Apocalipsis 19
19
1Ca'li ỹim dójo', qana'chi semachíỹa da' laviliỹáxac so' ỹátaqta sa lec'óxotolec siỹaxadipi chimaqpecot di' piỹem, 'enaac:
¡Si'ỹoxodénaq ñi' qan'étoqo't!
Qá'a da' nec'alaxa, ni'ỹoxodic, qataxa da' n'añaxac lalémaxaset jiñi'me.
2Qá'a jiñi'me ỹátaqta 'ónaxaiqa naua' le'uáanaxanaxaco qataxa 'eesoda.
Qá'a jiñi'me ỹa'uo da' ne'uaxánaguec jaso' queséeguetaxai
'me n'áxat ỹima jen' huetalégue jen' 'aléua da' nequesesaxac,
qataxa ỹiseetenguet jaso'me ỹasouaxat da' nalaataguec jen'me lamaxa'spi jiñi'me.
3Ỹim, qataxa n'iỹílaxaseguem jesójo' naviliỹáxac 'enaac:
—¡Si'ỹoxodénaq qomle ñi' qan'étoqo't! Qá'a jan' nemála' da' nec'ataguec di' noic let'ádaic, jidi'me qaỹa 'te loiquiaqa' da' nichítapiiseguem.
4Qana'chi so' veinticuatro nasoxonecpi qataxa saua' cuatro síiỹac, jesaa'me naqpaxaateguet jen' 'aléua. Qana'chi ỹi'ỹoxode'n ñi' Dios 'me nétanỹi jaso' nes'ónaxaqui da' net'a, 'enaac:
—¡Já'a, na'chi naq'áita dójo'! ¡Si'ỹoxodénaq ñi'me qan'étoqo't!
5Qana'chi semachíỹa so' naviliỹáxac chimaqpeelégue so' s'ónaqa', 'enaac:
'Avi'ỹoxodíñii qomle ñi' qadet'a Dios,
'ademíỹa 'me 'au'onataxañiitapecot,
qataxa ỹátaqta 'aualaqaiỹet jiñi'me,
'ademíỹa 'ami cale'tolqa qataxa 'ami 'me let'ádaiqa.
Da' naq'áita da' l'onáxac so' n'aanaxate c'óxot
6Nataq'en semachít'a da' l'aqtac na' 'ená'am jalcote siỹaxadipi, qataxa 'ená'am da' lesamaxa na' l'auáxac let'ádaic qataxa jaso' qasoxonaxa, 'enaac:
¡Si'ỹoxodénataxanaq!
Qá'a ỹivíta di' lalóqo' da' ỹilo'ogue ỹimata'a'téna jiñi'me qadasoxola' Dios 'me qaỹa 'te ga' ỹaqalánaac.
7Ỹátaqta qo'mi madet'ape, ñitónaqtapiỹe't, qataxa si'ỹoxodénaq jiñi'me,
qá'a ma'le ỹivíta di' lalóqo' da' huó'on ñi' n'aanaxate c'óxot.
Jañi' loua ma'le sóxote da' niỹamaxateta't,
8jañi'me qoỹaséet'em da' né'et da' ỹaadíñi naua' 'ónaxaiqa louo chiỹaqaỹilo na' lino.
Jenaa'me ỹoqovíte' qataxa ỹaqaséle'j.
Qá'a jen' noxot 'me chiỹaqaỹi na' lino, jen'me na'chi náỹi jeda'me l'óiỹaxac ỹoqovíta ga' lalémaxasetpi ñi' Dios.
9Qana'chi jeso'me namaxasec jaỹim 'enapéga, 'enaac:
—'Audíñi qomle da' 'éeta: “Ỹátaqta mátac qomle jen' qoỹiỹáxana da' huétauo ga' l'onáxac so'me n'aanaxate c'óxot.”
Qana'chi ỹitaxa jaỹim 'enapéga, 'enaac:
—Dójo' l'aqtac ñi' Dios, jeda'me ỹátaqta 'eesa.
