Apocalipsis 13
13
Saua' dos síiỹac
1Ỹim, qana'chi jaỹim sonet'ot so' loxogue jaso' huaxai. Qana'chi sauaat'eguet so' síiỹac let'ádaic, chiỹaqánỹi jaso' huaxai. Jeso'me siete na' laqaic, qataxa diez naua' lepeel. Jañi' 'oonole jan' lepee ỹáatañi jan' naxa'do ga' net'a. Ñi' 'oonolec naua' laqai'go, qaamaxa huetalóo'te naua' lenaqa'te 'me ỹátaqta ỹisouen ñi' Dios. 2Jeso'me síiỹac 'me sauáachiỹi, jeso'me da' l'óiỹaxac 'ená'am jen' quedoc. Naua' lichil, qaamaxa 'ená'am jan' potai. Na' nedégaxat, qaamaxa 'ená'am na' sáuaxaic pólio'. Qana'chi jeso' síiỹac sega'me ñaxadiaq ỹanem da' l'añaxac jeso'me, qataxa jaso' nes'ónaxaqui da' net'a, qataxa ỹátaqta let'ádaic da' namaxasóxonaxac ỹanem. 3So' 'oonolec jen' laqaic jeso' síiỹac 'ená'am da' 'uo so' le'quemáxaset 'me qoỹileem. Qaláxasa so' le'quemáxaset qonataden, qana'chi ỹima jen'me huetalégue jen' 'aléua ỹátaqta 'uo da' ỹ'aalátapeec. Huá'a, qana'chi qodiiỹi jeso'me síiỹac. 4Huá'a, qana'chi qoỹi'ỹoxoden jeso'me síiỹac sega'me ñaxadiaq, qá'a ỹasouaxat da' ỹanem da' damaxasóxonaac jeso' síiỹac laqáỹa 'me chiỹaqánỹi jaso' huaxai. Nataq'en qoỹi'ỹoxoden so' síiỹac, qoỹíitojo':
—¿Jái'chogamaxa ỹañoxot da' 'ená'am ñíjo' síiỹac? qataxa ¿jái'chogamaxa ỹañoxot da' delóiỹi'ỹi' jiñi'me? ¡Qaỹa!
5Nataq'en qoỹaséet'em jeso'me síiỹac da' nasaxádeegue naua' n'aqtaqa 'me ỹátaqta sa n'oi'n qataxa nep'agué'ne' ñi' Dios. Qataxa jeso'me qoỹanem da' ỹivídaxatetreegue gaua' cuarenta y dos 'auóxoiqa da' demaxasóxotac. 6Naqaida da' 'éeta jeso'me joca'li detaqa. Qana'chi ỹátaqta ỹisouen da' lenaxat ñi' Dios, qataxa ñi' l'emec tamnaxaqui, qataxa ỹima jen' net'ot di' piỹem. 7Nataq'en qoỹaséet'em so' síiỹac qaidi ỹilóiquiaxan ỹima jen' lalémaxasetpi ñi' Dios, cha ỹivíd'a ỹima loxonec, qataxa da' l'añaxac da' qaidi mai'chi ỹoiquíitac ỹima na' ỹodapecachi siỹaxadipi 'me ỹodapecachi na' l'aqtacpi. 8Qana'chi jeso'me síiỹac 'me chiỹaqánỹi jaso' huaxai ỹátaqta ỹi'ỹoxodéetac ỹima jen' huetalégue jen' 'aléua, jen' sa nedé'uo jaso' lemalate jen' nec'alaqtacpi joca'li ỹímta da' qoỹ'étetac jen' 'aléua, jaso'me huet'ot so' n'aanaxate lec'óxot 'me qoỹalaat josii'chi.
