Matta 4
4
Ajeṛṛeb n Yasuɛ Lmasiḥ
(Mq 1.12-13; Lq 4.1-13)
1Imiren Ṛṛuḥ imqeddes yewwi Yasuɛ ɣer unezruf i wakken ad t-ijeṛṛeb cciṭan. 2Mi yuẓam ṛebɛin wussan d ṛebɛin wuḍan, yuɣal illuẓ. 3Iqeṛṛeb ɣuṛ-s Iblis yenna-yas : Ma d Mmi-s n Yillu i telliḍ, ini-yasen i yedɣaɣen-agi ad uɣalen d aɣṛum. 4Yasuɛ yerra-yas : Yura di Tira Iqedsen :
Amdan mačči s weɣṛum kan ara yidir,
lameɛna s mkul awal i d-ittefɣen seg imi n Yillu # 4.4 Walit
Asmekti 8.3
..
5Cciṭan iwwi-t ɣer temdint n Urucalim issers-it ɣef yixf n ufakan, 6yenna-yas : Ma d Mmi-s n Yillu i telliḍ, ḍegger iman-ik d akessar, anaɣ yura :
Ad ifk Yillu lameṛ i lmalayek-is fell-ak
ad ak-awin gar ifassen-nsen
i wakken ad ḥadren aḍar-ik ɣef yedɣaɣen # 4.6 Walit
Ihellilen 91.11-12
..
7Yasuɛ yerra-yas : Yura daɣen : Ur tettjeṛṛibeḍ ara Ameɣlal Illu-inek#4.7 Walit Asmekti 6.16..
8Cciṭan iwwi-t daɣen ɣef wedrar ɛlayen, isken-as-d tigeldiwin meṛṛa n ddunit d lɛaḍima-nsent, yenna-yas : 9Ad ak-tent-fkeɣ meṛṛa ma tseǧǧdeḍ zdat-i ad iyi-tɛebdeḍ. 10Yasuɛ yenna-yas : Beɛɛed akkin fell-i a cciṭan, axaṭer yura : Ad tɛebdeḍ Ameɣlal, Illu-inek, i netta kan iwumi ara tseǧǧdeḍ#4.10 Walit Asmekti 6.13..
11Dɣa cciṭan iṭṭaxeṛ fell-as. Imiren usan-d lmalayek ɣuṛ-s, i wakken ad as-qedcen.
Yasuɛ di temdint n Kafernaḥum
(Mq 1.14-20; Lq 4.14-15)
12Mi yesla Yasuɛ d akken Yeḥya#4.12 Yeḥya Aɣeṭṭas, walit ixf 14.3. ittwaḥbes, yuɣal ɣer tmurt n Jlili. 13Iffeɣ si temdint n Naṣarit, iṛuḥ ad izdeɣ di Kafernaḥum ; d tamdint yellan rrif n yilel di lejwahi n tmura n Zabulun d Naftali#4.13 Zabulun d Naftali : D iderman n zik di Isṛail n ugafa., 14i wakken ad iḍru wayen yenna nnbi Icaɛya :
15 A tamurt n Zabulun akked Naftali,
a timura iqeṛben ilel akkin i wasif n Urdun,
a tamurt n Jlili i deg zedɣen leǧnas ur nelli ara n wat Isṛail,
16 agdud-nni yezgan di ṭṭlam,
iwala tafat tameqqrant,
wid izedɣen di ṭṭlam n lmut,
tceṛq-d fell-asen tafat # 4.16 Walit
Icaɛya 8.23-9.1
..
17Seg imiren, yebda Yasuɛ ittbecciṛ iqqar : Tubet, uɣalet-d ɣer webrid, axaṭer tagelda n igenwan tqeṛṛeb-d. 18Mi iteddu Yasuɛ ɣef rrif n yilel n Jlili, iwala sin iḥewwaten : Semɛun ittusemman Buṭrus akked gma-s Andriyus. Llan ṭeggiṛen icebbaken-nsen ɣer yilel, ttṣeggiden. 19Yenna-yasen : Ddut-d yid-i, ad kkun-rreɣ d iṣeggaden n yimdanen. 20Dɣa imiren kan, ǧǧan icebbaken-nsen, ddan yid-s. 21Mi yerna yelḥa kra, iwala sin watmaten nniḍen : Yaɛqub d Yuḥenna yellan d arraw n Zabadi. Llan akked baba-tsen di teflukt, ttxiḍin icebbaken-nsen. 22Issawel-asen, imiren kan ǧǧan dinna baba-tsen d teflukt-nni, ṛuḥen ddan yid-s.
23Syenna, Yasuɛ ikka-d tamurt n Jlili meṛṛa, isselmad di leǧwameɛ n wat Isṛail, ittbecciṛ Lexbeṛ n Lxir n tgelda, isseḥlay yal aṭṭan d yal leɛyub n lɣaci. 24Slan s yis ula di tmurt n Surya meṛṛa ; ttawin-as-d imuḍan i ihelken s mkul aṭṭan : Wid ittwamelken, wid iwumi yettṛuḥu leɛqel akked wukrifen. Yasuɛ isseḥla-ten akk. 25D izumal n lɣaci i t-d-iḍefren si tmurt n Jlili, si ɛecṛa n temdinin-nni, si temdint n Urucalim, si tmurt n Yahuda akked lejwahi yellan agemmaḍ i wasif n Urdun.
Currently Selected:
Matta 4: TiIq
Highlight
Copy
Compare
Share
Want to have your highlights saved across all your devices? Sign up or sign in
Bible en kabyle © Alliance biblique universelle, 2024.
Le travail de traduction, réalisé principalement en Algérie entre 1992 et 2024, a été effectué par l’Association Chrétienne d’Expression Berbère (ACEB) avec le soutien de l’Alliance biblique universelle.