Apocalipsis 18
18
Da' noxonaguec so' noic Babilonia
1Ca'li ỹim dójo', qana'chi ỹitaxa selá'a so' namaxasec laqáỹa piỹem lé'ec, chiỹoqo'ot di' piỹem, 'me ỹátaqta let'ádaic da' l'añaxac. Qana'chi ỹima jen' 'aléua ỹátaqta ỹ'oqotelégue qa'en da' l'edáxa. 2Qataxa ỹátaqta ỹisam da' laviliỹáxac da' detaqa, 'enaac:
—Ma'le noxonec jidi'me noic let'ádaic Babilonia. Ma'le noxonec. Jidi'me l'acháqa' naỹi na' lamaxa'spi so' qadó'o paiỹac, qataxa nañoxótaqa' ỹima na' sa di'ỹoq nataqtáqaicpi, qataxa laỹoqo' jen'me maỹo'pi 'me paanaxadaic qataxa naqaigaxatpi. 3Qá'a ỹima jen'me ỹodapecachi siỹaxadipi ỹátaqta ỹaqachíchiỹi da' nequesesaxac, 'ená'am da' 'uootaxa qonỹómaxanỹi ga' latáxa. Qataxa ỹima jen' net'alpi 'me ỹilot'ague jen' huetalégue jen' 'aléua ỹátaqta nequesesétapegue' jidi'me, 'ená'am jaga' ỹauo. Qataxa ỹima jen' menaxaicpi 'me huetalégue jen' 'aléua ỹátaqta ỹisaliaqtet jen'me sa lec'óxotolec loqopi'chi sa nó'in jidi'me.
4Ỹátaqta semachíỹa so' n'aqtac laqáỹa, chimaqpecot di' piỹem, 'enaac:
—'Oquí'ỹai qomle nójo' noic, 'ami 'me 'ami ỹalémaxasetpi, qaidi sa 'te da' 'av'íchii jen'me l'etaxalóxo, qataxa qaidi sa 'ami 'te ỹivid'alo ga' ne'uaxánaguec. 5Qá'a na' l'etaxalóxo di'me ỹátaqta tasee'ména, ỹivid'ot di' piỹem. Ñi' Dios ma'le táchiỹi lauel jen'me sa nó'inpi 'me ỹ'étetac jidi'me. 6'Ausiichi'ñaguet qomle jidi'me, ỹátaqta 'auadénaxachi'ỹaguet da' 'éet'ec jen'me laỹi. Qaláxasa ỹátaqta ỹágueegue 'aviñii jega'me 'auañimii jidi'me, 'ená'am da' 'éeta da' ỹátaqta da' 'aualecchiñiỹa't jen' ỹátaqta co'ỹaq latáxa, da' qaidi 'auañimii. 7Qataxa 'auauóỹaaque qomle da' laỹaliaxa qataxa da' ne'queténaxac jidi'me, ỹátaqta 'auadénaxachiichiỹi da' 'éet'ec da' ni'ỹoxodénaxac qataxa na' sa lec'óxotolec loqopi'chi. Qá'a da' leenataxac na'le jidi'me 'enaac: “Jaỹim sonéta'ña jénjo', jaỹim nat'e. Sa jaỹim p'ai, qataxa sa 'te da' 'uo ga' ñi'queténaxac.” 8Chan'eesa naqaida da' tadeeto' 'ená'am da' 'oonolec nolo' qoỹin na' ne'uaxánaguec, 'eet'oi: leleuaxa, ne'queténaxac, loqouáxa, qataxa qoỹidolégue ga' dóle' da' qoỹigóoue. Qá'a ỹátaqta qaỹa 'te ga' ỹaqalánaac jiñi'me qadasoxola' Dios 'me ỹa'uo da' ne'uaxánaguec.
9Jen'me net'alpi 'me netalégue jen' 'aléua 'me sega'me nequesesétapegue' jidi'me qataxa neuána'uo jen' sa lec'óxotolec loqopi'chi, jen'me ỹátaqta noỹíitac qomle, qataxa n'alqátapiiñi qomle ỹauáachiỹi jan' nemála' da' qoỹigóoue jidi'me. 10Ỹátaqta qaỹái'ỹa qomle jen' net'alpi, ỹasouaxat da' d'oiỹa da' ne'uaxánaguec di'me. Qana'chi jen'me 'eet'oi:
—¡'Agai! ¡Ỹátaqta 'am choxodaicolec, 'am 'me ỹátaqta 'am let'ádaic Babilonia, 'am 'me qaỹa 'te ga' 'auqalánaac! Qá'a ỹátaqta nepeláxatetela't da' 'ane'uaxánaguec.