9Ga' ỹaỹáten da' naquiáxanaxac, n'óota da' ỹátaqta naquiáxachiiñi. 10Ga' ỹauec ga' laqáỹa da' ỹicoñi', jega'me nataq'en qoỹicoñi'. Qataxa ga' ỹauót'ai ga' legaxanaxat da' dalaataxan, qaa'le jega'me nataq'en qoỹidó'oc ga' legaxanaxat da' qoỹalaat. Chan'eesa jen'me lalémaxasetpi ñi' Dios ỹiuen da' ỹa'uo da' neuálaxainaxac qataxa da' lip'iỹáxac.
11Ỹim, qataxa selá'a so' síiỹac laqáỹa. Jeso'me chiỹaqáaue jen' 'aléua. Jeso'me dos saua' lepeel, 'ená'am na' n'aanaxate lec'óxot. Qaláxasa naua' l'aqtaqa 'ená'am ga' síiỹac 'me sega'me ñaxadiaq. 12Jeso'me ỹátaqta ỹimata'a't ỹima da' l'añaxac jeso'me 'uáichiiñi síiỹac. Qataxa ỹic'atenaxanaxáatapeec jeso'me. Huá'a, qana'chi ỹima jen' 'aléua qataxa na' huetalégue jen'me ỹi'ỹoxoden so' 'uáichiiñi síiỹac 'me qonataden so' le'quemáxaset 'me qoỹileem. 13Nataq'en ỹí'et jen' n'anecpi 'me ỹí'et da' qoỹ'aalá'ac, cha ỹivíd'a da' chiỹoqo'ot qa'en di' piỹem na' dóle' da' talégue jen' 'aléua. Ỹauáachiỹi qa'en ỹima jen' siỹaxadipi. 14Qataxa chiỹaqaỹi jénjo' ỹí'et n'anecpi 'me ỹí'et da' qoỹ'aalá'ac 'me qoỹaséet'em da' ỹí'et da' ỹauáachiỹi qa'en jeso'me 'uáichiiñi síiỹac, da' qaidi ỹoqovin ỹima jen'me huetalégue jen' 'aléua. Qana'chi damaxasoxolégue da' qoỹí'et ga' nadénaqtac liquí'i jeso' síiỹac 'me 'uo joca'li so' le'quemáxa liiñi so' legaxanaxat, qaláxasa taqadíta ỹañoxot da' nec'aléegue. 15Qana'chi jeso' niỹaqa'aguet síiỹac, jeso'me qoỹanem da' l'añaxac, qaidi ỹañoxot da' nec'aléegue qa'en jeso'me nadénaqtac liquí'i jeso' 'uáichiiñi síiỹac, qaidi jeso'me nadénaqtac ỹañoxot da' detaqa, qataxa damaxasoxolégue da' qoỹalaat ỹima jen'me sa 'te da' ỹi'ỹoxoden jeso'me. 16Nataq'en sa na'chidáta dójo'. Qá'a jeso'me nataq'en ỹamaxalégue da' ỹima jen'me sa 'amaqtoqolec qataxa jen'me 'amaqtaqpi, jen' saliaxanqapi qataxa jen'me choxodaqpi, qataxa na' sa nelatacpi qataxa jen'me nelatacpi, da' qaidi qoỹa'uo jaga' n'anaxasete jen' louaq ỹaỹáten, 'uootaxa na' latap. 17Huá'a, qana'chi sa 'te da' 'uo ga' neuodéna qataxa da' 'uo ga' ỹimen jega'me sa 'te da' 'uo jaga' n'anaxasete 'uootaxa jega' lenaxat jeso'me síiỹac, 'uootaxa ỹóvi' so' lenaxat. 18Naqaida ỹiuen ga' naỹátenataxanaxac. Chan'eesa jega'me 'uo ga' ỹaỹáten, n'óota da' naloqtena't ga' lecáta ga' náỹi da' lenaxat jeso'me síiỹac. Qá'a jeda'me náỹi da' lenaxat ñi' siỹaxaua. Di' lecáta dójo' nenaxat ỹóvi' seiscientos sesenta y seis.
