Apocalipsis 16
16
Jesaa'me sega'me ỹómaxaqui' huetaỹilo naua' le'uáanaxanaxaco ñi' Dios
1Qana'chi semachíỹa so' naviliỹáxac ỹátaqta ỹisam, chimaqpégooue so' tamnaxaqui da' 'enapegalo jesaa'me siete namaxa's piỹem lase', 'enáacjo':
—'Aucolóliita qomle, 'aucodiilégue na' 'aléua naua' siete ỹómaxaqui' 'me huetaỹilo na' qaỹa 'te ga' 'ená'am da' lichic le'uáanaxanaxac ñi' Dios.
2Qana'chi jec jeso'me 'uáichiiñi namaxasec da' ỹicodelégue jen' 'aléua. Qana'chi ỹima jen' siỹaxadipi 'me 'uo jan' n'anaxasete 'me chiỹoqo'ot so' síiỹac qataxa netameetapecot jeso'me nadénaqtac liquí'i, qana'chi jen'me naséguem na' ló'oc na' ỹátaqta sa qamáta lisiquiaxa qataxa ỹátaqta co'ỹaq.
3Qataxa jec so' namaxasec laqáỹa da' ỹicodínỹi jaso' huaxai. Qana'chi so' lé'ec noxop jaso'me taỹá'a jen' 'ená'am jan' letauo' ga' napa'l. Qana'chi ỹileem jen'me te'me nec'alétaiỹi 'me huétaaue na' noxop.
4Qataxa jec so' namaxasec laqáỹa da' ỹicodelégue jen' ñáchipi qataxa jen'me náatetaseguem na' lé'ec noxop. Qana'chi nataq'en na' noxop taỹá'a jan' netauo'. 5Ỹim, qataxa semachíỹa jeso'me namaxasec 'me ỹilotalégue na' noxop da' 'enaac:
—Ỹátaqta ỹiỹamqáchiiñi dójo' 'aué'et 'ade'uáanaxanaxac, 'am qadasoxola', 'am qantamnaxala' 'me 'am ỹoqovíta, 'am 'me 'au'onataxáatac naỹi qataxa na'chi'am 'me 'au'áichiiñi. 6Qá'a 'anỹómaxanỹi jana' netauo' na' siỹaxadipi 'itaxalóxoicpi, qá'a jen'me ỹátaqta tasa'aguet, qá'a jen'me ỹicodédeegue joca'li naua' letauo' na' 'adalémaxasetpi qataxa na' ỹ'axátet'ape naua' 'ad'aqtaqa.
7Nataq'en 'uo so' semachíỹa chimaqpée'uo jaso' neco'ỹoxonaxalate 'enaac:
—Já'a, 'am qadasoxola', 'am qantamnaxala' 'me qaỹa 'te ga' 'auqalánaac, 'am ỹátaqta 'eesoda naua' 'ade'uáanaxanaxaco qataxa n'ooteelo.
8Qataxa jec so' namaxasec laqáỹa piỹem lé'ec da' ỹicodelégue jaso' c'atena. Qana'chi qoỹanem jaso' c'atena da' l'añaxac, da' qaidi na' l'edáxa ỹañoxot da' ỹavíỹaxat na' ló'oc na' siỹaxadipi. 9Ỹátaqta sa l'áxaic da' ỹavic ỹima na' siỹaxadipi na' ló'oc. Qaláxasa jen'me sa 'te da' ỹaxadíñi naua' loico, qataxa sa ỹi'ỹoxoden ñi' Dios. Na'chidáta da' ỹátaqta ỹisouéetac jiñi'me, 'me ỹañoxot da' ỹamaqa'pe naua' napite'nádi.
10Qataxa jec so' namaxasec laqáỹa da' ỹicodelégue so' nes'ónaqa' so' síiỹac, qana'chi ỹima jen' ỹilot'ague jeso'me ỹátaqta n'áltapiỹi. Qana'chi na' siỹaxadipi ỹátaqta ỹipaxachiỹi na' lacháxat ỹasouaxat da' laỹaliaxa. 11Qaláxasa na' siỹaxadipi na'chi 'ená'am sa ỹaxañi jen' sa nó'inpi 'me ỹ'étetac. Na'chidáta da' ỹátaqta ỹisouéetac ñi' Dios 'me netalégue di' piỹem ỹasouaxat da' laỹaliaxa qataxa jen' lisiquiaxa.