11Qataxa jen'me menaxaicpi 'me huetalégue jen' 'aléua nataq'en noỹíitac, qataxa n'alqátapiiñi ỹasouaxat di' noic. Qá'a sóxote qaỹa 'te ga' neuodéna jen' lemenec 'me nedota't. 12Jen'me lí'ỹac 'me 'uo na' chiỹaqaỹi na' oro, plata, qasélgaxadaic qa', perla, qataxa jen' 'ónaxaic huáloq chiỹaqaỹi na' lino, qataxa na' seda, qataxa na' ỹimalaqalégue da' letóomaxa qataxa jen' tóomaxadaic; nataq'en ỹima na' ỹodapecachi 'ipaq jama jen' laita, qataxa na' n'onatac 'me chiỹaqaỹi na' marfil, qataxa na' 'ipaq, qataxa na' laicaua lenaxat bronce, hierro, qataxa na' qa' mármol; 13qataxa jen' laỹi lí'ỹac canela, qataxa jen' ỹodapecachi jama na' laita, nichínaxanaxat, qataxa jan' 'ipaq lcha' lenaxat mirra, qataxa na' codáxaqui, latáxa, aceite, 'alíina, qataxa na' trigo; nataq'en na' síiỹac 'me nauégaxanaxala', n'aanaxate, pegadipi, náauenapi, qataxa na' nelatacpi 'me ỹ'oqóchiỹi siỹaxaua. 14Da' qodetaxaỹá'a qomle jidi'me noic, qaa'le qoỹíitojo':
—¡Qa'chi ma'le ỹiméta ỹima jen' 'adamanecpi, qataxa ỹimáiỹi da' daqat ỹima jeda'me 'adesaliaxa qataxa jeda'me 'adodiac 'me 'am huet'ot!
15Qana'chi jen'me siỹaxadipi 'me lemenec jen'me qataxa ỹachiỹoxotaỹi da' lesaliaxa di' noic, jen'me ỹátaqta qoỹiỹotée'ga, ỹasouaxat da' d'oiỹa da' ne'uaxánaguec jidi'me. Qana'chi ỹátaqta noỹíitac qataxa n'alqátapiiñi. 16Qana'chi 'enaac:
—¡Ỹátaqta 'am choxodaicolec, 'am 'me 'am noic let'ádaic! 'Am 'me 'auená'am jaga' ỹauo 'me n'étaxat na' 'ónaxaic huáloq. Naua' louo toomaqalóo'te na' lemálaxa qataxa jen' tóomaxadaic, qataxa na' n'étaxat chiỹaqaỹi jan' oro qataxa na' qa' qasélgaxadaic qataxa jan' perla. 17¡Ỹátaqta nepeláxatetela't da' ỹiméta qoỹin da' lesaliaxa let'ádaic!
Ỹima jen' nilicota ló'opi qataxa jen' lecochaxau'pi, qataxa jen'me noqotáuo, qataxa ỹima jen'me d'onataxáatac 'me huétanỹi jen' noxop, jen'me ỹátaqta qaỹá'a. 18Qataxa da' ỹilótapega jan' nemála' da' ỹavígooue di' noic, qana'chi ỹ'alaq, 'eet'oi:
—¿Jái'chogamaxa noic laqáỹa 'uootaxa 'ená'am jidi'me díjo' noic?
19Qana'chi jen'me ỹimetelóo'te naua' laqai'go jen' 'enáaỹaxa ỹasouaxat da' laquicoxo, qana'chi noỹíitac qataxa n'alqátapiiñi, 'enaac:
—¡Ỹátaqta choxodaicolec di' noic let'ádaic! Qá'a da' lesaliaxa naqaida da' ỹisaliaqtet ỹima jen'me 'uo jan' lilicota. ¡Qaláxasa ỹátaqta nepeláxatetela't da' 'am qonoláxachiñi!
