Apocalipsis 17
17
Da' ne'uaxánaguec jaso' ỹauo queséeguetaxai
1Qana'chi so' 'oonolec saua' siete namaxa's piỹem lase' 'me lasoqot'alo saua' siete ỹómaxaqui', jeso'me janac. Qana'chi jaỹim 'enapéga, 'enaac:
—'Aỹala, ỹa 'am saloxóna da' ne'uaxánaguec jañi' ỹauo 'me ỹátaqta queséeguetaxai 'me netalégue jan' huaxai. 2Jen' net'alpi 'me ỹilotalégue na' huetalégue jen' 'aléua, jen'me ỹátaqta nequesesétapegue' jañi'me. Jen' huetalégue jen' 'aléua, qaa'le ỹátaqta ỹaqachíchiỹi da' nequeséeguetaxa, 'ená'am da' 'uootaxa qonỹómaxanỹi ga' latáxa.
3Ca'li maliaxa souétaaue so' ỹiuoqtaxanaxac 'me jaỹim ỹanem so' Espíritu Santo, qana'chi so' namaxasec jaỹim ỹauéga so' totelégue 'aléua. Huá'a jeso'me, qana'chi selá'a jaso' ỹauo netalégue so' síiỹac tóomaxadaic 'me nedetalégue ỹima jen' ló'oc na' nenaxatpi 'me ỹátaqta nep'agué'ne' ñi' Dios. Jeso'me síiỹac siete naua' laqai'go, qataxa diez jan' lepee. 4Jaso'me ỹauo da' l'óiỹaxa'j naua' louo, qaa'le ỹalcapíỹi tóomaxadaic na' málaxadaic qataxa na' tóomaxadaic. Qataxa jen' n'étaxatpi nedóteegue oro qataxa jen' qasélgaxadaic qa' qataxa jen' perla. Qana'chi jaso'me lasóqot'a jaso' ỹómaxaqui 'me oro. Jaso'me ỹómaxaqui ỹátaqta saqáchiỹi jen'me ỹí'et da' naqaigaxa qataxa jen'me sega'me lesepaxanaxa jeda'me nequesesaxac. 5Qataxa jaso'me nedetalégue na' latap so' nenaxat 'me sa di'ỹoq ga' náỹi. 'Éetojo': “Jen'me ỹátaqta p'asáiỹi Babilonia, naqána jan' lat'e jan' queséeguetaxai qataxa ỹima jen'me ỹí'et da' naqaigaxa 'me huetalégue jen' 'aléua.” 6Ca'li ỹim, qana'chi jaỹim sanóm'a da' taxai jasójo' ỹauo. Jaso'me ỹotaxam jan' letauo' jen'me lalémaxasetpi ñi' Dios qataxa jen'me nalaatacpi ỹasouaxat da' ỹ'axátetac so' Jesús. Ca'li sauáachiỹi dójo', qana'chi ỹátaqta s'aalát'ec. 7Qana'chi jeso'me namaxasec jaỹim 'enapéga, 'enaac:
—¿Tóoqo'chi da' ỹátaqta 'au'aaláta? Naỹi 'am s'axátem jeda'me náỹi sa di'ỹoq jañi'me ỹauo qataxa jidi'me síiỹac 'me netalégue, di' siete na' laqaic qataxa diez jan' lepee. 8Jidi'me síiỹac 'me 'auauáachiỹi, jidi'me joca'li maliaxa nec'alétaiỹi, qaláxasa naỹi ma'le qaỹa. Qaláxasa jidi'me ỹitaxa nenoxooséguem qomle da' chiỹaqá'ña ga' lapónaqa' na' napa'lpi, qomle ỹamtaa'le ỹivíta ga' ỹátaqta loiquiaqa'. Huá'a qomle, qana'chi jen' huetalégue jen' 'aléua 'me sa qoỹidé'uo jaga'me lemalate jen' qonec'alaxatéegue joca'li maliaxa qaỹa jen' 'aléua, qana'chi jen'me ỹátaqta 'uo da' ỹ'aalát'ec qomle ỹilá'a jeso'me síiỹac 'me nec'alétaiỹi joca'li, qaláxasa ma'le qaỹa, qaláxasa ỹitaxa ỹipaquet'egue qomle da' nec'aléegue.