10Qana'chi jaỹim sesocoto naua' ỹiliicte, da' qaidi si'ỹoxoden jeso'me namaxasec. Qaláxasa jeso'me jaỹim 'enapéga, 'enaac:
—'Ena't da' 'auét'ec dójo'. Qá'a jaỹim 'chi jaỹim lamaxasec ñi' Dios. Na'chi'am sená'am, qataxa ỹima jen'me 'adaỹi 'me ỹátaqta quetelóo'te naua' l'aqtaxanaxaco 'me 'eesoda so' Jesús. Naqaiñi ñi'me Dios 'me 'avi'ỹoxoden.
Qá'a dójo' l'aqtaxanaxac so' Jesús, jeda'me naqaida da' ỹ'añaqtet jen'me ỹ'axátet'ape naua' l'aqtaqa ñi'me Dios.
Jeso'me netalégue so' pegaq pagaxaic
11Huá'a, qana'chi selosée'mec di' piỹem n'ouátetaiỹi, qana'chi naloxon so' pegaq pagaxaic. Jeso'me netalégue lenaxat ỹipaquichiilo naua' l'aqtaqa qataxa 'eesoda. Da' nelóiquiaxac ỹiỹamqáchiiñi da' net'a qataxa da' nimit jen' siỹaxadipi. 12Naua' l'ai'te ỹátaqta 'edañiilo, 'ena'ama jen' dóle' l'edáxa. Jen' laqaic nétaỹi jana' ỹátaqta jalcote naxa'do jen' net'a. Jeso'me lenaxat 'me nedétañi, na'chisóta jeso'me ỹaỹáten. 13Jeso'me saua' ỹáatrañi louo ỹátaqta huaỹilo jan' netauo'. Qataxa da' lenaxat jeso'me 'eet'oi: L'aqtac ñi' Dios. 14Jeso'me na'chi ỹic'atetalégue so' nesoxonaqapi piỹem lé'ecpi, 'me ỹáatañi na' loxot 'me chiỹaqaỹilo na' 'ónaxaic lino, ỹátaqta ỹapaga't qataxa ỹoqovíta, qataxa netalégue so' pegadipi pagaxaicpi. 15Jeso'me lenaxat L'aqtac ñi' Dios nétaaue so' nedégaxat so' legaxanaxat ỹátaqta ỹaic, da' qaidi ỹidó'oc jen' ỹodapecachi siỹaxadipi da' ỹi'quemaqtet. Qataxa qaidi qomle da' net'a ỹauót'ai ga' lamaxasóxonaxat laicaua. Jeso'me 'ená'am ga' nesom na' lí'i jan' uva da' ỹa'uo ga' ne'uaxánaguequéna, qataxa da' niỹómaxanataxanỹi jega'me 'ená'am jen' nedot'a't latáxa 'me naqaida da' qaỹa 'te ga' 'ená'am da' lichic lalemataic ñi' Dios, 'me qaỹa 'te ga' ỹaqalánaac. 16Qataxa jeso'me so' lapoto qataxa na' lo'teta nedetalégue so' lenaxat, 'eet'oi: Let'a na' net'alpi qataxa lasoxola' na' nasoxola'pi.
17Ỹim, qataxa selá'a so' namaxasec piỹem lé'ec petalégue jaso' c'atena. Qana'chi ỹátaqta netenec da' liỹáxanaxac da' ỹiỹáxana ỹima na' maỹo'pi 'me huaỹotalégue di' piỹem, 'enaac:
—'Aỹaláỹi, 'ademi'ỹa't, da' qaidi 'aualiquiiuó'o ga' niqui'ỹáxac let'ádaic 'me ỹaqátaxata't ñi'me Dios, 18da' qaidi 'aualíquii na' lapat jen' net'alpi, qataxa na' huataxanaq let'alpi, qataxa na' 'uañaxaicpi, qataxa na' lapat na' pegadipi qataxa jen' netalégue, qataxa ỹima na' siỹaxadipi, temaqaidi ga' nelatac 'uootaxa sa 'te nelatac, temaqaidi ga' let'ádaic 'uootaxa ga' sa léca.
