At Ṛuma 4
4
Liman n Ibrahim
(Gal 3.6-9, 29; Ihl 32)
1D acu ara d-nini ihi ɣef Ibrahim, jeddi-tneɣ ? Amek i teḍra yid-s ? 2Lemmer ittwaḥseb d aḥeqqi s lxir yexdem, tili yesɛa sebba s wayes ara izuxx, meɛna ur izmir ara ad izuxx zdat n Yillu. 3Akken yura di Tira Iqedsen : Ibrahim yumen s Yillu, daymi i yettwaḥseb d aḥeqqi#4.3 Walit Amezruy n talsa 15.6 ; walit daɣen tiseddarin 22, 23.. 4Axeddam yuklal lexlaṣ-is, lexlaṣ-ines ur as-ittwaḥsab ara d lemziya meɛna d lḥeqq-is. 5Akken daɣen win ur nettkalay ara ɣef lefɛayel-is, meɛna yettkel ɣef Yillu i yettarran amednub d aḥeqqi, ad ittwiḥseb d aḥeqqi ɣef ddemma n liman-is.
6Akka i yessefra Dawed ɣef wemdan i iḥetteb Yillu d aḥeqqi mebla ma imuqel ɣer lefɛayel-is :
7 D iseɛdiyen wid iwumi ttwasemmḥent seyyat-nsen,
iwumi ttwamḥan ddnubat-nsen !
8 D aseɛdi wemdan iwumi ur iḥsib ara Ameɣlal ddnub-is # 4.8 Walit
Ihellilen 32.1-2. !
9Lfeṛḥ-agi, yella i wid iḍehṛen kan neɣ yella daɣen i wid ur neḍhir ara ? Nenna-d d akken : Illu yeḥseb Ibrahim d aḥeqqi ɣef ddemma n liman-ines#4.9 Walit Amezruy n talsa 15.6 ; At Galasya 3.6 ; Yaɛqub 2.23.. 10Melmi ittwaḥseb Ibrahim d aḥeqqi, uqbel ad yeḍher neɣ armi yeḍher ? Mačči armi yeḍher meɛna uqbel ! 11Ṭṭhaṛa tusa-yas-d d ttbut, d ccama i d-isbeggnen d akken Ameɣlal yerra-t d aḥeqqi ɣef ddemma n liman-ines uqbel ad iḍher. S wakka Ibrahim yuɣal d jedd n wid akk yumnen, i yettwaḥesben d iḥeqqiyen ɣer Yillu ɣas ur ḍhiren ara. 12Yella daɣen d jedd n wid iḍehṛen, ur neqqim ara kan ɣer ṭṭhaṛa-nsen, meɛna tebɛen lateṛ n liman i yesɛa Ibrahim uqbel ad iḍher.
13Ayen i yewɛed Yillu d lweṛt di ddunit i Ibrahim akked dderya n dderya-s, ur as-t-iwɛid ara imi i yetbeɛ asaḍuf, meɛna Illu iḥseb-it d aḥeqqi i lmend n liman-ines. 14Lemmer d wid ittabaɛen asaḍuf ara iweṛten, ihi liman ur yesɛi ara lmeɛna, lweɛd n Yillu yebṭel. 15Axaṭer d asaḍuf i d-ittawin urrif n Ṛebbi, lemmer ulac asaḍuf ur d-tettili ara tṛuẓi n usaḍuf. 16Lweɛd i d-ifka Yillu i Ibrahim, ibna ɣef liman i wakken ad yili d lemziya, lweɛd-agi ad ttekkin deg-s dderya n dderya-s mačči kan d wid iḍuɛen asaḍuf, lameɛna wid yesɛan liman n Ibrahim, netta yellan d jeddi-tneɣ meṛṛa. 17Am akken yura : Sbeddeɣ-k i wakken ad tiliḍ d jedd n waṭas n leǧnas#4.17 Walit Amezruy n talsa 17.5.. Yuɣal d jeddi-tneɣ zdat n Yillu s wayes i yumen, Win i d-iḥeggun lmeyytin, i d-ixelqen ayen ur nelli ara. 18Ɣas akken ur d-iqqim usirem, Ibrahim yuṛǧa s lettkal d ameqqran armi yuɣal d jedd n waṭas n yigduden akken i as-yenna Yillu : Akka ara tili dderya n dderya-k#4.18 Walit Amezruy n talsa 15.5.. 19Ur yefcil ara di liman mi iwala tafekka-s tulwa, imi i yessaweḍ qṛib meyya yiseggasen yerna qquren waskiwen n Saṛa. 20Ur t-ikcim ara ccekk si lqella n liman ɣef wayen i as-iwɛed Yillu, lameɛna isseǧhed-it liman dɣa yefka tamanegt i Yillu. 21Yettkel d akken Illu yezmer ad as-d-ifk ayen i as-iwɛed. 22Ɣef wannect-agi i yura ɣef Ibrahim d akken Illu iḥseb-it d aḥeqqi.
23Mačči fell-as kan i yura di Tira Iqedsen : Yettwaḥseb d aḥeqqi, 24lameɛna fell-aɣ ula d nekni, axaṭer nettwaḥseb d iḥeqqiyen imi numen s win i d-isseḥyan Yasuɛ Ssid-nneɣ si gar lmeyytin. 25Ittunefk ad yemmet ɣef ddemma n ddnubat-nneɣ, isseḥya-t-id Yillu si gar lmeyytin i wakken ad nuɣal d iḥeqqiyen.
Currently Selected:
At Ṛuma 4: TiIq
Highlight
Copy
Compare
Share
Want to have your highlights saved across all your devices? Sign up or sign in
Bible en kabyle © Alliance biblique universelle, 2024.
Le travail de traduction, réalisé principalement en Algérie entre 1992 et 2024, a été effectué par l’Association Chrétienne d’Expression Berbère (ACEB) avec le soutien de l’Alliance biblique universelle.