1 Timoteo 4
4
Ga' siỹaxaua da' cá'ai da' lip'iỹáxac
1Qaláxasa so' Espíritu Santo ỹ'axátet'aita naua' nátrauo noloqo'te da' 'uo qomle ga' cá'ai da' lip'iỹáxac, qana'chi 'equegue jen' sa di'ỹoq 'me qovínaxanaxaic, qataxa naquiáxatapega da' lapaxaguenataxanaxac na' lamaxasecpi so' paiỹac qadó'o. 2Qataxa naquiáxatapega jen' sa ỹataxalégue qataxa pecaic 'me sóxote sa nó'in da' leenataxac, chan'eesa sega'me laicaua ga' ỹavíỹic, sóxote sa nomguet da' ỹí'et ga' ỹiỹamqáchiiñi. 3Jénjo' siỹaxadipi sa ỹisiquiaxaná'a da' n'onáxac, nataq'en 'uo na' nalic sa dasenataxanem da' qoỹalic. Qaláxasa ñi'me Dios l'onatac ỹima na' nalic, qaidi ỹalíctac jen'me d'amaqténataxan qataxa sóxote ỹaateton da' 'eesa lasoxoc, da' ỹanem da' netónaxac ñi'me. 4Qá'a ỹima na' l'onatac ñi' Dios ỹátaqta 'ónaxaic. Chan'eesa qaỹa 'te ga' ñimanaxaguet, jaldáta da' saconaxaguet, qataxa sanemáxam da' qantónaxac ñi' Dios. 5Qá'a naua' l'aqtaqa ñi' Dios qataxa da' tamnaxac na'chinaua naua' huesóte' qa'e'n naua' nali'j.
Ga' nó'in l'onataxanaxanec so' Jesucristo
6Da' 'am 'auapaxaguenec na' qadaỹi dójo' séetapega, qana'chi ỹátaqta 'am nó'in l'onataxanaxanec so' Jesucristo. Qataxa 'am ỹ'añaqte't naua' laqátaxaco da' qad'amaqténataxanaxac qataxa da' ỹiỹamqáchiiñi 'anapaxaguenataguec 'me 'oquetalégue. 7Qaláxasa sa 'te taa'le 'auqo'cha jen' chaqáina l'achaq'áina qataxa qaỹa 'te ga' náaue. Na'chidáta da' 'anep'átaxadeelégue da' qad'amaqténataxanaxac ñi' Dios. 8Qá'a ga' siỹaxaua da' n'iỹíitapeela't da' sa desali qa'en na' ló'oc, nataq'en 'uo da'tai' náaue. Qaláxasa da' qonep'átaxadeelégue da' qad'amaqténataxanaxac ñi'me Dios, ỹátaqta 'uo da' náaue. Qá'a ỹátaqta náaue da' n'ágaxanataxanaxac da' n'óiỹaxac naỹi, nataq'en ga'me maliaxa nátauo. 9Dójo' ỹátaqta 'eesa, sa qoỹoqolguet. 10Na'chida da'me 'uo da' qad'onataxanaxac qataxa ñ'añaxataxaguet da' qansouenaguec, qá'a sóxote huet'ot ñi' Dios da' qanaquitaxac. Ñi'me 'me nec'alétaiỹi, qataxa na'chiñi 'me sétaaque da' nec'alaxatéegue ỹima jen' siỹaxadipi, qaláxasa ga'me d'amaqténataxan, qana'chi naqaiga 'me qonec'alaxatéegue.
11Da'me séetapega ỹátaqta 'auamaxasoxolégue qataxa 'auapaxaguenataxanec. 12Qataxa 'anetelela't, qaidi qaỹa 'te 'am napacapeelégue, ỹasouaxat da' maliaxa 'am nesoqolouc. Na'chidato' da' 'am laloqtenaxanaxat na' 'amaqténataxanaxaicpi ỹasouaxat da' ỹiỹamqáchiiñi 'adosáxac, qataxa da' nó'in 'adadíquiaxac, qataxa da' 'adesóxodic, qataxa 'adasoxoc, qataxa da' 'adip'iỹáxac, qataxa da' 'an'aqtaguec huesóta da'me 'ad'óiỹaxac. 13Qomle maliaxa sa 'am 'te sivíta, qaláxasa 'oquet'oto naua' nemáxaco da' 'auosáxanaxat'ape naua' nidii's l'aqtaqa ñi' Dios, qataxa da' 'au'añaqtet na' qadaỹi, qataxa 'auapaxaguen. 14'Ená'te 'anañaxanáñi da' l'onataxanaxac ñi' 'am ta'nỹet 'me 'am ỹanem ñi'me Dios so' nolo' ca'li lipichíchiisec na' lasoxola'pi na' 'amaqténataxanaxaicpi da' 'am huaseltalégue.
15Qataxa jalda 'auen da' séetapega, ỹátaqta 'anañaneguet, qaidi ỹima qoỹilá'a da' 'anchíctaseguem. 16Qataxa 'antelela't, 'aulot'egue da' 'adapaxaguenataxanaxac. Ỹátaqta 'oquetelégue da'me 'am séetapega, qá'a da' 'aué'et dójo', qana'chi ỹátaqta 'avid'aguet da' 'am qonec'alaxatéegue qataxa ỹima jen'me 'am naquiáxatapega.