9Dójo' s'axátetac naỹi, jeda'me ỹiuen ga' naỹátenaxanaxac, da' qaidi qoỹaỹáten, 'eet'oi: Da' nauójo' siete laqai'go, jenaa'me naỹilo naua' siete comadelóo'te 'me netalóo'te jañi'me ỹauo. 10Qataxa nataq'en nauójo' naqai'go, jenaa'me na'chi naỹilo naua' siete net'al. Cinco saua' ma'le qaỹaua náajo' net'al. 'Oonolec naỹi jiñi'me d'onataxáatac. Jega' laqáỹa, qaa'le maliaxa nata't. Qomle nóvi' jega'me p'áteegue, qaa'le sa huaỹáloq qomle da' ỹiméta. 11Jeso'me síiỹac 'me nec'alétaiỹi joca'li, qaláxasa ma'le qaỹa, jeso'me naqaiso so' p'áteegue qom'chi jen'me net'alpi. Qaláxasa jeso'me naqaiso so' mai'chi 'oonolec jen' siete net'alpi. Qomle ỹim, qana'chi jeso'me ỹivíta ga' ỹátaqta loiquiaqa'.
12Saua' diez lepeel 'me 'auauáachiilo, jesaa'me naỹilo gaua' diez net'al 'me maliaxa sa d'onataxa'n da' net'al. Qaláxasa jegaa'me ỹacooteguet qomle da' lamaxasóxonaxa'j da' net'al, nataq'en so' síiỹac, qaa'le ỹóvi' una hora. 13Jegaa'me diez net'al ỹátaqta 'oonolec qomle da' leenataxac, qana'chi ỹanem da' l'añaxac qataxa da' lamaxasóxonaxac da' qaidi lasoxola' ga' síiỹac. 14Qana'chi jen'me delóiỹi'ỹi' qomle so' n'aanaxate lec'óxot. Qaláxasa jeso'me loxonec qomle jen'me, qá'a jeso'me naqaiso so' lasoxola' na' nasoxola'pi qataxa let'a jen' net'alpi. Qataxa na' huet'asop jeso'me naqáina jen'me ỹátaqta qoỹiỹáxana qataxa liquiỹacpi ñi' Dios. Qataxa jen'me quétapegue' jeso'me.
15Qana'chi so' namaxasec qataxa jaỹim 'enapéga, 'enaac:
—Jánjo' huaxai 'me 'aulót'a, jan'me netalégue jañi' ỹauo 'me queséeguetaxai, jan'me naqáina na' ỹodapecachi siỹaxadipi 'me ỹodapecachi na' l'aqtacpi. 16Jánjo' diez lepee 'me 'auauáachiỹi jeso'me síiỹac, jen'me qomle ỹátaqta niquiỹá'a qomle jañi'me queséeguetaxai. Qana'chi ỹátaqta qoỹiimapega't, qataxa qoỹisaléuaxat'ague, qataxa qoỹalic na' lapat qataxa qoỹachánỹi na' dóle' da' qoỹauot. 17Qá'a naqaiñi ñi' Dios 'me ỹachá'ñiita naua' liquidiaqtel jen'me da' ỹí'et jega'me 'éetapeec jiñi'me, da' 'oonolec qa'en da' leenataxac jen'me, da' qaidi ỹanaỹi da' lamaxasóxonaxac da' net'a jeso'me síiỹac, cha ỹivíde'ta da' ỹipaquíchiỹi ỹima jen'me detaxaỹá'a ñi' Dios. 18Jaso'me ỹauo 'me 'auauáachiỹi, naqaidi jidi'me noic let'ádaic 'me ỹilo'ogue ỹima jen' net'alpi 'me huetalégue jen' 'aléua.
