At Ṛuma 9
9
Bulus iḥzen ɣef ddemma n wegdud-is
(Gal 4.22-31)
1Ad wen-d-iniɣ tidett, nekk iteddun deg ubrid n Lmasiḥ, ur skiddibeɣ ara ; lxaṭer-iw icehhed-d ɣef wayagi s Ṛṛuḥ imqeddes i yi-sedduyen : 2Leḥzen ameqqran d uɣilif zgan deg ul-iw. 3Zemreɣ ad qebleɣ ad ttuneɛleɣ neɣ ad ttuḥeṛṛmeɣ ɣef Lmasiḥ ɣef ddemma n watmaten-iw akked lumma-inu ; 4nutni at Isṛail i yextaṛ Yillu d agdud-is ifka-yasen-d lɛaḍima, yexdem yid-sen leɛqud, ifka-yasen-d ṭawrat d weɛbad yerna-yasen-d lemɛahdat. 5Seg-sen i d-ffɣen lejdud-nneɣ i yellan d iqeddacen imezwura n Yillu, ula d Lmasiḥ seg-sen i d-iffeɣ mi d-ilul s ṣṣifa n wemdan, netta i yellan sennig kra wayen yellan, d Illu yettwaḥemden i dayem. Amin !
Wid i yextaṛ Ameɣlal
6Acu ara d-nini ? Illu yendem deg wawal-is ? Xaṭi ! Meɛna mačči d wid meṛṛa i d-ilulen seg jeddi-tneɣ Isṛail i yellan n wat Isṛail i yextaṛ Yillu. 7Daɣen mačči d wid meṛṛa i d-iǧǧa Ibrahim i yellan d arraw-is n tidett, axaṭer Illu yenna-yas-d : Seg Isḥaq ara d-teffeɣ dderya i ak-weɛdeɣ#9.7 Walit Amezruy n talsa 21.12 ; Iɛibṛaniyen 11.18.. 8S wakka ihi nezmer ad d-nini mačči d dderya i d-ilulen s lebɣi n wemdan i yellan d arraw n Yillu, meɛna d wid i d-ilulen akken yella lweɛd n Yillu ara yettwiḥesben d ccetla. 9Axaṭer ha-ten-an imeslayen s wayes i iɛuhed Yillu : Ad d-uɣaleɣ aseggas i d-iteddun di lweqt-agi, Saṛa ad d-tesɛu aqcic#9.9 Walit Amezruy n talsa 18.10.. 10Mačči d ayagi kan : Arraw n Rifqa daɣen i yellan d akniwen, sɛan yiwen n baba-tsen i yellan d jeddi-tneɣ Isḥaq. 11Meɛna imi Illu ittextiṛi imdanen mačči ɣef ddemma n lecɣal-nsen meɛna akken yella lebɣi-s d usiwel-ines ; mazal urɛad i d-lulen warraw n Rifqa, ur xdimen cceṛ, ur xdimen lxir, 12mi as-d-yenna Yillu : Amenzu deg warraw-im ad yuɣal d aqeddac ɣef umecṭuḥ#9.12 Walit Amezruy n talsa 25.23.. 13Akken i yura daɣen deg umkan nniḍen n Tira Iqedsen :
Ḥemmleɣ Yaɛqub,
keṛheɣ Icaw # 9.13 Neɣ : Xtareɣ Yaɛqub, ǧǧiɣ Icaw ;
Amezruy n talsa
25.23 ; Malaxi 1.2-3..
Illu d aḥeqqi
14D acu ara d-nini deg wannect-a ? Ɛni Illu ixeddem lbaṭel ? D lmuḥal ! 15Axaṭer yenna-yas i Musa : Ad d-sserseɣ ṛṛeḥma-inu ɣef win i bɣiɣ, ad ḥuneɣ daɣen ɣef win i bɣiɣ#9.15 Walit Tuffɣa 33.19.. 16Ṛṛeḥma n Yillu ur d-tettas ara s lefɛayel n wemdan ama yuzzel ama yeqqim meɛna kullec ittas-d sɣuṛ Illu i d-ittaken ṛṛeḥma-ines akken ibɣa. 17Anda nniḍen di Tira Iqedsen, Illu yenna i Ferɛun agellid n Maṣer : Sbeddeɣ-k d agellid ameqqran i wakken ad d-sbeggneɣ tazmert-iw deg-k, s wakka di ddunit meṛṛa ad issinen d akken d nekk i d Illu#9.17 Walit Tuffɣa 9.16.. 18Akka ihi, Illu yesrusu-d ṛṛeḥma-s ɣef win ibɣa, isɣaṛay daɣen ul n win ibɣa.
