Apocalipsis 14
14
Da' lalac so' 144.000 siỹaxadipi
1Ca'li ỹim, qana'chi ñanaxaséguem, qana'chi selá'a so' n'aanaxate c'óxot petalégue so' qasoxonaxa lenaxat Sión. Jeso'me na'chi huétaaue jeso'me ciento cuarenta y cuatro mil siỹaxadipi 'me qoỹidetalégue na' latap da' lenaxat jeso'me n'aanaxate c'óxot qataxa da' lenaxat ñi' let'a Dios. 2Ỹim, qana'chi semachíỹa so' nesamaxa chimaqpecot di' piỹem. Jeso'me 'ená'am da' lesamaxa na' l'auáxac let'ádaic, qataxa 'ená'am na' l'oxóỹaxac jan' qasoxonaxa, qataxa 'ená'am na' lesamaxa jan' jalcote niviquipi da' qoỹiviquíitapiỹi. 3Qana'chi ỹ'óotac jeso'me siỹaxadipi so' dálaxaic nalac, dasóta'uo so' nes'ónaqa' ñi' Dios, qataxa saua' cuatro síiỹac, qataxa jeso'me nasoxonecpi. Qaỹa 'te ga' ỹañoxot da' ỹaỹáten jeso'me nalac, na'chisóta so' ciento cuarenta y cuatro mil 'me qoỹachiỹoxotáaue joca'li so' siỹaxadipi 'me huetalégue jen' 'aléua da' qonec'alaxatéegue. 4Jeso'me naqaiso jeso'me sa ỹauana jaga' ỹauo, ỹátaqta ỹoqovíta. Qataxa jeso'me quétapegue' jeso'me n'aanaxate c'óxot jega' taiỹi. Jeso'me siỹaxadipi qoỹachiỹoxotáaue joca'li na' laỹi huetalégue jen' 'aléua di' qonec'alaxatéegue, 'ená'am qoỹin jaga' 'uáichiiñi nachítaqtaxanaqte da' qoỹanot ñi' Dios qataxa so' n'aanaxate c'óxot. 5Qataxa jeso'me siỹaxadipi ỹátaqta sa ỹañoxot da' nauá'ne' da' nái'ỹa na' nedégaxat ga' loqovínaxanaxac. Ỹátaqta ỹoqovíta jeso'me, chan'eesa huét'a so' nes'ónaqa' ñi' Dios.
Da' l'aqtaxanaxa'j saua' tres namaxa's piỹem lase'
6Ỹim, qataxa selá'a so' namaxasec laqáỹa piỹem lé'ec, huaỹótac, huet'ot di' piỹem, ỹachítac so' n'aqtaxanaxac 'me qaỹa 'te loiquiaqa' 'me chiỹaqaỹi da' nec'alaxa, da' qaidi d'aqtaxanem ỹima jen' netalégue jen' 'aléua ỹodapecachi siỹaxadipi 'me ỹodapecachi na' l'aqtacpi. 7Qana'chi jeso'me ỹátaqta n'áloxodeetapeec da' l'aqtaxanaxac, 'enaac:
—Ỹátaqta 'auauóỹi qomle da' 'enec ñi' Dios, qataxa 'avi'ỹoxodíñii, qá'a ma'le ỹovíta di' lalóqo' jiñi'me da' nimit jen' nasouaxacpi. 'Avi'ỹoxodíñii qomle jiñi'me 'me l'onatac di' piỹem, qataxa jen' 'aléua, qataxa jaso' huaxai, qataxa jen'me naỹíitaseguem noxop.
8Qataxa niỹaqa'aguet so' namaxasec laqáỹa detaqátac, 'eet'oi:
—Ma'le noxonec di' noic t'ádaic lenaxat Babilonia, ma'le noxonec, qá'a jidi'me ỹauec'aguet ỹima na' ỹodapecachi siỹaxadipi da' nequeséeguetaxa, sega'me niỹómaxanỹi ga' latáxa.