Currently Selected:
1 Timoteo 4: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
1 Timoteo 4
4
Ga' siỹaxaua da' cá'ai da' lip'iỹáxac
1Qaláxasa so' Espíritu Santo ỹ'axátet'aita naua' nátrauo noloqo'te da' 'uo qomle ga' cá'ai da' lip'iỹáxac, qana'chi 'equegue jen' sa di'ỹoq 'me qovínaxanaxaic, qataxa naquiáxatapega da' lapaxaguenataxanaxac na' lamaxasecpi so' paiỹac qadó'o. 2Qataxa naquiáxatapega jen' sa ỹataxalégue qataxa pecaic 'me sóxote sa nó'in da' leenataxac, chan'eesa sega'me laicaua ga' ỹavíỹic, sóxote sa nomguet da' ỹí'et ga' ỹiỹamqáchiiñi. 3Jénjo' siỹaxadipi sa ỹisiquiaxaná'a da' n'onáxac, nataq'en 'uo na' nalic sa dasenataxanem da' qoỹalic. Qaláxasa ñi'me Dios l'onatac ỹima na' nalic, qaidi ỹalíctac jen'me d'amaqténataxan qataxa sóxote ỹaateton da' 'eesa lasoxoc, da' ỹanem da' netónaxac ñi'me. 4Qá'a ỹima na' l'onatac ñi' Dios ỹátaqta 'ónaxaic. Chan'eesa qaỹa 'te ga' ñimanaxaguet, jaldáta da' saconaxaguet, qataxa sanemáxam da' qantónaxac ñi' Dios. 5Qá'a naua' l'aqtaqa ñi' Dios qataxa da' tamnaxac na'chinaua naua' huesóte' qa'e'n naua' nali'j.
Ga' nó'in l'onataxanaxanec so' Jesucristo
6Da' 'am 'auapaxaguenec na' qadaỹi dójo' séetapega, qana'chi ỹátaqta 'am nó'in l'onataxanaxanec so' Jesucristo. Qataxa 'am ỹ'añaqte't naua' laqátaxaco da' qad'amaqténataxanaxac qataxa da' ỹiỹamqáchiiñi 'anapaxaguenataguec 'me 'oquetalégue. 7Qaláxasa sa 'te taa'le 'auqo'cha jen' chaqáina l'achaq'áina qataxa qaỹa 'te ga' náaue. Na'chidáta da' 'anep'átaxadeelégue da' qad'amaqténataxanaxac ñi' Dios. 8Qá'a ga' siỹaxaua da' n'iỹíitapeela't da' sa desali qa'en na' ló'oc, nataq'en 'uo da'tai' náaue. Qaláxasa da' qonep'átaxadeelégue da' qad'amaqténataxanaxac ñi'me Dios, ỹátaqta 'uo da' náaue. Qá'a ỹátaqta náaue da' n'ágaxanataxanaxac da' n'óiỹaxac naỹi, nataq'en ga'me maliaxa nátauo. 9Dójo' ỹátaqta 'eesa, sa qoỹoqolguet. 10Na'chida da'me 'uo da' qad'onataxanaxac qataxa ñ'añaxataxaguet da' qansouenaguec, qá'a sóxote huet'ot ñi' Dios da' qanaquitaxac. Ñi'me 'me nec'alétaiỹi, qataxa na'chiñi 'me sétaaque da' nec'alaxatéegue ỹima jen' siỹaxadipi, qaláxasa ga'me d'amaqténataxan, qana'chi naqaiga 'me qonec'alaxatéegue.
11Da'me séetapega ỹátaqta 'auamaxasoxolégue qataxa 'auapaxaguenataxanec. 12Qataxa 'anetelela't, qaidi qaỹa 'te 'am napacapeelégue, ỹasouaxat da' maliaxa 'am nesoqolouc. Na'chidato' da' 'am laloqtenaxanaxat na' 'amaqténataxanaxaicpi ỹasouaxat da' ỹiỹamqáchiiñi 'adosáxac, qataxa da' nó'in 'adadíquiaxac, qataxa da' 'adesóxodic, qataxa 'adasoxoc, qataxa da' 'adip'iỹáxac, qataxa da' 'an'aqtaguec huesóta da'me 'ad'óiỹaxac. 13Qomle maliaxa sa 'am 'te sivíta, qaláxasa 'oquet'oto naua' nemáxaco da' 'auosáxanaxat'ape naua' nidii's l'aqtaqa ñi' Dios, qataxa da' 'au'añaqtet na' qadaỹi, qataxa 'auapaxaguen. 14'Ená'te 'anañaxanáñi da' l'onataxanaxac ñi' 'am ta'nỹet 'me 'am ỹanem ñi'me Dios so' nolo' ca'li lipichíchiisec na' lasoxola'pi na' 'amaqténataxanaxaicpi da' 'am huaseltalégue.
15Qataxa jalda 'auen da' séetapega, ỹátaqta 'anañaneguet, qaidi ỹima qoỹilá'a da' 'anchíctaseguem. 16Qataxa 'antelela't, 'aulot'egue da' 'adapaxaguenataxanaxac. Ỹátaqta 'oquetelégue da'me 'am séetapega, qá'a da' 'aué'et dójo', qana'chi ỹátaqta 'avid'aguet da' 'am qonec'alaxatéegue qataxa ỹima jen'me 'am naquiáxatapega.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.