20Qaláxasa ỹátaqta 'antónec qomle jidi'me noic, 'am piỹem, qataxa 'ami lamaxa's so' Jesús, qataxa 'ami l'aqtáxanaxanqa ñi' Dios qataxa ỹima 'ami lalémaxasetpi jiñi'me. Qá'a ñi' Dios ỹí'et da' ne'uaxánaguec jidi'me, ỹasouaxat da' 'oñíita.
21Qana'chi so' 'oonolec namaxasec piỹem lé'ec 'me ỹátaqta qaỹa 'te 'ená'am da' l'añaxac, jeso'me ỹaconot so' qa' let'ádaic 'me 'ená'am jen' nesógaxaqui. Qana'chi ỹasaxánỹi jaso' huaxai, qana'chi 'enaac:
—Dójo' qomle da' naq'áita da' qoỹasaxáñi di' noic Babilonia 'me ỹátaqta let'ádaic. Qana'chi sa 'te qomle da' ỹitaxa qonauá'ne'. 22Huá'a qomle, qana'chi sa 'te da' qodemachíỹapega da' hueta'nỹi na' naq'aicpi jaga' niviqui arpa, qataxa jan' naseede lenaxat flauta qataxa jan' lenaxat trompeta. Qana'chi sa 'te da' 'uo gamachaqaiga 'onataxanaxaic, qataxa sa 'te 'uo da' qodemachíỹapega ga' lesamaxa jaga' qa' nesógaxaqui. 23Qataxa sa 'te da' 'edánỹi jan' 'adecoỹadáxanaqte, qataxa na'chi sa 'te qodemachíỹa ga' laỹac ga' n'onáxac, temaqaidi da' 'ademenáxanaxanecpi joca'li nedot'a't na' 'uañaxaicpi 'me huetalégue jen' 'aléua, qataxa ỹátaqta 'auqovin ỹima joca'li na' ỹodapecachi siỹaxadipi da' 'audolégue da' 'anapinaxac.
24Qá'a jidi'me noic na'chi huá'ña da' qoỹilalégue jan' letauo' jen' ỹ'axátet'ape josii'chi naua' l'aqtaqa ñi' Dios, qataxa jen'me lalémaxasetpi jiñi'me, qataxa ỹima jen' nalaatacpi 'me hualégue jen' 'aléua.
Currently Selected:
Apocalipsis 18: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Apocalipsis 18
18
Da' noxonaguec so' noic Babilonia
1Ca'li ỹim dójo', qana'chi ỹitaxa selá'a so' namaxasec laqáỹa piỹem lé'ec, chiỹoqo'ot di' piỹem, 'me ỹátaqta let'ádaic da' l'añaxac. Qana'chi ỹima jen' 'aléua ỹátaqta ỹ'oqotelégue qa'en da' l'edáxa. 2Qataxa ỹátaqta ỹisam da' laviliỹáxac da' detaqa, 'enaac:
—Ma'le noxonec jidi'me noic let'ádaic Babilonia. Ma'le noxonec. Jidi'me l'acháqa' naỹi na' lamaxa'spi so' qadó'o paiỹac, qataxa nañoxótaqa' ỹima na' sa di'ỹoq nataqtáqaicpi, qataxa laỹoqo' jen'me maỹo'pi 'me paanaxadaic qataxa naqaigaxatpi. 3Qá'a ỹima jen'me ỹodapecachi siỹaxadipi ỹátaqta ỹaqachíchiỹi da' nequesesaxac, 'ená'am da' 'uootaxa qonỹómaxanỹi ga' latáxa. Qataxa ỹima jen' net'alpi 'me ỹilot'ague jen' huetalégue jen' 'aléua ỹátaqta nequesesétapegue' jidi'me, 'ená'am jaga' ỹauo. Qataxa ỹima jen' menaxaicpi 'me huetalégue jen' 'aléua ỹátaqta ỹisaliaqtet jen'me sa lec'óxotolec loqopi'chi sa nó'in jidi'me.