9Ỹitaxa so' namaxasec laqáỹa nataq'en ỹátaqta n'áloxodenec da' l'aqtac, 'eet'oi:
—Ga' ỹi'ỹoxodéetac ñi' síiỹac qataxa so' nadénaqtac liquí'i, qataxa da' 'uootaxa ỹa'uo jaga' n'anaxasete na' latap 'uootaxa na' louaq, 10qana'chi jega'me niỹómỹi qomle jeda'me qaỹa 'te ga' 'ená'am da' lichic le'uáanaxanaxac ñi' Dios, qomle ỹivíta da' ỹicodéegue da'me ỹaqátaxaatapiỹe't lalemataic 'me 'ená'am ga' nedot'a't latáxa. Qana'chi jega'me ỹátaqta ni'quichínỹi qomle da' laỹaliaxa ga' dóle' qataxa jen'me sega'me huosac l'atec 'me 'edétanỹi, ỹauáachiỹi qomle jen'me lamaxa'spi ñi' Dios qataxa so' n'aanaxate c'óxot. 11Qana'chi qaỹa 'te loiquiaqa't naua' noloqo'te qataxa pi'ỹáxadi da' nichítapiiseguem da' ne'uaxánaguec jen'me ỹi'ỹoxodéetac jeso'me síiỹac qataxa so' nadénaqtac liquí'i, 'uootaxa da' 'chi ñíỹi da' lenaxat. Qana'chi qaỹa 'te ga' nemataxac. 12Chan'eesa ỹiuen da' 'uo da' neuálaxainaxac jen'me lalémaxasetpi ñi' Dios 'me ỹalaxalóo'te naua' laqátaxaco jiñi'me qataxa quet'egue so' Jesús.
13Ỹim, qana'chi semachíỹa so' n'aqtac chimaqpecot di' piỹem, jaỹim 'enapéga, 'enáacjo':
—'Audíñi qomle da' 'eet'oi: “Ỹátaqta mátac qomle naỹi ga' ỹileu da' 'uootaxa ỹileetalégue da' l'amaqténataxanaxac so' qadesaliaxanec.” Qana'chi so' Espíritu Santo 'enaac: “Já'a, na'chi naq'áita dójo'.” Qá'a jega'me nematee'guesop jen' l'onatacpi. Qana'chi da' l'onataxanaxac qaa'le sa 'te qomle da' qopetelaxaguet.
Da' naqataxanaxac 'me hualégue jen' 'aléua
14Ỹim, qataxa seloséguem, qana'chi selá'a so' ló'oc pagaxaic. Jeso' ló'oc netalégue so' sega'me siỹaxaua lec'óxot. Jeso'me ỹáatañi jaso' naxa'do ga' net'a 'me chiỹaqaỹi jaga' oro, qataxa lasóqot'a so' lequesoxonaxat ỹátaqta ỹaic. 15Qataxa chiỹoqótooue jeso' tamnaxaqui so' namaxasec laqáỹa piỹem lé'ec. Qana'chi ỹátaqta n'áloxodenec da' laviliỹáxac da' 'enapéga jeso'me netalégue so' ló'oc, 'enáacjo':
—'Auquesoxoñi na' 'adquesoxonaxat. Ỹim, qana'chi 'auqataxan. Qá'a ma'le ỹivíta di' naloqtenec da' qonaqat jen' nañiisec jala 'me huetalégue jen' 'aléua, qá'a ma'le ỹi.
16Qana'chi jeso'me netalégue so' ló'oc qana'chi ỹiquesoxoñi so' lequesoxonaxat, da' qaidi naqat jan' jala jen' nañiisec 'me huetalégue jen' 'aléua.
17Ỹim, qataxa janac so' namaxasec laqáỹa piỹem lé'ec, chiỹoqótooue jeso'me tamnaxaqui piỹem lé'ec. Jeso'me nataq'en ỹachítac so' lequesoxonaxat ỹátaqta ỹaic. 18Qataxa nenoxonéegue so' namaxasec laqáỹa piỹem lé'ec, chiỹoqotelégue jaso' neco'ỹoxonaxalate. Jeso'me naqaiso so' ỹamaqaac jen' dóle'. Jeso'me ỹátaqta n'áloxodenec da' l'aqtac da' ỹiỹáxana jeso'me lasóqot'a so' lequesoxonaxat, 'enáacjo':
—Ỹa 'auquesoxoñi na' 'adquesoxonaxat 'me ỹátaqta ỹaic. Ỹim, qana'chi 'alapona't jan' laaqata jana' uva 'me huetalégue jen' 'aléua. Qá'a ma'le ỹivíta di' lalóqo' da' qonaqat, qá'a sóxote ỹátaqta ỹíta.
19Qana'chi jeso' namaxasec piỹem lé'ec, jeso'me ỹiquesoxoñi so' lequesoxonaxat da' naqat jan' jala jan' uva 'me huetalégue na' 'aléua. Ỹim, qana'chi ỹacháaue so' lequepi let'ádaic, da' qaidi qonsom na' lí'i. Jeda'me na'chi náỹi jeda'me qaỹa 'te ga' 'ená'am lichic le'uáanaxanaxac ñi' Dios. 20Jaso'me uva, ca'li qonsom na' lí'i, qaa'le huá'ña qoỹin jeso'me p'aiỹi da' lai di' noic t'ádaic. Qana'chi jeso'me nequepi chiỹoqótooue jan' netauo'. Jaso' netauo' ỹivídasee'meque naua' naqa' leque'te so' pegadipi. Di' lecaỹíñi jaso' netauo' ỹóvi' trescientos kilómetros.