12Qataxa jec so' namaxasec laqáỹa da' ỹicodínỹi so' ñáchi let'ádaic lenaxat Eufrates. Huá'a, qana'chi 'em so' lé'ec noxop so' ñáchi, da' qaidi ỹ'ouategue na' ladic so' net'alpi 'me chiỹaqa'ague da' liiséguem jaso' c'atena.
13Huá'a, qana'chi sauáachiỹi na' nedégaxat so' sega'me ñaxadiaq, qataxa so' síiỹac, qataxa so' 'enapeela't da' l'aqtáxanaxanec ñi' Dios, da' chiỹaqaavlo saua' tres nase' nataqtáqaiqa, 'ena'ama jan' petaỹo. 14Jesaa'me naqaisaua saua' lamaxa's so' qadó'o paiỹac 'me ỹ'étetac jen' n'anec 'me sa qoỹauanápiỹi. Jesaa'me ỹinoxodéegue, qaidi lapona't ỹima na' net'alpi 'me huetalégue jen' 'aléua, da' ỹaqátaxata't da' delóiqui ga' nolo' 'me livídaxaqui da' ỹa'uo ga' le'uáanaxanaxac ñi' Dios 'me qaỹa 'te ga' ỹaqalánaac. 15So' qadesaliaxanec 'enaac: “Chana'píiỹa, ñanac qomle sa 'te da' jaỹim qoỹauáaque, sená'am ga' cacháxaic. Ỹátaqta mátac qomle jega'me nelótaiỹi qataxa ga' netela'alo gaua' louo, da' qaidi sa 'te da' saleet'ague, qana'chi na' siỹaxadipi ỹañoxot da' ỹilo'ot da' ló'oquiaxac.” 16Qana'chi jesaa'me nase' nataqtáqaiqa lapona't jen' net'alpi da' lapónaqa' qa'en so' 'aléua 'me naua' hebreo l'aqtaqa lenaxat Armagedón.
17Ỹitaxa jec so' p'áteegue saua' siete namaxa's piỹem lase' da' ỹicodelégue na' p'áseguem. Huá'a, qana'chi chiỹaqáaue so' tamnaxaqui piỹem lé'ec so' n'aqtac, ỹátaqta ỹisam, chiỹoqóchii'ña so' s'ónaqa', 'enaac:
—Ma'le sóxote da' ỹim.
18Qana'chi 'uo so' naqasélgaxa, nesamaxa, qataxa jaso' qasoxonaxa. Qana'chi jen' 'aléua ỹátaqta d'iqui, 'uo so' n'iquiaxa let'ádaic. Jeso'me ỹátaqta napacalégue ỹima jen' n'iquiaxapi 'me 'uo josii'chi ỹímta da' 'uo jen' siỹaxadipi jen' 'aléua. 19Qana'chi so' noic t'ádaic cosaỹi, jeso'me tres saua' lecosaxal. Qana'chi noláiñi ỹima so' noiqapi 'me netalégue jen' 'aléua. Huá'a, qana'chi ñi' Dios hueenata so' noic t'ádaic Babilonia, da' qaidi niỹómaxanỹi jeda'me qaỹa 'te ga' 'ená'am da' lichic le'uáanaxanaxac 'me ỹaqátaxata't da' ỹicodéegue da' lalemataic. 20Qana'chi ỹima jan' nepe qataxa jen' comadelégue, huá'a, qana'chi nimíchiiñi qomle. 21Nataq'en janac jaso' lachi lat'édai talégue na' siỹaxadipi. Jañi' 'oonole jaso'me ỹóvi' cuarenta kilo. Qaláxasa so' siỹaxadipi ỹátaqta ỹisouéetac ñi' Dios, ỹasouaxat jaso' lachi, qá'a ỹátaqta let'ádaic dójo' ne'uaxánaguec.