19Ahat ad yili win ara d-yinin : Imi akka i yella lḥal, acu i mazal ittlummu deg-neɣ ? Anwa i izemren ad t-iɛaṣi ? 20D anwa-k ihi ay amdan, i wakken ad tnamreḍ Illu ? Ɛni tezmer tecmuxt ittwameslen ad tini i win i tt-imeslen acuɣer i yi-tmesleḍ s ṣṣifa-yagi#9.20 Walit Icaɛya 29.16 ; 45.9 ; 64.7. ? 21Ɛni amessal ur yelli ara d bab n talaɣt, i wakken ad d-issufeɣ s yiwet n teqṛist tacmuxt i wayen ifazen tayeḍ i wayen icemten ? 22Ɛni ur izmir ara Yillu ad d-ibeggen urrif-is akked tezmert-is ? Iɣaḍ-ik lḥal ma yeṣber s ṣṣber ameqqran i wid yuklalen urrif-is yerna teddun ɣer nnger ? 23Deg wannect-agi, Illu yebɣa ad d-isbeggen acḥal meqqret tmanegt-is i nekni i ɣef iḥun, i ihegga si zik i wakken ad nili yid-s di tmanegt-is ; 24d nekni iwumi i d-issawel Yillu, mačči seg wat Isṛail kan, meɛna ula si gar leǧnas nniḍen ; 25akken i t-d-yenna Yillu di tektabt n nnbi Hucaɛ :
Lǧens-nni ur nelli ara d agdud-iw, ad as-semmiɣ agdud-iw,
win akken ur nettwaḥemmel ara, ad as-semmiɣ win ɛzizen fell-i.
26 Anda akken i sen-qqaren : Ur tellim ara d agdud-iw,
dinna ara ttusemmin d arraw n Yillu yeddren # 9.26 Walit
Hucaɛ
2.1-25 ; 1 Buṭrus 2.10..
27Si ljiha-s, nnbi Icaɛya icar-d#9.27 Walit Imḍanen 11.25 akked tezmilt. ɣef wayen iɛnan agdud n wat Isṛail :
Ɣas ad ketṛen wat Isṛail am ṛṛmel ɣef yiri n yilel, kra deg-sen kan ara yettusellken.
28 Axaṭer Ameɣlal ur ittɛeṭṭil ara ad ixdem di ddunit ayen akken i d-yenna deg wawal-is # 9.28 Walit
Icaɛya 10.22-23. .
29Akken i d-yenna yakan nnbi Icaɛya :
Lemmer Ameɣlal n tzemmal ur aɣ-d-iǧǧi ara kra seg wegdud-nneɣ,
tili nuɣal am temdint n Sudum,
ad teḍru yid-neɣ am temdint n Gumur inegren # 9.29 Walit
Icaɛya
1.9 ; Amezruy n talsa 19.24-25..
Nuɣal d iḥeqqiyen imi numen s yis
30D acu ara d-nini ihi ? Igduden nniḍen ur nettnadi ara ɣef lḥeqq uɣalen d iḥeqqiyen zdat n Yillu, uɣalen d iḥeqqiyen imi umnen yis. 31Ma d at Isṛail yettnadin ad uɣalen d iḥeqqiyen s usaḍuf, ur wwiḍen ara ɣer lmeqsud-nsen s usaḍuf. 32Acuɣer ? Axaṭer ur qellben ara ad ɛeǧben i Yillu s liman, meɛna nutni ɣilen ad uɣalen d iḥeqqiyen s lefɛayel-nsen. Mmugren-d adɣaɣ i sen-illan d ugur, isseɣli-ten. 33Tira Iqedsen qqarent-d :
Atan ad sserseɣ ɣef wedrar n Ṣiyun adɣaɣ, d adɣaɣ i ɣef ikkat wugur,
d aẓru yesseɣlayen,
meɛna win yumnen s yis werjin ad inneḥcim # 9.33 Walit
Icaɛya
8.14 ; 28.16..
Currently Selected:
At Ṛuma 9: TiIq
Highlight
Copy
Compare
Share
Want to have your highlights saved across all your devices? Sign up or sign in
Bible en kabyle © Alliance biblique universelle, 2024.
Le travail de traduction, réalisé principalement en Algérie entre 1992 et 2024, a été effectué par l’Association Chrétienne d’Expression Berbère (ACEB) avec le soutien de l’Alliance biblique universelle.