' huaxai jaso' sega'me qasoxonaxa 'edétanỹi. Qana'chi saua' tres lail jaso' huaxai, qana'chi 'oonolec taỹá'a da' netauo', 9qataxa qoỹileem ñi' 'oonolec naua' tres ỹima jen' huétanỹi jan' huaxai, qataxa doláỹi jañi' 'oonole naua' tres ỹima jan' nilicotal.
10Qataxa so' namaxasec laqáỹa ca'li ỹasiidíỹi jaso' laseede, qana'chi n'áqañi jaso' huaqchiñi lat'édai. Jaso'me 'edétanỹi, 'ená'am jan' coỹadáxanaqte. Jaso'me táchiinỹi jen' 'oonolec saua' tres ỹima jen' ñáchi, qataxa jen'me náatetaseguempi jen' lé'ec. 11Jaso' huaqchiñi lenaxat Chimaxadai. Qana'chi jidi' 'oonolec naua' tres ỹima jen' ñáchi qana'chi ỹátaqta chim. Qana'chi jalcote na' ỹileem na' siỹaxadipi, qá'a na' noxop ỹátaqta chim.
12So' namaxasec laqáỹa ca'li ỹasiidíỹi jaso' laseede, qana'chi 'om so' lai jaso' c'atena qataxa so' 'auóxoic. Nataq'en 'om jañi' 'oonole saua' tres ỹima jan' huaqchiñi, qana'chi 'uo na' huá'ña jen' l'álaxa. Qataxa cadá'ac da' sa 'te da' di'ỹoxóỹi di' nolo' qataxa di' pí'ỹaq.
13Ca'li ỹim, qana'chi ỹitaxa ñanaxaséguem, qana'chi semachíỹa so' namaxasec piỹem lé'ec huaỹótac, huet'ot di' piỹem, ỹátaqta nesamaxaden da' detaqa. 'Eet'oi:
—¡Jaigamaa! ¡Ỹátaqta choxodaicolec na' netalégue jen' 'aléua, qomle ỹivíta da' ỹasiidiỹilo gaua' laseedel gaua' tres namaxa's laqáỹa' piỹem lase'!
Currently Selected:
Apocalipsis 8: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
