1 Timoteo 3
3
Da'me lasoxoc na' lasoxola'pi jen' 'amaqténataxanaxaicpi
1Dójo' ỹátaqta 'eesa: Da' 'uootaxa 'uo ga' sétaaque da' lasoxola' na' 'amaqténataxanaxaicpi, ỹátaqta ỹiỹamqáchiiñi n'óota di'me tauó'o n'onataxanaxac. 2Chan'eesa ga' lasoxola' na' 'amaqténataxanaxaicpi sa 'te taa'le sa ỹiỹamaxañi da' n'aqtaguec. Jaldáta da' 'oonole 'en jaga' loua, qataxa ỹátaqta ỹilot'egue da' ladíquiaxac, nelóteegue, qataxa qaỹa 'te ga' taỹapée'uo. Qataxa ỹátaqta neloséguem, ỹátaqta ỹilo'oguet ga' laqáỹa da' nesápichaq. Qataxa ỹaỹáten da' lapaxaguenataxanaxac. 3Qataxa sa 'te latáxa lai't, qataxa sa 'te sa qoỹoxó'ña da' lalemataic. Qataxa sa 'te qopitáxanaqtáqaic da' nimitá'i jan' laicaua. Jaldáta da' sóxodaic, qataxa 'uo da' neuálaxainaxac, qataxa sa 'te 'chi naquitét'a jaga' laicaua. 4Qataxa ỹaỹáten da' ỹilo'ogue da' l'acháq'aỹaxac, qataxa ỹapaxaguenec da' ỹalaq da' lec'óxoc qataxa detelaqtaxan. 5Qá'a da' 'uootaxa sa ỹaỹáten da' ỹilo'ogue da' l'acháq'aỹaxac, qana'chi ¿qo'li ỹaqanatet taa'le ỹilo'ogue jen' ỹ'amaqtéetac ñi' Dios? 6Ga' nasoxola' sa 'te qoỹin ga' ỹímta da' d'amaqténataxan, qá'a sa qoue da' 'uootaxa ni'ỹoxodeela't, qana'chi ỹi'quemáxam qomle, qana'chi 'ená'am da' ne'uaxánaguec josii'cho' so' paiỹac qadó'o. 7Nataq'en ỹiuen da' ỹiỹamqáchiiñi da' n'aqtaguec qa'en jen' sa d'amaqténataxan, qaidi qaỹa ga' 'en qaỹa 'te 'enec, qaidi sa ỹisamaxata'aguet ga' loiquínataxanaxac so' paiỹac qadó'o.
Da' lasoxoc na' lecochaxau'pi ga' nasoxola'
8Nataq'en ỹitaxa 'ená'am na' lecochaxau'pi ga' nasoxola' ỹiuen da' ỹiỹamqáchiiñi da' n'aqtaguec, qataxa sa 'te doqovinaxanot ga' l'aqtac. Qataxa sa 'te ỹómaxaic, qataxa sa 'te 'chi naquitét'a jan' laicaua. 9Nataq'en ỹaatetóota ga' sa di'ỹaxa lasoxoc da' qadip'iỹáxac, qataxa da' laviliỹáxac ỹiỹamqáchiiñi. 10Nataq'en ỹiuen da' 'uáiñi qoỹapiỹen. Da' ỹim da' qaỹa 'te ga' sa ỹiỹamaxañi n'aqtaguec, qana'chi lecochaxaua qoỹin ga' nasoxola'. 11Jaga' ỹauo nataq'en ỹiuen da' ỹiỹamqáchiiñi da' n'aqtaguec, qataxa sa 'te n'aqtaqa ló'o'. Jaldáta da' sa 'te daỹáctac, qataxa ỹipaquetelóo'te ỹima naua' l'onataxanaxaco. 12Ga' lecochaxaua ga' nasoxola' ỹátaqta 'oonole jaga' loua qa'en, qataxa ỹaỹáten da' ỹilo'ogue da' lec'óxoc qataxa da' l'acháq'aỹaxac. 13Qá'a ga' lecochaxaua ga' nasoxola' da' 'ónaxaic da' l'onataxanaxac, qana'chi ga'me ỹivíd'a da' 'uo da' li'ỹoxodic, qataxa sa 'te da' d'oitalégue da' ỹ'axat da' lip'iỹáxac 'me ỹachiỹoxoto'ot so' Cristo Jesús.