Currently Selected:
Apocalipsis 17: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Apocalipsis 17
17
Da' ne'uaxánaguec jaso' ỹauo queséeguetaxai
1Qana'chi so' 'oonolec saua' siete namaxa's piỹem lase' 'me lasoqot'alo saua' siete ỹómaxaqui', jeso'me janac. Qana'chi jaỹim 'enapéga, 'enaac:
—'Aỹala, ỹa 'am saloxóna da' ne'uaxánaguec jañi' ỹauo 'me ỹátaqta queséeguetaxai 'me netalégue jan' huaxai. 2Jen' net'alpi 'me ỹilotalégue na' huetalégue jen' 'aléua, jen'me ỹátaqta nequesesétapegue' jañi'me. Jen' huetalégue jen' 'aléua, qaa'le ỹátaqta ỹaqachíchiỹi da' nequeséeguetaxa, 'ená'am da' 'uootaxa qonỹómaxanỹi ga' latáxa.
3Ca'li maliaxa souétaaue so' ỹiuoqtaxanaxac 'me jaỹim ỹanem so' Espíritu Santo, qana'chi so' namaxasec jaỹim ỹauéga so' totelégue 'aléua. Huá'a jeso'me, qana'chi selá'a jaso' ỹauo netalégue so' síiỹac tóomaxadaic 'me nedetalégue ỹima jen' ló'oc na' nenaxatpi 'me ỹátaqta nep'agué'ne' ñi' Dios. Jeso'me síiỹac siete naua' laqai'go, qataxa diez jan' lepee. 4Jaso'me ỹauo da' l'óiỹaxa'j naua' louo, qaa'le ỹalcapíỹi tóomaxadaic na' málaxadaic qataxa na' tóomaxadaic. Qataxa jen' n'étaxatpi nedóteegue oro qataxa jen' qasélgaxadaic qa' qataxa jen' perla. Qana'chi jaso'me lasóqot'a jaso' ỹómaxaqui 'me oro. Jaso'me ỹómaxaqui ỹátaqta saqáchiỹi jen'me ỹí'et da' naqaigaxa qataxa jen'me sega'me lesepaxanaxa jeda'me nequesesaxac. 5Qataxa jaso'me nedetalégue na' latap so' nenaxat 'me sa di'ỹoq ga' náỹi. 'Éetojo': “Jen'me ỹátaqta p'asáiỹi Babilonia, naqána jan' lat'e jan' queséeguetaxai qataxa ỹima jen'me ỹí'et da' naqaigaxa 'me huetalégue jen' 'aléua.” 6Ca'li ỹim, qana'chi jaỹim sanóm'a da' taxai jasójo' ỹauo. Jaso'me ỹotaxam jan' letauo' jen'me lalémaxasetpi ñi' Dios qataxa jen'me nalaatacpi ỹasouaxat da' ỹ'axátetac so' Jesús. Ca'li sauáachiỹi dójo', qana'chi ỹátaqta s'aalát'ec. 7Qana'chi jeso'me namaxasec jaỹim 'enapéga, 'enaac:
—¿Tóoqo'chi da' ỹátaqta 'au'aaláta? Naỹi 'am s'axátem jeda'me náỹi sa di'ỹoq jañi'me ỹauo qataxa jidi'me síiỹac 'me netalégue, di' siete na' laqaic qataxa diez jan' lepee. 8Jidi'me síiỹac 'me 'auauáachiỹi, jidi'me joca'li maliaxa nec'alétaiỹi, qaláxasa naỹi ma'le qaỹa. Qaláxasa jidi'me ỹitaxa nenoxooséguem qomle da' chiỹaqá'ña ga' lapónaqa' na' napa'lpi, qomle ỹamtaa'le ỹivíta ga' ỹátaqta loiquiaqa'. Huá'a qomle, qana'chi jen' huetalégue jen' 'aléua 'me sa qoỹidé'uo jaga'me lemalate jen' qonec'alaxatéegue joca'li maliaxa qaỹa jen' 'aléua, qana'chi jen'me ỹátaqta 'uo da' ỹ'aalát'ec qomle ỹilá'a jeso'me síiỹac 'me nec'alétaiỹi joca'li, qaláxasa ma'le qaỹa, qaláxasa ỹitaxa ỹipaquet'egue qomle da' nec'aléegue.