Currently Selected:
Apocalipsis 14: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Apocalipsis 14
14
Da' lalac so' 144.000 siỹaxadipi
1Ca'li ỹim, qana'chi ñanaxaséguem, qana'chi selá'a so' n'aanaxate c'óxot petalégue so' qasoxonaxa lenaxat Sión. Jeso'me na'chi huétaaue jeso'me ciento cuarenta y cuatro mil siỹaxadipi 'me qoỹidetalégue na' latap da' lenaxat jeso'me n'aanaxate c'óxot qataxa da' lenaxat ñi' let'a Dios. 2Ỹim, qana'chi semachíỹa so' nesamaxa chimaqpecot di' piỹem. Jeso'me 'ená'am da' lesamaxa na' l'auáxac let'ádaic, qataxa 'ená'am na' l'oxóỹaxac jan' qasoxonaxa, qataxa 'ená'am na' lesamaxa jan' jalcote niviquipi da' qoỹiviquíitapiỹi. 3Qana'chi ỹ'óotac jeso'me siỹaxadipi so' dálaxaic nalac, dasóta'uo so' nes'ónaqa' ñi' Dios, qataxa saua' cuatro síiỹac, qataxa jeso'me nasoxonecpi. Qaỹa 'te ga' ỹañoxot da' ỹaỹáten jeso'me nalac, na'chisóta so' ciento cuarenta y cuatro mil 'me qoỹachiỹoxotáaue joca'li so' siỹaxadipi 'me huetalégue jen' 'aléua da' qonec'alaxatéegue. 4Jeso'me naqaiso jeso'me sa ỹauana jaga' ỹauo, ỹátaqta ỹoqovíta. Qataxa jeso'me quétapegue' jeso'me n'aanaxate c'óxot jega' taiỹi. Jeso'me siỹaxadipi qoỹachiỹoxotáaue joca'li na' laỹi huetalégue jen' 'aléua di' qonec'alaxatéegue, 'ená'am qoỹin jaga' 'uáichiiñi nachítaqtaxanaqte da' qoỹanot ñi' Dios qataxa so' n'aanaxate c'óxot. 5Qataxa jeso'me siỹaxadipi ỹátaqta sa ỹañoxot da' nauá'ne' da' nái'ỹa na' nedégaxat ga' loqovínaxanaxac. Ỹátaqta ỹoqovíta jeso'me, chan'eesa huét'a so' nes'ónaqa' ñi' Dios.
Da' l'aqtaxanaxa'j saua' tres namaxa's piỹem lase'
6Ỹim, qataxa selá'a so' namaxasec laqáỹa piỹem lé'ec, huaỹótac, huet'ot di' piỹem, ỹachítac so' n'aqtaxanaxac 'me qaỹa 'te loiquiaqa' 'me chiỹaqaỹi da' nec'alaxa, da' qaidi d'aqtaxanem ỹima jen' netalégue jen' 'aléua ỹodapecachi siỹaxadipi 'me ỹodapecachi na' l'aqtacpi. 7Qana'chi jeso'me ỹátaqta n'áloxodeetapeec da' l'aqtaxanaxac, 'enaac:
—Ỹátaqta 'auauóỹi qomle da' 'enec ñi' Dios, qataxa 'avi'ỹoxodíñii, qá'a ma'le ỹovíta di' lalóqo' jiñi'me da' nimit jen' nasouaxacpi. 'Avi'ỹoxodíñii qomle jiñi'me 'me l'onatac di' piỹem, qataxa jen' 'aléua, qataxa jaso' huaxai, qataxa jen'me naỹíitaseguem noxop.
8Qataxa niỹaqa'aguet so' namaxasec laqáỹa detaqátac, 'eet'oi:
—Ma'le noxonec di' noic t'ádaic lenaxat Babilonia, ma'le noxonec, qá'a jidi'me ỹauec'aguet ỹima na' ỹodapecachi siỹaxadipi da' nequeséeguetaxa, sega'me niỹómaxanỹi ga' latáxa.