Da' sa di'ỹoq lasoxoc da' qad'amaqténataxanaxac
14'Uo da' ỹidiáxa da' 'am ñauá'ne'. Qaláxasa 'am sedénaqtena jan' ỹidíise, 15qaidi qomle jaỹim copat'aguet, qaláxasa sóxote da' 'auaỹáten ga' nó'in n'onataguec ga' 'oonolec na' lalémaxasetpi ñi' Dios, 'me qoỹinapéga, naqáina na' 'amaqténataxanaxaicpi 'me ỹ'amaqten ñi' Dios 'me ỹátaqta nec'alétaiỹi. Jen'me naqáina na' n'eláxatetañi da' 'eesa lasoxoc qataxa nequepaxatetalégue. 16Qaa'le qaỹa 'te da' ỹoqolguet da'me sa di'ỹaxa lasoxoc da' qad'amaqténataxanaxac, qá'a ỹátaqta let'ádaic da' li'ỹoxodic:
Ñi' Dios naloxon, qaláxasa 'en da' ỹ'oqóchiỹi lapáchiỹaxac na' siỹaxaua;
da'me ỹ'axat joca'li so' Espíritu Santo ỹátaqta 'en 'eesa da' nó'in siỹaxaua,
qaa'le ỹauáachiỹi so'me ỹima na' chiỹaqséguem Dios lamaxa'spi.
Qataxa qoỹ'axátem ỹima na' ỹodapecachi siỹaxadipi,
chan'eesa 'uo na' ỹ'amaqten ỹima na' huetalquéna.
Ỹim, qana'chi qoỹaueegue da' piỹem.
Currently Selected:
1 Timoteo 3: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
1 Timoteo 3
3
Da'me lasoxoc na' lasoxola'pi jen' 'amaqténataxanaxaicpi
1Dójo' ỹátaqta 'eesa: Da' 'uootaxa 'uo ga' sétaaque da' lasoxola' na' 'amaqténataxanaxaicpi, ỹátaqta ỹiỹamqáchiiñi n'óota di'me tauó'o n'onataxanaxac. 2Chan'eesa ga' lasoxola' na' 'amaqténataxanaxaicpi sa 'te taa'le sa ỹiỹamaxañi da' n'aqtaguec. Jaldáta da' 'oonole 'en jaga' loua, qataxa ỹátaqta ỹilot'egue da' ladíquiaxac, nelóteegue, qataxa qaỹa 'te ga' taỹapée'uo. Qataxa ỹátaqta neloséguem, ỹátaqta ỹilo'oguet ga' laqáỹa da' nesápichaq. Qataxa ỹaỹáten da' lapaxaguenataxanaxac. 3Qataxa sa 'te latáxa lai't, qataxa sa 'te sa qoỹoxó'ña da' lalemataic. Qataxa sa 'te qopitáxanaqtáqaic da' nimitá'i jan' laicaua. Jaldáta da' sóxodaic, qataxa 'uo da' neuálaxainaxac, qataxa sa 'te 'chi naquitét'a jaga' laicaua. 4Qataxa ỹaỹáten da' ỹilo'ogue da' l'acháq'aỹaxac, qataxa ỹapaxaguenec da' ỹalaq da' lec'óxoc qataxa detelaqtaxan. 5Qá'a da' 'uootaxa sa ỹaỹáten da' ỹilo'ogue da' l'acháq'aỹaxac, qana'chi ¿qo'li ỹaqanatet taa'le ỹilo'ogue jen' ỹ'amaqtéetac ñi' Dios? 6Ga' nasoxola' sa 'te qoỹin ga' ỹímta da' d'amaqténataxan, qá'a sa qoue da' 'uootaxa ni'ỹoxodeela't, qana'chi ỹi'quemáxam qomle, qana'chi 'ená'am da' ne'uaxánaguec josii'cho' so' paiỹac qadó'o. 7Nataq'en ỹiuen da' ỹiỹamqáchiiñi da' n'aqtaguec qa'en jen' sa d'amaqténataxan, qaidi qaỹa ga' 'en qaỹa 'te 'enec, qaidi sa ỹisamaxata'aguet ga' loiquínataxanaxac so' paiỹac qadó'o.