Currently Selected:
Apocalipsis 13: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Apocalipsis 13
13
Saua' dos síiỹac
1Ỹim, qana'chi jaỹim sonet'ot so' loxogue jaso' huaxai. Qana'chi sauaat'eguet so' síiỹac let'ádaic, chiỹaqánỹi jaso' huaxai. Jeso'me siete na' laqaic, qataxa diez naua' lepeel. Jañi' 'oonole jan' lepee ỹáatañi jan' naxa'do ga' net'a. Ñi' 'oonolec naua' laqai'go, qaamaxa huetalóo'te naua' lenaqa'te 'me ỹátaqta ỹisouen ñi' Dios. 2Jeso'me síiỹac 'me sauáachiỹi, jeso'me da' l'óiỹaxac 'ená'am jen' quedoc. Naua' lichil, qaamaxa 'ená'am jan' potai. Na' nedégaxat, qaamaxa 'ená'am na' sáuaxaic pólio'. Qana'chi jeso' síiỹac sega'me ñaxadiaq ỹanem da' l'añaxac jeso'me, qataxa jaso' nes'ónaxaqui da' net'a, qataxa ỹátaqta let'ádaic da' namaxasóxonaxac ỹanem. 3So' 'oonolec jen' laqaic jeso' síiỹac 'ená'am da' 'uo so' le'quemáxaset 'me qoỹileem. Qaláxasa so' le'quemáxaset qonataden, qana'chi ỹima jen'me huetalégue jen' 'aléua ỹátaqta 'uo da' ỹ'aalátapeec. Huá'a, qana'chi qodiiỹi jeso'me síiỹac. 4Huá'a, qana'chi qoỹi'ỹoxoden jeso'me síiỹac sega'me ñaxadiaq, qá'a ỹasouaxat da' ỹanem da' damaxasóxonaac jeso' síiỹac laqáỹa 'me chiỹaqánỹi jaso' huaxai. Nataq'en qoỹi'ỹoxoden so' síiỹac, qoỹíitojo':
—¿Jái'chogamaxa ỹañoxot da' 'ená'am ñíjo' síiỹac? qataxa ¿jái'chogamaxa ỹañoxot da' delóiỹi'ỹi' jiñi'me? ¡Qaỹa!
5Nataq'en qoỹaséet'em jeso'me síiỹac da' nasaxádeegue naua' n'aqtaqa 'me ỹátaqta sa n'oi'n qataxa nep'agué'ne' ñi' Dios. Qataxa jeso'me qoỹanem da' ỹivídaxatetreegue gaua' cuarenta y dos 'auóxoiqa da' demaxasóxotac. 6Naqaida da' 'éeta jeso'me joca'li detaqa. Qana'chi ỹátaqta ỹisouen da' lenaxat ñi' Dios, qataxa ñi' l'emec tamnaxaqui, qataxa ỹima jen' net'ot di' piỹem. 7Nataq'en qoỹaséet'em so' síiỹac qaidi ỹilóiquiaxan ỹima jen' lalémaxasetpi ñi' Dios, cha ỹivíd'a ỹima loxonec, qataxa da' l'añaxac da' qaidi mai'chi ỹoiquíitac ỹima na' ỹodapecachi siỹaxadipi 'me ỹodapecachi na' l'aqtacpi. 8Qana'chi jeso'me síiỹac 'me chiỹaqánỹi jaso' huaxai ỹátaqta ỹi'ỹoxodéetac ỹima jen' huetalégue jen' 'aléua, jen' sa nedé'uo jaso' lemalate jen' nec'alaqtacpi joca'li ỹímta da' qoỹ'étetac jen' 'aléua, jaso'me huet'ot so' n'aanaxate lec'óxot 'me qoỹalaat josii'chi.