19Qana'chi selá'a jeso'me sega'me ñaxadiaq qataxa na' net'alpi 'me huetalégue jen' 'aléua qataxa ỹima na' nesoxonaqapi. Jen'me ỹima'a't, da' qaidi qodelóiỹi'ỹi' jeso'me netalégue so' pegaq qataxa so' nesoxonaqapi. 20Jeso'me síiỹac, qaamaxa qoỹicoñi', nataq'en so' 'enapeela't l'aqtáxanaxanec ñi' Dios 'me ỹ'étetac jen' n'anecpi 'me sa di'ỹoq da' qaidi qoỹ'amaqten so' síiỹac. Chiỹaqaỹi jen' n'anecpi jeso'me 'enapeela't da' n'aqtáxanaxanec da' ỹoqovin jen'me naseet'eguet jaso' l'anaxanaqte so' síiỹac, qataxa da' ỹi'ỹoxoden so' nadénaqtac liquí'i. Jeso' síiỹac qataxa jeso'me 'enapeela't da' n'aqtáxanaxanec, jesaa'me na'chi nec'alétraiỹi qoỹi'n da' qoỹasaxádinỹi so' dóle' let'ádaic 'me huá'ña da' ỹavíctaaue so' sega'me huosac l'atec. 21Jeso'me laỹi, qaa'le ỹima qoỹalaat, qoỹidó'oc so' legaxanaxat 'me nétaaue so' nedégaxat jeso'me netalégue so' pegaq. Qana'chi ỹima jeso'me maỹo'pi ỹátaqta nodáxaicpi, ỹasouaxat so' lapat jeso'me nalaatacpi.
Currently Selected:
Apocalipsis 19: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Apocalipsis 19
19
1Ca'li ỹim dójo', qana'chi semachíỹa da' laviliỹáxac so' ỹátaqta sa lec'óxotolec siỹaxadipi chimaqpecot di' piỹem, 'enaac:
¡Si'ỹoxodénaq ñi' qan'étoqo't!
Qá'a da' nec'alaxa, ni'ỹoxodic, qataxa da' n'añaxac lalémaxaset jiñi'me.
2Qá'a jiñi'me ỹátaqta 'ónaxaiqa naua' le'uáanaxanaxaco qataxa 'eesoda.
Qá'a jiñi'me ỹa'uo da' ne'uaxánaguec jaso' queséeguetaxai
'me n'áxat ỹima jen' huetalégue jen' 'aléua da' nequesesaxac,
qataxa ỹiseetenguet jaso'me ỹasouaxat da' nalaataguec jen'me lamaxa'spi jiñi'me.
3Ỹim, qataxa n'iỹílaxaseguem jesójo' naviliỹáxac 'enaac:
—¡Si'ỹoxodénaq qomle ñi' qan'étoqo't! Qá'a jan' nemála' da' nec'ataguec di' noic let'ádaic, jidi'me qaỹa 'te loiquiaqa' da' nichítapiiseguem.
4Qana'chi so' veinticuatro nasoxonecpi qataxa saua' cuatro síiỹac, jesaa'me naqpaxaateguet jen' 'aléua. Qana'chi ỹi'ỹoxode'n ñi' Dios 'me nétanỹi jaso' nes'ónaxaqui da' net'a, 'enaac:
—¡Já'a, na'chi naq'áita dójo'! ¡Si'ỹoxodénaq ñi'me qan'étoqo't!
