1 Timoteo 2
2
So' Pablo dapaxaguenataxanec da' tamnaxac
1Da'me 'uáichiiñi senaac: Sétaaque da' saqáta da' qodict'ot da' tamnaxac, da' qontameelégue ỹima na' siỹaxadipi, da' qontamenot ñi' Dios, nataq'en da' qoỹanot da' tónaxac. 2Qataxa sétaaque da' qontameelégue na' net'alpi 'me let'ádaicpi qataxa ỹima na' lecochaxau'pi, qaidi da' qad'óiỹaxac qaỹa 'te gamachaqaiga. Jaldáta da' qo'mi madet'ape, qad'emáqtapiỹe't, qá'a ỹátaqta ñañanoqot ñi' Dios, qataxa nó'in da' qanec'atenaguec. 3Dójo' tamnaxac ỹátaqta 'eesa lasoxoc, qataxa ỹiỹamaxadéeta ñi' Dios 'me qadec'alaxaqui. 4Qá'a ñi'me sétaaque da' ỹima qonec'alaxatéegue na' siỹaxadipi, qataxa ỹíidaxat'a da' ỹaỹáteeta da' ỹátaqta 'eesa lasoxoc. 5Qá'a 'oonolec ñi'me ỹí'et ỹimaquéna, nataq'en 'oonolec so' siỹaxaua 'me ỹaqanatet da' nemá'ne' 'en ñi' Dios na' siỹaxadipi. So'me lenaxat Jesucristo. 6Jeso'me nañan da' qoỹalaat, da'me nalaataguec náaue da' ỹiseeten jaso' laso'vi da' lec'alaxa na' ỹima siỹaxadipi. Qataxa da'me ca'li ỹivíta so' lalóqo', qana'chi jec da' qoỹ'axáteegue. 7Chan'eesa ñi' Dios jaỹim ỹanec da' jaỹim l'aqtaxanaxanec qataxa lamaxasec, qaidi sapaxaguen na' sa judiopi, sapaxaguenec da' ỹátaqta nip'iỹáxac qataxa da' 'eesa lasoxoc. Qá'a s'amaqten so' Cristo, qana'chi da' senaac ỹátaqta 'eesa, sa jaỹim 'te pecaic.
8Qana'chi sétaaque da' ỹima jen' l'idimpi da' netamen, qana'chi ỹáatraseguem naua' loua'. Qaláxasa ỹátaqta huesóte' naua' liquidiaqtel, sa 'te huapecot ga' lalemataic, 'uootaxa da' necotátapegue' ga' laqáỹa. 9Nataq'en jan' ỹauodipi sétaaque ỹátaqta ỹiỹamaxatétac da' n'étaxac, qataxa ỹaỹáten da' netelela't, sa 'te ỹ'oxodénaxai. Qaidi sega'me n'étaxat da' ỹiỹamqáchiiñi n'onataguec. Sa 'te naqaida da' ỹ'oqóchiỹi da' 'uootaxa ỹí'et na' laỹoxot, 'uootaxa ga' 'étaxat oro 'uootaxa jan' 'etaqte perlas, 'uootaxa 'en neuoxoi jaga' sa qoỹoqóte'uo. 10Jaldáta da' ỹí'et ga' ỹiỹamqáchiiñi, qaidi sega'me n'étaxat. Qá'a naqaida da' 'éeta jaga' ỹauo da' quétapegue' ñi' Dios. 11Nataq'en sétaaque da' jen' ỹauodipi ỹátaqta n'emáxaden da' naquiáxana da' napaxaguenataxanaxac. Ỹátaqta naquiáxachiiñi. 12Qá'a sa 'te sasenem jaga' ỹauo da' dapaxaguenataxan da' 'uootaxa huétaaue ga' nemáxac. Qataxa sa napacapeelégue ga' siỹaxaua. Jaldáta da' n'emáxaden. 13Qá'a ñi'me Dios 'uáichiiñi da' ỹí'et so' Adán. Ca'li ỹim, qana'chi ỹí'et jaso' Eva. 14Qataxa so' Adán sa naqaiso so' qoỹoqovin, na'chasóta jaso' Eva 'me qoỹoqovin. Joca'li qoỹoqovin, qana'chi 'uo da' lesamaxataxac. 15Qaláxasa jaga' ỹauo qonec'alaxatéegue da' ỹátaqta huelégue da' netelá'a da' lec'óxoc, qataxa quetelégue da' lip'iỹáxac qataxa da' lesóxodic, qataxa ỹátaqta huesóta da' l'óiỹaxac, qataxa netelela't.
