Popular Bible Verses from Apocalipsis 8

Share

So' n'aanaxate lec'óxot ca'li naqat jaso' p'áteegue n'anaxanaqte 'me ỹapadéetaỹi jaso' nede, qana'chi cada'acolec da' tóchiiñi, ỹóvi' media hora.

Qana'chi jeso'me 'uáichiiñi namaxasec ca'li daseedáxan, qana'chi janac jaso' lachi qataxa so' dóle' ỹaleeguet jan' netauo' 'me qoỹicodelégue jen' 'aléua. Qana'chi ỹavic jan' 'oonole naua' tres 'ipa, nataq'en jen' 'aléua qataxa jen' 'auaqapi dadála.

Ca'li ỹim, qana'chi ỹitaxa ñanaxaséguem, qana'chi semachíỹa so' namaxasec piỹem lé'ec huaỹótac, huet'ot di' piỹem, ỹátaqta nesamaxaden da' detaqa. 'Eet'oi: —¡Jaigamaa! ¡Ỹátaqta choxodaicolec na' netalégue jen' 'aléua, qomle ỹivíta da' ỹasiidiỹilo gaua' laseedel gaua' tres namaxa's laqáỹa' piỹem lase'!

So' namaxasec laqáỹa ca'li ỹasiidíỹi jaso' laseede, qana'chi qoỹamaxañíỹi jaso' huaxai jaso' sega'me qasoxonaxa 'edétanỹi. Qana'chi saua' tres lail jaso' huaxai, qana'chi 'oonolec taỹá'a da' netauo'

Qataxa so' namaxasec laqáỹa ca'li ỹasiidíỹi jaso' laseede, qana'chi n'áqañi jaso' huaqchiñi lat'édai. Jaso'me 'edétanỹi, 'ená'am jan' coỹadáxanaqte. Jaso'me táchiinỹi jen' 'oonolec saua' tres ỹima jen' ñáchi, qataxa jen'me náatetaseguempi jen' lé'ec. Jaso' huaqchiñi lenaxat Chimaxadai. Qana'chi jidi' 'oonolec naua' tres ỹima jen' ñáchi qana'chi ỹátaqta chim. Qana'chi jalcote na' ỹileem na' siỹaxadipi, qá'a na' noxop ỹátaqta chim.

So' namaxasec laqáỹa ca'li ỹasiidíỹi jaso' laseede, qana'chi 'om so' lai jaso' c'atena qataxa so' 'auóxoic. Nataq'en 'om jañi' 'oonole saua' tres ỹima jan' huaqchiñi, qana'chi 'uo na' huá'ña jen' l'álaxa. Qataxa cadá'ac da' sa 'te da' di'ỹoxóỹi di' nolo' qataxa di' pí'ỹaq.