5Qana'chi semachíỹa so' naviliỹáxac chimaqpeelégue so' s'ónaqa', 'enaac:
'Avi'ỹoxodíñii qomle ñi' qadet'a Dios,
'ademíỹa 'me 'au'onataxañiitapecot,
qataxa ỹátaqta 'aualaqaiỹet jiñi'me,
'ademíỹa 'ami cale'tolqa qataxa 'ami 'me let'ádaiqa.
Da' naq'áita da' l'onáxac so' n'aanaxate c'óxot
6Nataq'en semachít'a da' l'aqtac na' 'ená'am jalcote siỹaxadipi, qataxa 'ená'am da' lesamaxa na' l'auáxac let'ádaic qataxa jaso' qasoxonaxa, 'enaac:
¡Si'ỹoxodénataxanaq!
Qá'a ỹivíta di' lalóqo' da' ỹilo'ogue ỹimata'a'téna jiñi'me qadasoxola' Dios 'me qaỹa 'te ga' ỹaqalánaac.
7Ỹátaqta qo'mi madet'ape, ñitónaqtapiỹe't, qataxa si'ỹoxodénaq jiñi'me,
qá'a ma'le ỹivíta di' lalóqo' da' huó'on ñi' n'aanaxate c'óxot.
Jañi' loua ma'le sóxote da' niỹamaxateta't,
8jañi'me qoỹaséet'em da' né'et da' ỹaadíñi naua' 'ónaxaiqa louo chiỹaqaỹilo na' lino.
Jenaa'me ỹoqovíte' qataxa ỹaqaséle'j.
Qá'a jen' noxot 'me chiỹaqaỹi na' lino, jen'me na'chi náỹi jeda'me l'óiỹaxac ỹoqovíta ga' lalémaxasetpi ñi' Dios.
9Qana'chi jeso'me namaxasec jaỹim 'enapéga, 'enaac:
—'Audíñi qomle da' 'éeta: “Ỹátaqta mátac qomle jen' qoỹiỹáxana da' huétauo ga' l'onáxac so'me n'aanaxate c'óxot.”
Qana'chi ỹitaxa jaỹim 'enapéga, 'enaac:
—Dójo' l'aqtac ñi' Dios, jeda'me ỹátaqta 'eesa.
10Qana'chi jaỹim sesocoto naua' ỹiliicte, da' qaidi si'ỹoxoden jeso'me namaxasec. Qaláxasa jeso'me jaỹim 'enapéga, 'enaac:
—'Ena't da' 'auét'ec dójo'. Qá'a jaỹim 'chi jaỹim lamaxasec ñi' Dios. Na'chi'am sená'am, qataxa ỹima jen'me 'adaỹi 'me ỹátaqta quetelóo'te naua' l'aqtaxanaxaco 'me 'eesoda so' Jesús. Naqaiñi ñi'me Dios 'me 'avi'ỹoxoden.
Qá'a dójo' l'aqtaxanaxac so' Jesús, jeda'me naqaida da' ỹ'añaqtet jen'me ỹ'axátet'ape naua' l'aqtaqa ñi'me Dios.