Currently Selected:
1 Timoteo 2: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
1 Timoteo 2
2
So' Pablo dapaxaguenataxanec da' tamnaxac
1Da'me 'uáichiiñi senaac: Sétaaque da' saqáta da' qodict'ot da' tamnaxac, da' qontameelégue ỹima na' siỹaxadipi, da' qontamenot ñi' Dios, nataq'en da' qoỹanot da' tónaxac. 2Qataxa sétaaque da' qontameelégue na' net'alpi 'me let'ádaicpi qataxa ỹima na' lecochaxau'pi, qaidi da' qad'óiỹaxac qaỹa 'te gamachaqaiga. Jaldáta da' qo'mi madet'ape, qad'emáqtapiỹe't, qá'a ỹátaqta ñañanoqot ñi' Dios, qataxa nó'in da' qanec'atenaguec. 3Dójo' tamnaxac ỹátaqta 'eesa lasoxoc, qataxa ỹiỹamaxadéeta ñi' Dios 'me qadec'alaxaqui. 4Qá'a ñi'me sétaaque da' ỹima qonec'alaxatéegue na' siỹaxadipi, qataxa ỹíidaxat'a da' ỹaỹáteeta da' ỹátaqta 'eesa lasoxoc. 5Qá'a 'oonolec ñi'me ỹí'et ỹimaquéna, nataq'en 'oonolec so' siỹaxaua 'me ỹaqanatet da' nemá'ne' 'en ñi' Dios na' siỹaxadipi. So'me lenaxat Jesucristo. 6Jeso'me nañan da' qoỹalaat, da'me nalaataguec náaue da' ỹiseeten jaso' laso'vi da' lec'alaxa na' ỹima siỹaxadipi. Qataxa da'me ca'li ỹivíta so' lalóqo', qana'chi jec da' qoỹ'axáteegue. 7Chan'eesa ñi' Dios jaỹim ỹanec da' jaỹim l'aqtaxanaxanec qataxa lamaxasec, qaidi sapaxaguen na' sa judiopi, sapaxaguenec da' ỹátaqta nip'iỹáxac qataxa da' 'eesa lasoxoc. Qá'a s'amaqten so' Cristo, qana'chi da' senaac ỹátaqta 'eesa, sa jaỹim 'te pecaic.
8Qana'chi sétaaque da' ỹima jen' l'idimpi da' netamen, qana'chi ỹáatraseguem naua' loua'. Qaláxasa ỹátaqta huesóte' naua' liquidiaqtel, sa 'te huapecot ga' lalemataic, 'uootaxa da' necotátapegue' ga' laqáỹa. 9Nataq'en jan' ỹauodipi sétaaque ỹátaqta ỹiỹamaxatétac da' n'étaxac, qataxa ỹaỹáten da' netelela't, sa 'te ỹ'oxodénaxai. Qaidi sega'me n'étaxat da' ỹiỹamqáchiiñi n'onataguec. Sa 'te naqaida da' ỹ'oqóchiỹi da' 'uootaxa ỹí'et na' laỹoxot, 'uootaxa ga' 'étaxat oro 'uootaxa jan' 'etaqte perlas, 'uootaxa 'en neuoxoi jaga' sa qoỹoqóte'uo. 10Jaldáta da' ỹí'et ga' ỹiỹamqáchiiñi, qaidi sega'me n'étaxat. Qá'a naqaida da' 'éeta jaga' ỹauo da' quétapegue' ñi' Dios. 11Nataq'en sétaaque da' jen' ỹauodipi ỹátaqta n'emáxaden da' naquiáxana da' napaxaguenataxanaxac. Ỹátaqta naquiáxachiiñi. 12Qá'a sa 'te sasenem jaga' ỹauo da' dapaxaguenataxan da' 'uootaxa huétaaue ga' nemáxac. Qataxa sa napacapeelégue ga' siỹaxaua. Jaldáta da' n'emáxaden. 13Qá'a ñi'me Dios 'uáichiiñi da' ỹí'et so' Adán. Ca'li ỹim, qana'chi ỹí'et jaso' Eva. 14Qataxa so' Adán sa naqaiso so' qoỹoqovin, na'chasóta jaso' Eva 'me qoỹoqovin. Joca'li qoỹoqovin, qana'chi 'uo da' lesamaxataxac. 15Qaláxasa jaga' ỹauo qonec'alaxatéegue da' ỹátaqta huelégue da' netelá'a da' lec'óxoc, qataxa quetelégue da' lip'iỹáxac qataxa da' lesóxodic, qataxa ỹátaqta huesóta da' l'óiỹaxac, qataxa netelela't.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.