9Ỹitaxa so' namaxasec laqáỹa nataq'en ỹátaqta n'áloxodenec da' l'aqtac, 'eet'oi:
—Ga' ỹi'ỹoxodéetac ñi' síiỹac qataxa so' nadénaqtac liquí'i, qataxa da' 'uootaxa ỹa'uo jaga' n'anaxasete na' latap 'uootaxa na' louaq, 10qana'chi jega'me niỹómỹi qomle jeda'me qaỹa 'te ga' 'ená'am da' lichic le'uáanaxanaxac ñi' Dios, qomle ỹivíta da' ỹicodéegue da'me ỹaqátaxaatapiỹe't lalemataic 'me 'ená'am ga' nedot'a't latáxa. Qana'chi jega'me ỹátaqta ni'quichínỹi qomle da' laỹaliaxa ga' dóle' qataxa jen'me sega'me huosac l'atec 'me 'edétanỹi, ỹauáachiỹi qomle jen'me lamaxa'spi ñi' Dios qataxa so' n'aanaxate c'óxot. 11Qana'chi qaỹa 'te loiquiaqa't naua' noloqo'te qataxa pi'ỹáxadi da' nichítapiiseguem da' ne'uaxánaguec jen'me ỹi'ỹoxodéetac jeso'me síiỹac qataxa so' nadénaqtac liquí'i, 'uootaxa da' 'chi ñíỹi da' lenaxat. Qana'chi qaỹa 'te ga' nemataxac. 12Chan'eesa ỹiuen da' 'uo da' neuálaxainaxac jen'me lalémaxasetpi ñi' Dios 'me ỹalaxalóo'te naua' laqátaxaco jiñi'me qataxa quet'egue so' Jesús.
13Ỹim, qana'chi semachíỹa so' n'aqtac chimaqpecot di' piỹem, jaỹim 'enapéga, 'enáacjo':
—'Audíñi qomle da' 'eet'oi: “Ỹátaqta mátac qomle naỹi ga' ỹileu da' 'uootaxa ỹileetalégue da' l'amaqténataxanaxac so' qadesaliaxanec.” Qana'chi so' Espíritu Santo 'enaac: “Já'a, na'chi naq'áita dójo'.” Qá'a jega'me nematee'guesop jen' l'onatacpi. Qana'chi da' l'onataxanaxac qaa'le sa 'te qomle da' qopetelaxaguet.
Da' naqataxanaxac 'me hualégue jen' 'aléua
14Ỹim, qataxa seloséguem, qana'chi selá'a so' ló'oc pagaxaic. Jeso' ló'oc netalégue so' sega'me siỹaxaua lec'óxot. Jeso'me ỹáatañi jaso' naxa'do ga' net'a 'me chiỹaqaỹi jaga' oro, qataxa lasóqot'a so' lequesoxonaxat ỹátaqta ỹaic. 15Qataxa chiỹoqótooue jeso' tamnaxaqui so' namaxasec laqáỹa piỹem lé'ec. Qana'chi ỹátaqta n'áloxodenec da' laviliỹáxac da' 'enapéga jeso'me netalégue so' ló'oc, 'enáacjo':
—'Auquesoxoñi na' 'adquesoxonaxat. Ỹim, qana'chi 'auqataxan. Qá'a ma'le ỹivíta di' naloqtenec da' qonaqat jen' nañiisec jala 'me huetalégue jen' 'aléua, qá'a ma'le ỹi.
16Qana'chi jeso'me netalégue so' ló'oc qana'chi ỹiquesoxoñi so' lequesoxonaxat, da' qaidi naqat jan' jala jen' nañiisec 'me huetalégue jen' 'aléua.
17Ỹim, qataxa janac so' namaxasec laqáỹa piỹem lé'ec, chiỹoqótooue jeso'me tamnaxaqui piỹem lé'ec. Jeso'me nataq'en ỹachítac so' lequesoxonaxat ỹátaqta ỹaic. 18Qataxa nenoxonéegue so' namaxasec laqáỹa piỹem lé'ec, chiỹoqotelégue jaso' neco'ỹoxonaxalate. Jeso'me naqaiso so' ỹamaqaac jen' dóle'. Jeso'me ỹátaqta n'áloxodenec da' l'aqtac da' ỹiỹáxana jeso'me lasóqot'a so' lequesoxonaxat, 'enáacjo':
—Ỹa 'auquesoxoñi na' 'adquesoxonaxat 'me ỹátaqta ỹaic. Ỹim, qana'chi 'alapona't jan' laaqata jana' uva 'me huetalégue jen' 'aléua. Qá'a ma'le ỹivíta di' lalóqo' da' qonaqat, qá'a sóxote ỹátaqta ỹíta.
19Qana'chi jeso' namaxasec piỹem lé'ec, jeso'me ỹiquesoxoñi so' lequesoxonaxat da' naqat jan' jala jan' uva 'me huetalégue na' 'aléua. Ỹim, qana'chi ỹacháaue so' lequepi let'ádaic, da' qaidi qonsom na' lí'i. Jeda'me na'chi náỹi jeda'me qaỹa 'te ga' 'ená'am lichic le'uáanaxanaxac ñi' Dios. 20Jaso'me uva, ca'li qonsom na' lí'i, qaa'le huá'ña qoỹin jeso'me p'aiỹi da' lai di' noic t'ádaic. Qana'chi jeso'me nequepi chiỹoqótooue jan' netauo'. Jaso' netauo' ỹivídasee'meque naua' naqa' leque'te so' pegadipi. Di' lecaỹíñi jaso' netauo' ỹóvi' trescientos kilómetros.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.