4Ỹátaqta semachíỹa so' n'aqtac laqáỹa, chimaqpecot di' piỹem, 'enaac:
—'Oquí'ỹai qomle nójo' noic, 'ami 'me 'ami ỹalémaxasetpi, qaidi sa 'te da' 'av'íchii jen'me l'etaxalóxo, qataxa qaidi sa 'ami 'te ỹivid'alo ga' ne'uaxánaguec. 5Qá'a na' l'etaxalóxo di'me ỹátaqta tasee'ména, ỹivid'ot di' piỹem. Ñi' Dios ma'le táchiỹi lauel jen'me sa nó'inpi 'me ỹ'étetac jidi'me. 6'Ausiichi'ñaguet qomle jidi'me, ỹátaqta 'auadénaxachi'ỹaguet da' 'éet'ec jen'me laỹi. Qaláxasa ỹátaqta ỹágueegue 'aviñii jega'me 'auañimii jidi'me, 'ená'am da' 'éeta da' ỹátaqta da' 'aualecchiñiỹa't jen' ỹátaqta co'ỹaq latáxa, da' qaidi 'auañimii. 7Qataxa 'auauóỹaaque qomle da' laỹaliaxa qataxa da' ne'queténaxac jidi'me, ỹátaqta 'auadénaxachiichiỹi da' 'éet'ec da' ni'ỹoxodénaxac qataxa na' sa lec'óxotolec loqopi'chi. Qá'a da' leenataxac na'le jidi'me 'enaac: “Jaỹim sonéta'ña jénjo', jaỹim nat'e. Sa jaỹim p'ai, qataxa sa 'te da' 'uo ga' ñi'queténaxac.” 8Chan'eesa naqaida da' tadeeto' 'ená'am da' 'oonolec nolo' qoỹin na' ne'uaxánaguec, 'eet'oi: leleuaxa, ne'queténaxac, loqouáxa, qataxa qoỹidolégue ga' dóle' da' qoỹigóoue. Qá'a ỹátaqta qaỹa 'te ga' ỹaqalánaac jiñi'me qadasoxola' Dios 'me ỹa'uo da' ne'uaxánaguec.
9Jen'me net'alpi 'me netalégue jen' 'aléua 'me sega'me nequesesétapegue' jidi'me qataxa neuána'uo jen' sa lec'óxotolec loqopi'chi, jen'me ỹátaqta noỹíitac qomle, qataxa n'alqátapiiñi qomle ỹauáachiỹi jan' nemála' da' qoỹigóoue jidi'me. 10Ỹátaqta qaỹái'ỹa qomle jen' net'alpi, ỹasouaxat da' d'oiỹa da' ne'uaxánaguec di'me. Qana'chi jen'me 'eet'oi:
—¡'Agai! ¡Ỹátaqta 'am choxodaicolec, 'am 'me ỹátaqta 'am let'ádaic Babilonia, 'am 'me qaỹa 'te ga' 'auqalánaac! Qá'a ỹátaqta nepeláxatetela't da' 'ane'uaxánaguec.
11Qataxa jen'me menaxaicpi 'me huetalégue jen' 'aléua nataq'en noỹíitac, qataxa n'alqátapiiñi ỹasouaxat di' noic. Qá'a sóxote qaỹa 'te ga' neuodéna jen' lemenec 'me nedota't. 12Jen'me lí'ỹac 'me 'uo na' chiỹaqaỹi na' oro, plata, qasélgaxadaic qa', perla, qataxa jen' 'ónaxaic huáloq chiỹaqaỹi na' lino, qataxa na' seda, qataxa na' ỹimalaqalégue da' letóomaxa qataxa jen' tóomaxadaic; nataq'en ỹima na' ỹodapecachi 'ipaq jama jen' laita, qataxa na' n'onatac 'me chiỹaqaỹi na' marfil, qataxa na' 'ipaq, qataxa na' laicaua lenaxat bronce, hierro, qataxa na' qa' mármol; 13qataxa jen' laỹi lí'ỹac canela, qataxa jen' ỹodapecachi jama na' laita, nichínaxanaxat, qataxa jan' 'ipaq lcha' lenaxat mirra, qataxa na' codáxaqui, latáxa, aceite, 'alíina, qataxa na' trigo; nataq'en na' síiỹac 'me nauégaxanaxala', n'aanaxate, pegadipi, náauenapi, qataxa na' nelatacpi 'me ỹ'oqóchiỹi siỹaxaua. 14Da' qodetaxaỹá'a qomle jidi'me noic, qaa'le qoỹíitojo':
—¡Qa'chi ma'le ỹiméta ỹima jen' 'adamanecpi, qataxa ỹimáiỹi da' daqat ỹima jeda'me 'adesaliaxa qataxa jeda'me 'adodiac 'me 'am huet'ot!