9Ga' ỹaỹáten da' naquiáxanaxac, n'óota da' ỹátaqta naquiáxachiiñi. 10Ga' ỹauec ga' laqáỹa da' ỹicoñi', jega'me nataq'en qoỹicoñi'. Qataxa ga' ỹauót'ai ga' legaxanaxat da' dalaataxan, qaa'le jega'me nataq'en qoỹidó'oc ga' legaxanaxat da' qoỹalaat. Chan'eesa jen'me lalémaxasetpi ñi' Dios ỹiuen da' ỹa'uo da' neuálaxainaxac qataxa da' lip'iỹáxac.
11Ỹim, qataxa selá'a so' síiỹac laqáỹa. Jeso'me chiỹaqáaue jen' 'aléua. Jeso'me dos saua' lepeel, 'ená'am na' n'aanaxate lec'óxot. Qaláxasa naua' l'aqtaqa 'ená'am ga' síiỹac 'me sega'me ñaxadiaq. 12Jeso'me ỹátaqta ỹimata'a't ỹima da' l'añaxac jeso'me 'uáichiiñi síiỹac. Qataxa ỹic'atenaxanaxáatapeec jeso'me. Huá'a, qana'chi ỹima jen' 'aléua qataxa na' huetalégue jen'me ỹi'ỹoxoden so' 'uáichiiñi síiỹac 'me qonataden so' le'quemáxaset 'me qoỹileem. 13Nataq'en ỹí'et jen' n'anecpi 'me ỹí'et da' qoỹ'aalá'ac, cha ỹivíd'a da' chiỹoqo'ot qa'en di' piỹem na' dóle' da' talégue jen' 'aléua. Ỹauáachiỹi qa'en ỹima jen' siỹaxadipi. 14Qataxa chiỹaqaỹi jénjo' ỹí'et n'anecpi 'me ỹí'et da' qoỹ'aalá'ac 'me qoỹaséet'em da' ỹí'et da' ỹauáachiỹi qa'en jeso'me 'uáichiiñi síiỹac, da' qaidi ỹoqovin ỹima jen'me huetalégue jen' 'aléua. Qana'chi damaxasoxolégue da' qoỹí'et ga' nadénaqtac liquí'i jeso' síiỹac 'me 'uo joca'li so' le'quemáxa liiñi so' legaxanaxat, qaláxasa taqadíta ỹañoxot da' nec'aléegue. 15Qana'chi jeso' niỹaqa'aguet síiỹac, jeso'me qoỹanem da' l'añaxac, qaidi ỹañoxot da' nec'aléegue qa'en jeso'me nadénaqtac liquí'i jeso' 'uáichiiñi síiỹac, qaidi jeso'me nadénaqtac ỹañoxot da' detaqa, qataxa damaxasoxolégue da' qoỹalaat ỹima jen'me sa 'te da' ỹi'ỹoxoden jeso'me. 16Nataq'en sa na'chidáta dójo'. Qá'a jeso'me nataq'en ỹamaxalégue da' ỹima jen'me sa 'amaqtoqolec qataxa jen'me 'amaqtaqpi, jen' saliaxanqapi qataxa jen'me choxodaqpi, qataxa na' sa nelatacpi qataxa jen'me nelatacpi, da' qaidi qoỹa'uo jaga' n'anaxasete jen' louaq ỹaỹáten, 'uootaxa na' latap. 17Huá'a, qana'chi sa 'te da' 'uo ga' neuodéna qataxa da' 'uo ga' ỹimen jega'me sa 'te da' 'uo jaga' n'anaxasete 'uootaxa jega' lenaxat jeso'me síiỹac, 'uootaxa ỹóvi' so' lenaxat. 18Naqaida ỹiuen ga' naỹátenataxanaxac. Chan'eesa jega'me 'uo ga' ỹaỹáten, n'óota da' naloqtena't ga' lecáta ga' náỹi da' lenaxat jeso'me síiỹac. Qá'a jeda'me náỹi da' lenaxat ñi' siỹaxaua. Di' lecáta dójo' nenaxat ỹóvi' seiscientos sesenta y seis.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.