9Dójo' s'axátetac naỹi, jeda'me ỹiuen ga' naỹátenaxanaxac, da' qaidi qoỹaỹáten, 'eet'oi: Da' nauójo' siete laqai'go, jenaa'me naỹilo naua' siete comadelóo'te 'me netalóo'te jañi'me ỹauo. 10Qataxa nataq'en nauójo' naqai'go, jenaa'me na'chi naỹilo naua' siete net'al. Cinco saua' ma'le qaỹaua náajo' net'al. 'Oonolec naỹi jiñi'me d'onataxáatac. Jega' laqáỹa, qaa'le maliaxa nata't. Qomle nóvi' jega'me p'áteegue, qaa'le sa huaỹáloq qomle da' ỹiméta. 11Jeso'me síiỹac 'me nec'alétaiỹi joca'li, qaláxasa ma'le qaỹa, jeso'me naqaiso so' p'áteegue qom'chi jen'me net'alpi. Qaláxasa jeso'me naqaiso so' mai'chi 'oonolec jen' siete net'alpi. Qomle ỹim, qana'chi jeso'me ỹivíta ga' ỹátaqta loiquiaqa'.
12Saua' diez lepeel 'me 'auauáachiilo, jesaa'me naỹilo gaua' diez net'al 'me maliaxa sa d'onataxa'n da' net'al. Qaláxasa jegaa'me ỹacooteguet qomle da' lamaxasóxonaxa'j da' net'al, nataq'en so' síiỹac, qaa'le ỹóvi' una hora. 13Jegaa'me diez net'al ỹátaqta 'oonolec qomle da' leenataxac, qana'chi ỹanem da' l'añaxac qataxa da' lamaxasóxonaxac da' qaidi lasoxola' ga' síiỹac. 14Qana'chi jen'me delóiỹi'ỹi' qomle so' n'aanaxate lec'óxot. Qaláxasa jeso'me loxonec qomle jen'me, qá'a jeso'me naqaiso so' lasoxola' na' nasoxola'pi qataxa let'a jen' net'alpi. Qataxa na' huet'asop jeso'me naqáina jen'me ỹátaqta qoỹiỹáxana qataxa liquiỹacpi ñi' Dios. Qataxa jen'me quétapegue' jeso'me.
15Qana'chi so' namaxasec qataxa jaỹim 'enapéga, 'enaac:
—Jánjo' huaxai 'me 'aulót'a, jan'me netalégue jañi' ỹauo 'me queséeguetaxai, jan'me naqáina na' ỹodapecachi siỹaxadipi 'me ỹodapecachi na' l'aqtacpi. 16Jánjo' diez lepee 'me 'auauáachiỹi jeso'me síiỹac, jen'me qomle ỹátaqta niquiỹá'a qomle jañi'me queséeguetaxai. Qana'chi ỹátaqta qoỹiimapega't, qataxa qoỹisaléuaxat'ague, qataxa qoỹalic na' lapat qataxa qoỹachánỹi na' dóle' da' qoỹauot. 17Qá'a naqaiñi ñi' Dios 'me ỹachá'ñiita naua' liquidiaqtel jen'me da' ỹí'et jega'me 'éetapeec jiñi'me, da' 'oonolec qa'en da' leenataxac jen'me, da' qaidi ỹanaỹi da' lamaxasóxonaxac da' net'a jeso'me síiỹac, cha ỹivíde'ta da' ỹipaquíchiỹi ỹima jen'me detaxaỹá'a ñi' Dios. 18Jaso'me ỹauo 'me 'auauáachiỹi, naqaidi jidi'me noic let'ádaic 'me ỹilo'ogue ỹima jen' net'alpi 'me huetalégue jen' 'aléua.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.