Jeso'me netalégue so' pegaq pagaxaic
11Huá'a, qana'chi selosée'mec di' piỹem n'ouátetaiỹi, qana'chi naloxon so' pegaq pagaxaic. Jeso'me netalégue lenaxat ỹipaquichiilo naua' l'aqtaqa qataxa 'eesoda. Da' nelóiquiaxac ỹiỹamqáchiiñi da' net'a qataxa da' nimit jen' siỹaxadipi. 12Naua' l'ai'te ỹátaqta 'edañiilo, 'ena'ama jen' dóle' l'edáxa. Jen' laqaic nétaỹi jana' ỹátaqta jalcote naxa'do jen' net'a. Jeso'me lenaxat 'me nedétañi, na'chisóta jeso'me ỹaỹáten. 13Jeso'me saua' ỹáatrañi louo ỹátaqta huaỹilo jan' netauo'. Qataxa da' lenaxat jeso'me 'eet'oi: L'aqtac ñi' Dios. 14Jeso'me na'chi ỹic'atetalégue so' nesoxonaqapi piỹem lé'ecpi, 'me ỹáatañi na' loxot 'me chiỹaqaỹilo na' 'ónaxaic lino, ỹátaqta ỹapaga't qataxa ỹoqovíta, qataxa netalégue so' pegadipi pagaxaicpi. 15Jeso'me lenaxat L'aqtac ñi' Dios nétaaue so' nedégaxat so' legaxanaxat ỹátaqta ỹaic, da' qaidi ỹidó'oc jen' ỹodapecachi siỹaxadipi da' ỹi'quemaqtet. Qataxa qaidi qomle da' net'a ỹauót'ai ga' lamaxasóxonaxat laicaua. Jeso'me 'ená'am ga' nesom na' lí'i jan' uva da' ỹa'uo ga' ne'uaxánaguequéna, qataxa da' niỹómaxanataxanỹi jega'me 'ená'am jen' nedot'a't latáxa 'me naqaida da' qaỹa 'te ga' 'ená'am da' lichic lalemataic ñi' Dios, 'me qaỹa 'te ga' ỹaqalánaac. 16Qataxa jeso'me so' lapoto qataxa na' lo'teta nedetalégue so' lenaxat, 'eet'oi: Let'a na' net'alpi qataxa lasoxola' na' nasoxola'pi.
17Ỹim, qataxa selá'a so' namaxasec piỹem lé'ec petalégue jaso' c'atena. Qana'chi ỹátaqta netenec da' liỹáxanaxac da' ỹiỹáxana ỹima na' maỹo'pi 'me huaỹotalégue di' piỹem, 'enaac:
—'Aỹaláỹi, 'ademi'ỹa't, da' qaidi 'aualiquiiuó'o ga' niqui'ỹáxac let'ádaic 'me ỹaqátaxata't ñi'me Dios, 18da' qaidi 'aualíquii na' lapat jen' net'alpi, qataxa na' huataxanaq let'alpi, qataxa na' 'uañaxaicpi, qataxa na' lapat na' pegadipi qataxa jen' netalégue, qataxa ỹima na' siỹaxadipi, temaqaidi ga' nelatac 'uootaxa sa 'te nelatac, temaqaidi ga' let'ádaic 'uootaxa ga' sa léca.
19Qana'chi selá'a jeso'me sega'me ñaxadiaq qataxa na' net'alpi 'me huetalégue jen' 'aléua qataxa ỹima na' nesoxonaqapi. Jen'me ỹima'a't, da' qaidi qodelóiỹi'ỹi' jeso'me netalégue so' pegaq qataxa so' nesoxonaqapi. 20Jeso'me síiỹac, qaamaxa qoỹicoñi', nataq'en so' 'enapeela't l'aqtáxanaxanec ñi' Dios 'me ỹ'étetac jen' n'anecpi 'me sa di'ỹoq da' qaidi qoỹ'amaqten so' síiỹac. Chiỹaqaỹi jen' n'anecpi jeso'me 'enapeela't da' n'aqtáxanaxanec da' ỹoqovin jen'me naseet'eguet jaso' l'anaxanaqte so' síiỹac, qataxa da' ỹi'ỹoxoden so' nadénaqtac liquí'i. Jeso' síiỹac qataxa jeso'me 'enapeela't da' n'aqtáxanaxanec, jesaa'me na'chi nec'alétraiỹi qoỹi'n da' qoỹasaxádinỹi so' dóle' let'ádaic 'me huá'ña da' ỹavíctaaue so' sega'me huosac l'atec. 21Jeso'me laỹi, qaa'le ỹima qoỹalaat, qoỹidó'oc so' legaxanaxat 'me nétaaue so' nedégaxat jeso'me netalégue so' pegaq. Qana'chi ỹima jeso'me maỹo'pi ỹátaqta nodáxaicpi, ỹasouaxat so' lapat jeso'me nalaatacpi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.