Da' lasoxoc na' lecochaxau'pi ga' nasoxola'
8Nataq'en ỹitaxa 'ená'am na' lecochaxau'pi ga' nasoxola' ỹiuen da' ỹiỹamqáchiiñi da' n'aqtaguec, qataxa sa 'te doqovinaxanot ga' l'aqtac. Qataxa sa 'te ỹómaxaic, qataxa sa 'te 'chi naquitét'a jan' laicaua. 9Nataq'en ỹaatetóota ga' sa di'ỹaxa lasoxoc da' qadip'iỹáxac, qataxa da' laviliỹáxac ỹiỹamqáchiiñi. 10Nataq'en ỹiuen da' 'uáiñi qoỹapiỹen. Da' ỹim da' qaỹa 'te ga' sa ỹiỹamaxañi n'aqtaguec, qana'chi lecochaxaua qoỹin ga' nasoxola'. 11Jaga' ỹauo nataq'en ỹiuen da' ỹiỹamqáchiiñi da' n'aqtaguec, qataxa sa 'te n'aqtaqa ló'o'. Jaldáta da' sa 'te daỹáctac, qataxa ỹipaquetelóo'te ỹima naua' l'onataxanaxaco. 12Ga' lecochaxaua ga' nasoxola' ỹátaqta 'oonole jaga' loua qa'en, qataxa ỹaỹáten da' ỹilo'ogue da' lec'óxoc qataxa da' l'acháq'aỹaxac. 13Qá'a ga' lecochaxaua ga' nasoxola' da' 'ónaxaic da' l'onataxanaxac, qana'chi ga'me ỹivíd'a da' 'uo da' li'ỹoxodic, qataxa sa 'te da' d'oitalégue da' ỹ'axat da' lip'iỹáxac 'me ỹachiỹoxoto'ot so' Cristo Jesús.
Da' sa di'ỹoq lasoxoc da' qad'amaqténataxanaxac
14'Uo da' ỹidiáxa da' 'am ñauá'ne'. Qaláxasa 'am sedénaqtena jan' ỹidíise, 15qaidi qomle jaỹim copat'aguet, qaláxasa sóxote da' 'auaỹáten ga' nó'in n'onataguec ga' 'oonolec na' lalémaxasetpi ñi' Dios, 'me qoỹinapéga, naqáina na' 'amaqténataxanaxaicpi 'me ỹ'amaqten ñi' Dios 'me ỹátaqta nec'alétaiỹi. Jen'me naqáina na' n'eláxatetañi da' 'eesa lasoxoc qataxa nequepaxatetalégue. 16Qaa'le qaỹa 'te da' ỹoqolguet da'me sa di'ỹaxa lasoxoc da' qad'amaqténataxanaxac, qá'a ỹátaqta let'ádaic da' li'ỹoxodic:
Ñi' Dios naloxon, qaláxasa 'en da' ỹ'oqóchiỹi lapáchiỹaxac na' siỹaxaua;
da'me ỹ'axat joca'li so' Espíritu Santo ỹátaqta 'en 'eesa da' nó'in siỹaxaua,
qaa'le ỹauáachiỹi so'me ỹima na' chiỹaqséguem Dios lamaxa'spi.
Qataxa qoỹ'axátem ỹima na' ỹodapecachi siỹaxadipi,
chan'eesa 'uo na' ỹ'amaqten ỹima na' huetalquéna.
Ỹim, qana'chi qoỹaueegue da' piỹem.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.