Currently Selected:
Apocalipsis 16: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Apocalipsis 16
16
Jesaa'me sega'me ỹómaxaqui' huetaỹilo naua' le'uáanaxanaxaco ñi' Dios
1Qana'chi semachíỹa so' naviliỹáxac ỹátaqta ỹisam, chimaqpégooue so' tamnaxaqui da' 'enapegalo jesaa'me siete namaxa's piỹem lase', 'enáacjo':
—'Aucolóliita qomle, 'aucodiilégue na' 'aléua naua' siete ỹómaxaqui' 'me huetaỹilo na' qaỹa 'te ga' 'ená'am da' lichic le'uáanaxanaxac ñi' Dios.
2Qana'chi jec jeso'me 'uáichiiñi namaxasec da' ỹicodelégue jen' 'aléua. Qana'chi ỹima jen' siỹaxadipi 'me 'uo jan' n'anaxasete 'me chiỹoqo'ot so' síiỹac qataxa netameetapecot jeso'me nadénaqtac liquí'i, qana'chi jen'me naséguem na' ló'oc na' ỹátaqta sa qamáta lisiquiaxa qataxa ỹátaqta co'ỹaq.
3Qataxa jec so' namaxasec laqáỹa da' ỹicodínỹi jaso' huaxai. Qana'chi so' lé'ec noxop jaso'me taỹá'a jen' 'ená'am jan' letauo' ga' napa'l. Qana'chi ỹileem jen'me te'me nec'alétaiỹi 'me huétaaue na' noxop.
4Qataxa jec so' namaxasec laqáỹa da' ỹicodelégue jen' ñáchipi qataxa jen'me náatetaseguem na' lé'ec noxop. Qana'chi nataq'en na' noxop taỹá'a jan' netauo'. 5Ỹim, qataxa semachíỹa jeso'me namaxasec 'me ỹilotalégue na' noxop da' 'enaac:
—Ỹátaqta ỹiỹamqáchiiñi dójo' 'aué'et 'ade'uáanaxanaxac, 'am qadasoxola', 'am qantamnaxala' 'me 'am ỹoqovíta, 'am 'me 'au'onataxáatac naỹi qataxa na'chi'am 'me 'au'áichiiñi. 6Qá'a 'anỹómaxanỹi jana' netauo' na' siỹaxadipi 'itaxalóxoicpi, qá'a jen'me ỹátaqta tasa'aguet, qá'a jen'me ỹicodédeegue joca'li naua' letauo' na' 'adalémaxasetpi qataxa na' ỹ'axátet'ape naua' 'ad'aqtaqa.
7Nataq'en 'uo so' semachíỹa chimaqpée'uo jaso' neco'ỹoxonaxalate 'enaac:
—Já'a, 'am qadasoxola', 'am qantamnaxala' 'me qaỹa 'te ga' 'auqalánaac, 'am ỹátaqta 'eesoda naua' 'ade'uáanaxanaxaco qataxa n'ooteelo.
8Qataxa jec so' namaxasec laqáỹa piỹem lé'ec da' ỹicodelégue jaso' c'atena. Qana'chi qoỹanem jaso' c'atena da' l'añaxac, da' qaidi na' l'edáxa ỹañoxot da' ỹavíỹaxat na' ló'oc na' siỹaxadipi. 9Ỹátaqta sa l'áxaic da' ỹavic ỹima na' siỹaxadipi na' ló'oc. Qaláxasa jen'me sa 'te da' ỹaxadíñi naua' loico, qataxa sa ỹi'ỹoxoden ñi' Dios. Na'chidáta da' ỹátaqta ỹisouéetac jiñi'me, 'me ỹañoxot da' ỹamaqa'pe naua' napite'nádi.
10Qataxa jec so' namaxasec laqáỹa da' ỹicodelégue so' nes'ónaqa' so' síiỹac, qana'chi ỹima jen' ỹilot'ague jeso'me ỹátaqta n'áltapiỹi. Qana'chi na' siỹaxadipi ỹátaqta ỹipaxachiỹi na' lacháxat ỹasouaxat da' laỹaliaxa. 11Qaláxasa na' siỹaxadipi na'chi 'ená'am sa ỹaxañi jen' sa nó'inpi 'me ỹ'étetac. Na'chidáta da' ỹátaqta ỹisouéetac ñi' Dios 'me netalégue di' piỹem ỹasouaxat da' laỹaliaxa qataxa jen' lisiquiaxa.
