1 Tesalonicenses 5
5
1Qaláxasa 'ami ỹaqáỹa', sa ỹiuen taa'le sedáxañi ga' nolo' 'me livídaxaqui da'me dójo'. 2Qá'a 'ami sóxote 'auaỹáchiñii ga'me nolo' 'me livídaxaqui so' qadesaliaxanec. Ga'me huétooue ga' nolo' 'me sa qoỹauáaque, 'ená'am ga' cacháxaic da' quétaỹi di' pí'ỹaq. 3Qá'a jen' siỹaxadipi, qomle 'enapéga da' ỹima mátapiiñi qataxa qaỹa 'te 'uo, qana'chi nivíta jen'me ga' ne'uaxánaguec let'ádaic, cha ỹ'aalát'ec, 'ená'am da' lec'oic jaga' ỹauo da' ỹivíta ga' nolo' da' decó'o. Qana'chi jen'me sa 'te ỹet da' ne'uaxánaguec. 4Qaláxasa 'ami qadaqáỹa', 'ená'te 'ovíitaaue ga' n'álaxa, qaidi ga'me nolo' 'me livídaxaqui so' qadesaliaxanec, qana'chi sa 'ami ỹipeláxa't, 'ená'am ga'me cacháxaic. 5Qá'a ỹima da' 'oñíita sóxote 'ovíitaaue jen' nolo' 'me ỹ'oqóchiiñi. Qana'chi qo'mi sa souqátaaue ga' l'álaxa na' pí'ỹaq. 6Chan'eesa 'ená'te qo'mi 'ochaxaiqa, sa senqá'am na' sa d'amaqténataxan 'ochaxaic. Jaldato' da' ñiloqóteegue, qataxa seloqot'egue da' qadadíquiaxac. 7Ga' siỹaxaua da' d'ochi, ỹátaqta d'ochi di' pí'ỹaq. Qataxa ga' taxaic, ỹipaquíchiỹi da' taxaic di' pí'ỹaq. 8Qaláxasa qo'mi 'me souqátaaue na' ỹ'oqóchiiñi nolo', 'ónaxaic da' ỹátaqta seloqot'egue da' qadadíquiaxac. Ỹiuen da' sanaxañi da' qadip'iỹáxac qataxa da' qadoqopi'chi, senqá'am ga' huataxanaq lé'ec da' ỹaiñi jaga' quesaxanaxai. Qataxa sanaxañi da' qanaquitaxac da' qo'mi qonec'alaxatréegue, 'ená'am jaga' jaxa'to laicaua láxataxaqui 'me ỹaiñi ga' huataxanaq lé'ec. 9Qá'a ñi' Dios sa 'te da' qo'mi ỹiloxonaxachiilo da' ỹa'uo ga' qane'uaxánaguec ga' p'áteegue nolo'. Jaldáta da' saconaxaguet da' nec'alaxa 'me chiỹoqo'ot so' qadesaliaxanec Jesucristo. 10So'me qo'mi ỹileetalóo'te, qá'a sétaaque da' qad'óiỹaxaua, temaqaidi da' maliaxa ñic'alaqátaiỹi, 'uootaxa da' sóxote qadeleu. 11Chan'eesa 'alcochiiỹapega't, qataxa ñi' 'oonolec ỹ'añaqtet ga' laqáỹa. Da'me sóxote da' 'av'íchiitac, na'chida 'oquiit'ot.
So' Pablo huaqátetapega so' 'amaqténataxanaxaicpi
12'Ami qadaqáỹa', 'ami ñachoxodénaqtoto da' ỹátaqta 'auloỹiỹet na' l'onataxanaxanecpi so' qadesaliaxanec Jesús, jen'me 'ami ỹilotalóo'te qataxa 'ami huaqátetapegalo. 13Ỹátaqta 'adoqopichíiỹa, qataxa 'auqochíiỹa, ỹasouaxat da' l'onataxanaxac. 'Ovíitaauo' da' n'emáxac, qaỹa 'te 'uo ga' 'oonolec da' 'oñíita.
14Nataq'en 'ami qadaqáỹa', 'ami saqataxalo da' ỹátaqta 'oñíỹapega na' sa 'te d'onataxan, qataxa 'au'añaqchichii na' sa d'anỹi di' lauel, qataxa 'alcochíiỹa na' sa d'anỹi da' lip'iỹáxac, qataxa 'aneuálaxaiñi'ỹi' ỹima na' siỹaxadipi.
15Ỹátaqta 'anchiliiỹa'a't, qaỹa 'te ga' ỹiseeten'aguet ga' sa ỹiỹamaxañi da' ỹ'étec ga' laqáỹa. Jaldato' da' 'aupaquiỹápegue' da' 'av'íchiic ga' ỹiỹamqáchiiñi ñi' 'oonolec da' 'oñíita qataxa ỹima jen' siỹaxadipi laỹi.
16'Oquiit'ego' na'chi 'eeta't da' 'ami madet'ape. 17'Oquiit'ot da' 'antamnaxaquii. 18Temaqaidi da' 'uo ga' 'ami hualóo'te, qaláxasa na'chi 'ená'am 'auañiitapecot da' 'antónaxaquii ñi'me Dios. Qá'a naqaida 'me 'éetapeec ñi' Dios da' 'oñíita, qá'a 'au'amaqchíñii so' Cristo Jesús.
19'Ená'te taa'le 'aualamachii da' l'onataxanaxac so' Espíritu Santo. 20'Ená'te taa'le 'au'otáñii da' l'aqtaxanaxac ga' ỹ'aqtaxanaxan ñi' Dios. 21Qaláxasa 'analoqchiñii ỹima; qana'chi ga'me ỹiỹamqáchiiñi, naqaiga 'me 'aviỹamaxachii. 22'Ená'te 'auacoñíiỹa ỹima na' ỹodapecachi sa nó'inpi.
23Ñi'me Dios 'me qo'mi ỹanema da' qad'emáxac, na'chiñi 'me 'ami ỹoqovíchiilo qa'e'n qomle, qataxa ỹiỹamaxat ỹima da' 'adó'oquiaxaquii, qataxa ñi' 'ami ỹidáxatet'ape 'adepaqálii, qataxa ỹima na' 'adai'lídii', da' ỹátaqta qaỹa 'te ga' 'adesamaxataxaquii qa'en qomle ỹivíta ga' l'iỹílaxasoxoc so' qadesaliaxanec Jesucristo. 24Ñi'me qan'étoqo't 'me 'ami ỹiỹáxanalo, jiñi'me ỹátaqta sa 'te desepégaxanot da' l'aqtac, ỹipaquíchiỹi qa'en ỹima dójo'.
Da' p'áteegue lip'iỹénataxanaxac so' Pablo
25'Ami qadaqáỹa', qo'mi 'antamñiilóo'te qomle.
26Da'me 'anip'iỹíñii'ỹi' ỹima na' 'adaỹii, qana'chi 'an'queuóqoi qataxa 'anchoxodíñii'ỹi'.
27Qá'a jaỹim lamaxasec so' qadesaliaxanec, naỹi 'ami saqatalo da' 'autaxaỹaxañii jan' ỹidíise, qaidi naquiáxana ỹima na' qadaỹi.
28Qana'chi so' qadesaliaxanec Jesucristo 'ami ỹanema qomle ga' 'ónaxaic 'adadíquiaxaquii. Já'a, na'chi naq'áita dójo'.
Currently Selected:
1 Tesalonicenses 5: PLGNT93
Highlight
Share
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.