15Qana'chi jen'me siỹaxadipi 'me lemenec jen'me qataxa ỹachiỹoxotaỹi da' lesaliaxa di' noic, jen'me ỹátaqta qoỹiỹotée'ga, ỹasouaxat da' d'oiỹa da' ne'uaxánaguec jidi'me. Qana'chi ỹátaqta noỹíitac qataxa n'alqátapiiñi. 16Qana'chi 'enaac:
—¡Ỹátaqta 'am choxodaicolec, 'am 'me 'am noic let'ádaic! 'Am 'me 'auená'am jaga' ỹauo 'me n'étaxat na' 'ónaxaic huáloq. Naua' louo toomaqalóo'te na' lemálaxa qataxa jen' tóomaxadaic, qataxa na' n'étaxat chiỹaqaỹi jan' oro qataxa na' qa' qasélgaxadaic qataxa jan' perla. 17¡Ỹátaqta nepeláxatetela't da' ỹiméta qoỹin da' lesaliaxa let'ádaic!
Ỹima jen' nilicota ló'opi qataxa jen' lecochaxau'pi, qataxa jen'me noqotáuo, qataxa ỹima jen'me d'onataxáatac 'me huétanỹi jen' noxop, jen'me ỹátaqta qaỹá'a. 18Qataxa da' ỹilótapega jan' nemála' da' ỹavígooue di' noic, qana'chi ỹ'alaq, 'eet'oi:
—¿Jái'chogamaxa noic laqáỹa 'uootaxa 'ená'am jidi'me díjo' noic?
19Qana'chi jen'me ỹimetelóo'te naua' laqai'go jen' 'enáaỹaxa ỹasouaxat da' laquicoxo, qana'chi noỹíitac qataxa n'alqátapiiñi, 'enaac:
—¡Ỹátaqta choxodaicolec di' noic let'ádaic! Qá'a da' lesaliaxa naqaida da' ỹisaliaqtet ỹima jen'me 'uo jan' lilicota. ¡Qaláxasa ỹátaqta nepeláxatetela't da' 'am qonoláxachiñi!
20Qaláxasa ỹátaqta 'antónec qomle jidi'me noic, 'am piỹem, qataxa 'ami lamaxa's so' Jesús, qataxa 'ami l'aqtáxanaxanqa ñi' Dios qataxa ỹima 'ami lalémaxasetpi jiñi'me. Qá'a ñi' Dios ỹí'et da' ne'uaxánaguec jidi'me, ỹasouaxat da' 'oñíita.
21Qana'chi so' 'oonolec namaxasec piỹem lé'ec 'me ỹátaqta qaỹa 'te 'ená'am da' l'añaxac, jeso'me ỹaconot so' qa' let'ádaic 'me 'ená'am jen' nesógaxaqui. Qana'chi ỹasaxánỹi jaso' huaxai, qana'chi 'enaac:
—Dójo' qomle da' naq'áita da' qoỹasaxáñi di' noic Babilonia 'me ỹátaqta let'ádaic. Qana'chi sa 'te qomle da' ỹitaxa qonauá'ne'. 22Huá'a qomle, qana'chi sa 'te da' qodemachíỹapega da' hueta'nỹi na' naq'aicpi jaga' niviqui arpa, qataxa jan' naseede lenaxat flauta qataxa jan' lenaxat trompeta. Qana'chi sa 'te da' 'uo gamachaqaiga 'onataxanaxaic, qataxa sa 'te 'uo da' qodemachíỹapega ga' lesamaxa jaga' qa' nesógaxaqui. 23Qataxa sa 'te da' 'edánỹi jan' 'adecoỹadáxanaqte, qataxa na'chi sa 'te qodemachíỹa ga' laỹac ga' n'onáxac, temaqaidi da' 'ademenáxanaxanecpi joca'li nedot'a't na' 'uañaxaicpi 'me huetalégue jen' 'aléua, qataxa ỹátaqta 'auqovin ỹima joca'li na' ỹodapecachi siỹaxadipi da' 'audolégue da' 'anapinaxac.
24Qá'a jidi'me noic na'chi huá'ña da' qoỹilalégue jan' letauo' jen' ỹ'axátet'ape josii'chi naua' l'aqtaqa ñi' Dios, qataxa jen'me lalémaxasetpi jiñi'me, qataxa ỹima jen' nalaatacpi 'me hualégue jen' 'aléua.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.