12Qataxa jec so' namaxasec laqáỹa da' ỹicodínỹi so' ñáchi let'ádaic lenaxat Eufrates. Huá'a, qana'chi 'em so' lé'ec noxop so' ñáchi, da' qaidi ỹ'ouategue na' ladic so' net'alpi 'me chiỹaqa'ague da' liiséguem jaso' c'atena.
13Huá'a, qana'chi sauáachiỹi na' nedégaxat so' sega'me ñaxadiaq, qataxa so' síiỹac, qataxa so' 'enapeela't da' l'aqtáxanaxanec ñi' Dios, da' chiỹaqaavlo saua' tres nase' nataqtáqaiqa, 'ena'ama jan' petaỹo. 14Jesaa'me naqaisaua saua' lamaxa's so' qadó'o paiỹac 'me ỹ'étetac jen' n'anec 'me sa qoỹauanápiỹi. Jesaa'me ỹinoxodéegue, qaidi lapona't ỹima na' net'alpi 'me huetalégue jen' 'aléua, da' ỹaqátaxata't da' delóiqui ga' nolo' 'me livídaxaqui da' ỹa'uo ga' le'uáanaxanaxac ñi' Dios 'me qaỹa 'te ga' ỹaqalánaac. 15So' qadesaliaxanec 'enaac: “Chana'píiỹa, ñanac qomle sa 'te da' jaỹim qoỹauáaque, sená'am ga' cacháxaic. Ỹátaqta mátac qomle jega'me nelótaiỹi qataxa ga' netela'alo gaua' louo, da' qaidi sa 'te da' saleet'ague, qana'chi na' siỹaxadipi ỹañoxot da' ỹilo'ot da' ló'oquiaxac.” 16Qana'chi jesaa'me nase' nataqtáqaiqa lapona't jen' net'alpi da' lapónaqa' qa'en so' 'aléua 'me naua' hebreo l'aqtaqa lenaxat Armagedón.
17Ỹitaxa jec so' p'áteegue saua' siete namaxa's piỹem lase' da' ỹicodelégue na' p'áseguem. Huá'a, qana'chi chiỹaqáaue so' tamnaxaqui piỹem lé'ec so' n'aqtac, ỹátaqta ỹisam, chiỹoqóchii'ña so' s'ónaqa', 'enaac:
—Ma'le sóxote da' ỹim.
18Qana'chi 'uo so' naqasélgaxa, nesamaxa, qataxa jaso' qasoxonaxa. Qana'chi jen' 'aléua ỹátaqta d'iqui, 'uo so' n'iquiaxa let'ádaic. Jeso'me ỹátaqta napacalégue ỹima jen' n'iquiaxapi 'me 'uo josii'chi ỹímta da' 'uo jen' siỹaxadipi jen' 'aléua. 19Qana'chi so' noic t'ádaic cosaỹi, jeso'me tres saua' lecosaxal. Qana'chi noláiñi ỹima so' noiqapi 'me netalégue jen' 'aléua. Huá'a, qana'chi ñi' Dios hueenata so' noic t'ádaic Babilonia, da' qaidi niỹómaxanỹi jeda'me qaỹa 'te ga' 'ená'am da' lichic le'uáanaxanaxac 'me ỹaqátaxata't da' ỹicodéegue da' lalemataic. 20Qana'chi ỹima jan' nepe qataxa jen' comadelégue, huá'a, qana'chi nimíchiiñi qomle. 21Nataq'en janac jaso' lachi lat'édai talégue na' siỹaxadipi. Jañi' 'oonole jaso'me ỹóvi' cuarenta kilo. Qaláxasa so' siỹaxadipi ỹátaqta ỹisouéetac ñi' Dios, ỹasouaxat jaso' lachi, qá'a ỹátaqta let'ádaic dójo' ne'uaxánaguec.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.