At Ṛuma 3
3
Imdanen meṛṛa xḍan i webrid n Yillu
1Ihi d acu i sɛan n wat Isṛail sennig wiyaḍ ? D acu n nnfeɛ yellan di ṭṭhaṛa ? 2Lfayda tella yerna d tameqqrant di mkul tama, axaṭer d nutni iwumi d-ifka Yillu awal-is d imezwura. 3Ma yella ihi kra deg-sen ɛuṣan awal-is, ɛni ad ten-inkeṛ Yillu meṛṛa i lmend-nsen ? 4D lmuḥal ! Illu d aḥeqqi, d imdanen kan i yeskiddiben ; am akken yura di tektabt n Ihellilen :
I wakken ad d-tbaneḍ d aḥeqqi deg awal-ik,
yerna ad trebḥeḍ di ccṛeɛ-inek # 3.4 Walit
Ihellilen
51.6 ; Danyal 9.7..
5Ma yella lbaṭel i nxeddem isban-d lḥeqq n Yillu, d acu ara d-nini ? Ɛni ur isɛi ara lḥeqq Yillu mi ara aɣ-iɛaqeb ? (Nniɣ-d ayagi s lɛeqliya n wemdan.) 6D tidett yesɛa lḥeqq ! Neɣ ma ulac amek ara iḥaseb Yillu ddunit ?
7Ma yella lekdeb-iw ittbeggin-d tidett n Yillu yerna isnernay di lɛaḍima-s, acuɣer ihi mazal-iyi ttwaḥesbeɣ d amednub ? 8Llan kra n yimdanen heddṛen fell-aɣ s ẓẓur, qqaren d akken nenna-d : Acuɣer ur nxeddem ara cceṛ i wakken ad d-iffeɣ lxir ? Imdanen am wigi uklalen lɛiqab.
9Amek ihi ? Ɛni Nekni s wat Isṛail axir n wiyaḍ ? Xaṭi ! Nniɣ-d yakan d akken am wat Isṛail am leǧnas nniḍen, d aklan n ddnub meṛṛa. 10Tira Iqedsen qqarent-d :
Ulac amdan aḥeqqi,
ulac ula d yiwen # 3.10 Walit
Amusnaw 7.20. ,
11 Yiwen ur ifhim,
yiwen ur ittqellib ɣef Yillu,
12 ffɣen akk i webrid,
uɣalen d imejhal ;
ulac win ixeddmen lxir,
ulac ula d yiwen # 3.12 Walit
Ihellilen 14.1-3. .
13 Imawen-nsen ldin am iẓekwan,
Ilsawen-nsen d ixeddaɛen # 3.13 Walit
Ihellilen
5.10 ; Irmiya 9.3-5. .
Ččuṛen d ssem am izerman # 3.13 Walit
Ihellilen
140.4 ; Yaɛqub 3.8..
14 Imawen-nsen ččuṛen d ddeɛwat n cceṛ d teṛzeg # 3.14 Walit
Ihellilen
10.7 ;
Matta 12.34. .
15 Iḍarren-nsen ttɣawalen i wakken ad ssizlen idammen ;
16 ansi ɛeddan ad ǧǧen axeṣṣar d nnger di lateṛ-nsen.
17 Ur ssinen ara abrid n lehna # 3.17 Walit
Icaɛya
59.7-8 ; Inzan 1.16. ;
18 ur sɛin ara deg ul-nsen tuggdi n Yillu # 3.18 Walit
Ihellilen 36.2. .
19Neẓra d akken ayen akk i d-iqqar usaḍuf, yenna-t-id i wid yellan seddaw leḥkem n usaḍuf i wakken imdanen meṛṛa ad zemmemen yimawen-nsen, ad ẓren d akken d imednuben i llan zdat n Yillu. 20Ur izmir yiwen ad yili d aḥeqqi zdat n Yillu imi i yexdem ayen i d-iqqar usaḍuf ; axaṭer asaḍuf ittbeggin-d kan i wemdan d akken d amednub i yella.
Amek ara yuɣal wemdan d aḥeqqi ɣer Umeɣlal ?
21Tura isbeggen-aɣ-d Yillu amek ara nuɣal d iḥeqqiyen zdat-s mebla ṭawrat. Ayagi yella di ṭawrat akked yedlisen n lanbiya. 22Illu iḥseb akk imdanen d iḥeqqiyen ɣef ddemma n liman-nsen di Yasuɛ Lmasiḥ, ixdem ayagi i wid meṛṛa yumnen s yis, axaṭer ulac lxilaf gar yimdanen : 23Denben meṛṛa, yerna ttwaḥeṛmen si lɛaḍima n Yillu. 24Lameɛna s ṛṛeḥma-ines, irra-ten d iḥeqqiyen mebla lexlaṣ, s Yasuɛ Lmasiḥ i ten-id-icufeɛ. 25D netta i d-ifka Yillu d asfel fell-aɣ i wakken s idammen-is yuzzlen, ad d-yawi leɛfu n ddnub i yimdanen meṛṛa ara yamnen yis. Akka i d-ibeggen Yillu lḥeqq-ines ; axaṭer zik-nni, asmi akken i sen-iṣber, ur iɛuqeb ara imdanen ɣef ddnubat-nsen ; 26ma d tura isken-d amek i ten-irra d iḥeqqiyen zdat-s, axaṭer ibɣa ad d-ibeggen d akken netta d aḥeqqi yerna ad irr d iḥeqqiyen wid akk ara yamnen s Yasuɛ.
27Anda-tt sebba n zzux ? Ulac ! Axaṭer mačči s usaḍuf n lefɛayel ara nzux meɛna s usaḍuf n liman. 28Nekni neẓra amdan yettuɣal d aḥeqqi s liman-ines mačči s lefɛayel i d-yeqqar usaḍuf. 29Ɛni Illu, d Illu n wat Isṛail kan ? Ur illi ara d Illu n leǧnas nniḍen ? Ula d nutni d Illu-nsen 30imi yiwen n Yillu i yellan ; ad irr wid akk yumnen d iḥeqqiyen zdat-s, am wid iḍehṛen am wid ur neḍhir.
31Ma nenna-d akka, mačči d lqima n usaḍuf i nebɣa ad nesseɣli, meɛna d lqima-ines n ṣṣeḥ i as-nefka.
Currently Selected:
At Ṛuma 3: TiIq
Highlight
Copy
Compare
Share
Want to have your highlights saved across all your devices? Sign up or sign in
Bible en kabyle © Alliance biblique universelle, 2024.
Le travail de traduction, réalisé principalement en Algérie entre 1992 et 2024, a été effectué par l’Association Chrétienne d’Expression Berbère (ACEB) avec le soutien de l’Alliance biblique universelle.